باقي سيارة وحده وينفجر مخي...ارجو المساعده

X-BOY-DMM @user_79765 · 04-02-2008

الســــلام عليكـــم يا شبــاب ... كيف الحال وشلونكم وعلوومكم

الصـــراحه أول شي :p طبعا لازم نمدح يعني مايصير ندخل في الموضوع على طول...:D

ماشاء الله عليكم اشكركم والله على مشاركاتكم في الاستفسارات و الاقتراحات واشكر صاحب المنتدى على فكرة هالمنتدى الرااائعه جدااا...

عموما شباب ندخل في الموضوع واعذرونا ماقلطناكم بس على قولة المثل اليد طويله والقهوه قصيره:D << على فكرة ضيعت المثل,,,

ابد اللي يبي أقهويه ولا شي حااضرين يجيني الله لايهينه للدمام ويبشــر بأحلى قهوه...

الله يعافيكم شباب عندي استفسار انا صراحه الحمدلله مخي جاته رجه غير طبيعيه رجوني الشباب رجوني اهلي ...كل ما اختار سياره يطلع فيها عيب او بلاء...وبعدين يعني متى بشتري سياره ان شاءا لله؟؟ :D معقول اقعد طول عمري على السيكل :p ....

الاستفسار هو...كنت ابشتري..

همرH3 ... وقالولي قطع غيار غاليه وضيق ومو اي واحد يعرف يصلحه خصوصا لو مسكت خط طويل ما اقدر اصلحها عند اي بنشري حتى لو غبي...لانها مب معروفه..

يوكون & تاهو....سيارة امريكية وفيها خرابات ومشاكل وتتفكك ووكالاتهم زفت ومدري وشو...الخ <<كملو الباقي عاد ذول بلاويهم معروفه :D

برادو...قالولي تمام التمام خذها وانت مغمض بس يوم رحت الوكاله ..اولا قالولي سواقة تجربه تحلم...ثانيا شكلها زلللع مقرف يجيب الكآبه و ضيق التنفس والحمدلله طلعت قبل لا استفرغ الله يكرمكم من اكسسواراتها وشكلها...مررره ماعجبتني

فورنتشر... قالو كأنك تسوق هايلكس ومركب كفرات كبار خذ البرادو اقوى واحسن منها...

باثفندر...قالولي تــتفكــك معرووف النيسان شوف الماكسيما شلون تتفكك مثل السلام عليكم

الشيروكي ... قطع غيار غالي جهنم ويحلمون

FJ اف جي ...يقوولون كأنها بوك هندي.. ومافيها شنطه لو احتجت شنطه ومكيف ورى مافيه وجديده في السعوديه...

طيب وش آخـــــــــذ...ابي سياره ماتخرب :D

ساعات اقول اخترع سياره بنفسي بس :D

الزوبــــــده ابي فزعتكم

شكرا

Kenny @user_9622 · 06-02-2008

فتحة السقف في الباجيرو كبيرة نسبياً مقارنة بالسيارات الأخرى .. ومثبت السرعة تحت شورك

تحياتي

Kenny

الزهراني_007 @user_51275 · 06-02-2008

بالنسبة لمثبت السرعة يبيلك تشيك معا الوكالة، لأنه بصراحه حرام تدفع
مبلغ وقدره وتأخذ سيارة من المفترض أن تكون مواصفاتها فل كامل وفي الأخير ما فيها مثبت سرعة :mad: .

والأهم بالنسبة لي من مثبت السرعة هي فتحة السقف والله أنها ما تتعوض أيام الشتاء
والغيوم والأجواء الرومانسية ( واسأل مجرب ولا تسأل ميكانيكي ).
بالنسبة لي لو أشتري سيارة ما يكون فيها فتحة سقف أروح أركب
وحده عند مجموعة السلام ب 3000 ريال مع ضمان مدى الحياة.

أهم شيء وأنا أخوك أنك تقلص خياراتك إلى ثلاثة سيارات وتصلي استخارة
والله يوفقك واحجز لي دورة بالسيارة الجديدة لو سمحت:D .

