متى يتم تغيير زيت القير العادي ..؟!

الله يستر علي وعليها يارب هايلوكس 2008 يجيها من التطعيس على خفيف وماشية 75 ولاغيرت فيها زيت القير , ولا ادري متى يتغير عن اي كم كيلو يعني ؟؟ ولاكن انا اللي اعرف كاااااااااااااااااان
معي كراسيدا 91 GLX انواع الزرزرة اوانوع الطبالين والهجولة وشحط مكاين ودوارات من كيلو
بشكل ماتتصور خدمتها معنا يمكن _15 سنه يعني شارينها مستعمله وطرا لي في ذاك اليوم اني افحص زيت القير وبعده قام يهرب معي وبعدها مدري وش فيه وسوست من زيت القير , قلت ليتين مخليه مثل اوول واللي خلاني اروح اعايرة واهتم فيه لاني فكيت القير مره لاني كنت اغيره فيه مدري وشو الظاهر صحن اوعمود من بعض المطبات الجامدة اللي جابت هالعمووود والمهم من بعدها كنه سلك معي وغيرت وكل شي تمام والان السيارة الكرسيدا مازالت معااي , ولاكن الاهم والمهم عندي الهايلوكس مدري متى اغيرره , رحت للوكالة قبل اربع شهور وهي ماشيه 45 الف قالي لازم تغير زيت قير ودفرنس وماكينه (الماكينة ) اتفقنا عليها . لاكن القير والدفرنس ياناس يتغير او لا وعندكم كم كيلو ووين المكان المضمون اللي نغيره بالوكالة ولا في المحلات العادية وكذلك الدفرنس .

وسوال اخير , الزيوت الجديدة مثل كاسترول , كم يمشي كيلو بالضبط 5000 او6000 ام ماذا ؟ وهل يكون تغيير السيفووونن مع كذا مرره , ام ماذا

زيت القير العادي ضروري يتغير عند المائة ألف كيلو متر.

تدري كان عندي كرسيدا جراندي موديل 88 من يوم أخذتها إلى أن وديتها التشليح ما عمري غيرت زيت قيرها بس أوديها للبنشري يدخل إصبعه في جنب القير ويقول الزيت فل وعليها
يمكن جلست 10 سنوات من سفريات وكرف وتحديات وقومات وتهبيط وترفيع ومسح كفرات ومشي الطبلون كامل وتطعيس وطرح كابرسات وهالكسات وجمسات وفوردات وغيرها وأشكال المخالفات
(الله يرحم أيامك يالجراندي 88)
بس لا تسوي مثلي لازم تتأكد من زيت القير وتشوف حالته عند واحد متخصص ترى سيارات زمان تختلف عن هالوقت قومه وحدة قويه بسيارات هالوقت تجيب خبر القير

كل اربع اشهر تقريبا

يختلف نوع زيت القير العادي عن الأوتوماتيك.
زيت الأوتوماتيك هو زيت هيدروليك بينما زيت القير العادي هو زيت تشحيم فقط ويكون ثقيل بعض الشيء (أثقل من زيت المكينة).
والله أعلم.

انا الي اعرفه وهو مكتوب في كاتلوج سيارتي ان القير العادي كل 100 الف والتماتيك كل 30 الف
لكن نوع الزيت ما ادري