تحياتي
الزهراني_007

almuflhy 1 @user_49839 · 06-02-2008

أخوي باجيرو وبس ....
عندك هنا أعضاء عندهم باجيرو كلهم يمدحو ما في ولا أحد ذمه
ماشاء الله سعره فيه
وبعدين سالفت قطع الغيار مشهوره قطع ميتسوبيشي زياده بسيطه بس جوده عاليه وعمر أفتراضي أطول
وسئل ملاكها
سلام......

X-BOY-DMM @user_79765 صاحب الموضوع · 05-02-2008

ههههههههههههههههههههههههههههه الله يجزاك خير يارب تسلم ...بإذن الله معــزم خلاص

بغمض عيوني ماني شايف سيارات خلاص اخاف اغير طفشت من التغيير بس المشكله وعدت kenny

لازم اشووف الميتسوبيشي لان هي الوحيده ما مريتها....
\
\

الحين باقي ان شاء الله عسى القرض يخلص ويطلع ...ونطقها FJ :D ان شاء الله...

بس من اولها بنصرف عليها :rolleyes: يقولون مافيها مثبت سرعه...الله يعين

تسلم اخوي ويسلم كل من شارك بالموضوع...

والاستخــــــــــــــــارة اكيده باذن الله هي اهــم من السيــاره...ماعليك حريصين عليها ان شاء الله

محتار 2008 @user_71758 Banned · 05-02-2008

نعم الراي !!

اصلا الطعوس بتروح يومين وتبطل !!

واذا مابطلت بيجيك الحر وغصب تبطل
اخيرا بتشتري //

عاد تكفى نبي لفه فيه !!

واذا محتاج اي شيء انا كل يوم بقراء موضوعك <======== لزقه بس والله ما راح اتركك الا اذا شريت واذا ما شريت بضرب عنقك<==== وش عنده الزير سالم|13|

تقبل تحياتي ولاتنسى الاستخارة!

X-BOY-DMM @user_79765 صاحب الموضوع · 05-02-2008

أشكــــركم جــدا على مشاركــاتكم وسعة ورحاابه صدركم... صحيح انكم ذيــابه والله ... تسلمون كلكم...

محتـــار 2008

خخخخخخخ والله اذا سلف بدون فوائد ما أكــره :D ...الله يعطيك العافيه تسلم,,,

تاهو ...قلت لك يا محتــار امريكي مشكلته ويتفكك يقولون وبعدين صراحه صراحه صراحه اخاف من مشاكله ما ابي أبلش فيه.. كم واحد حظه زين ماشاء الله طلعه وبدون مشاكل وكم واحد الله يكفينا الشر طلعه ويقول جير يطيح وحساسات مدري وشفيها ...قاري الموضوع هنا غير عن سوالف الشباب....وبعدين امريكي قلق...يطيح سعره بسررعه

باترول سفاري ربع

مررره صغير وش هذا ما يصلح

باترول سفاري كبير

والله زين بس مشكلته نيسان ويتفكك ... الحمدلله مارحت بعيد هذا خالي معه واحد كارهه...

اكس تيرا

لا ياحبيبي ماابي اكــون فار تجارب...أحس اذا اخذته انا بمشي لحالي فيه ...توه جديد نازل والجديد مشكله... لازم يطيحون فيه ناس بعدين نشوف...

مشكووور ياغالي،،،

Kenny

[COLOR=black]اخووي كني... ربع صغيرر مره ....والـ5 ابواب زين...بس وعد بروح الوكاله وعدتك انا وحاطها في بالي...بس يومين على الاقل على مايجيني خلق :D [/COLOR]لأني احس نفسي مطووول مع هالسيارات الغثاء

بس قطع غيارها حسب كلامك زين صراحه مافي فرق بينها وبين الهوندا ...معي هوندا بس ورثـتـها :D لأحد اخواني وانا بشتري سياره ان شاء الله...

وشكراا جدا على الخدمه في الاستفسار هذا من طيبك...بس على فكره ماشاء الله توقيعك حق الباجيرو مرره رهيب ...اتوقع ذا الباجيرو مب بالسعوديه...اذا ماني غلطان او معبث أو فيه إن...

تسلم ياغالي،،،

الزهــراني _007

7-تويوتا إ ف جي كروزر : ممتاز كمواصفات ولكن شكله يشبه الوايت اللي يجي يعبي لنا مويه هههههههه.

عشان كذا باخذه :D ماشاء الله وشلوون عرفت ....

شكراا ياغالي....

Genius_M

ياااخي المشكله ما اقدر اخذ سيارات امريكيه مدري ليش اكرهها هي حلوه صراحه بس مشاكلها قلق خصوصا الفورد والماركيز احس انها سلالة دلع...

بيني وبينك ما اخفيك مارحت اشوف الجيوب حقتهم لأني احس انها مب قويه في الطعووس...[COLOR=royalblue]يعني لما اجي أقارن سعرها ...أقول لا والله أزود 5000 وآخذ باترول...:rolleyes: [/COLOR]

وتسلم يالغـــلا،،،

maz..n

والله اني عارف حتى الاهل والاصحاب يقولون تراك أدوختنا شوف لك اي سياره وريحنا :D

حتى انا انغثيت من عمري...

تسلم ياغالي،،،

ايه صح ذكرت الفورتشر كنت اول حاطه ببالي بس قلت لاء ااخذ أف جي احسن لي واكشخ...وبعدين ياخي وجهيه الفورتشر كانه ددسن...

مشكوور ياغالي...

أسـد الهيجا
[SIZE=4]
[/SIZE]اكسترا...مستحيل اكون فار تجارب توه نازل آآخذه انا أبتلش فيه!!!

الباتروول ...توني جيت من وكالته قال

[SIZE=4]باترول 1 ------ 130
[SIZE=4]باترول 2 -- - -- 140
[SIZE=4]باترول 3 ---- 167

والحيره تكبر في مخي...طبعا باترول 2 و3 مشطوبين لأنهم فوق طاقتي :D

آآآخر ماتوصلت عليه والله اعلم با خذ FJ CRUISER

منها زوين سعره تقريبا 100 يعني يقص الظهر بس مب قص كامل..

وحليل وكشيخ وخفيف ...خصوصا مدير تويوتا عن طريق واحد من الشباب سأله و قال حتى الآن كل اللي اشترو FJ ولا احد اشتكى منه ماشاء الله..

ومشكوووووووووورين جدا
[/SIZE][/SIZE][/SIZE]

أسد الهيجا @user_51932 · 05-02-2008

السلام عليكم
والله وانا اخوك يبغالك اما اكستيرا ولا نيسان باترول الفتك
والاكستيرا الفل فيها ب 102 الف و الباترول قير تماتيك ومثبت سرعة ب 130 الف
وايضا الاخوان اشاروا للباجيرو وهي موتر لايعلا عليه ولكن انت شوف اش اكثر موتر يعجبك بالشكل لان سيارات الدفع الرباعي الثلاثة ذي قدراتها ممتازة

maz..n @user_38926 · 05-02-2008

هههههههههههه

مشكلتك مشكله ياخوك :D

انا انصحك بالفورتشنر 6 سلندر ..

جربه بس اقل شي ..

مكينه قويه ..

وثلاث صفوف مقاعد ..

ومكيف خلفي تشغله من عندك من قدام يعني ..

سياره بر وخط ..

جرب سواقته بس ..

وراح تدعيلي |1|

محتار 2008 @user_71758 Banned · 05-02-2008

من وجهة نظري الباجيرو مفروض تصير مكينته اقل شيء 4000 سي سي بالنسبه لحجمه!؟

Genius_m @user_33175 · 05-02-2008

-الميركوري ماونتير : بصراحه ممتاز جداً قوة وفخامة لا تضاهى وسعره ممتاز جداً مقارنة بالمواصفات كما يعتبر الأريح في فئته وفيه عزل صوتي أفضل من شقيقته الصغرى الماركيز.

هذا هو الموتر اللي كان في بالي...................

الماونتير خيااااااااااااار رائع جدا..........

وسعره حول 125 الف ريال على ما اتعقد.........

ودفع رباعي مستمر.......

بالعربي تبي موتر خطووووووووط ماعندك الا الماونتير......

وسمعت بعد انه يجي 8 سلندر مو زي الاكسبلورر مايجي الا 6 سلندر بس........ الرجاء من الاعضاء يكدون اقصد يأكدون :D لنا المعلومه........

تحياتي...

محتار 2008 @user_71758 Banned · 05-02-2008

الله يرحم والديك رد علينا

تكفى.. تكفى,..:D

الزهراني_007 @user_51275 · 05-02-2008

أولا أحب أرحب فيك في هالمنتدى الشامخ بأعضائه ومشرفيه المتميزين

وبالنسبة للقهوة راح ناخذها سفري :D علشان ما نكب شيء في المنتدى ونبتلش

المهم نرجع لموضوعك

بالمختصر المفيد ما فيه سيارة كاملة والكامل وجه الله ، وصعب أنك تلقى سيارة ذات جودة عالية وقطع غيار متوسطة السعر

أما الجيوب فهي تعتمد على استخدامك وذوقك وتقدر تتوصل للسيارة اللي تناسبك إذا شفت أنت وشو اللي تبيه من السيارة، يعني هل أنت راعي طلعات للبر؟ هل أنت راعي مشاوير طويلة وخطوط؟ هل استخدامك للسيارة يكون غالباً داخل المدينة فقط(مشاوير قريبة)؟؟؟

أما بالنسبة لتقييمي لللسيارات فهي كالتالي:
1-النيسان باثفايندر : ممتاز إذا كان فل كامل ولكن يعيبه ويعيب النيسان عموماً التفكك ( يتهلهل بسرعه) + قطع الغيار غالية نسبياً.
2-التويوتا برادو : أعتقد اللي صممه فلبيني أحول وأبوه ما كان يعطيه فلوس للفسحه هههههههه. يعني باختصار خلك بعيد عنه.

3-الهونداCR-V : ضعيف (170 حصان) + سعره مبالغ فيه جداً.

4-الهوندا MR-V: ممتاز ولكنه غالي وقطع غياره غالية جداً.

5-الميتسوبيشي باجيرو: جيب ولا كل الجيوب وهو الأفضل جودة وأداء( ياباني 100%) وقطع غياره غالية وخصوصاً قطع البودي غالية جداً، أما القطع الميكانيكية فهي مقبولة جداً.
6-الميركوري ماونتير : بصراحه ممتاز جداً قوة وفخامة لا تضاهى وسعره ممتاز جداً مقارنة بالمواصفات كما يعتبر الأريح في فئته وفيه عزل صوتي أفضل من شقيقته الصغرى الماركيز.

7-تويوتا إ ف جي كروزر : ممتاز كمواصفات ولكن شكله يشبه الوايت اللي يجي يعبي لنا مويه هههههههه.
على العموم رضى الناس غاية لا تدرك، وأنت اقرأ الموضيع اللي في هالمنتدى وصدقني راح تفيدك كثيييييير.

وأرجوا أن تتقبل رأيي بصدر رحب.

تحياتي

الزهراني_007

Kenny @user_9622 · 05-02-2008

X

X-BOY-DMM

Kenny

ياخي تصدق بهرتني بصــور باجيرو؟؟؟ طيب الميستوبيشي ياشباب وش عيوبه؟؟ مافيه عيوب!!

قطع غياره كيف ؟؟

بس صراحه الصوره اللي حاطها جدا حلوه وأنيقه بس باقي السعر الله يستر ...

وعد والله بإذن الله لااازم امر وكالة الميستوبيشي

تسلم يالغــلا،،،،

هلابك أخوي

سعر الباجيرو الربع تقريباً 112 ألف (فل كامل) أما الـ 5 أبواب فهو تقريباً 130 ألف

بالنسبة للي يقول القطع غالية .. أحب اقوله إن الهوندا غالي .. السوبارو غالي .. النيسان غالي .. السوزوكي غالي .. المازدا غالي .. وحتى التويوتا غالي في بعض القطع .. يعني شلون ما نشتري :confused:

والا بس علشانها ميتسوبيشي :confused:
عموماّ هذي أسعار بعض القطع الإستهلاكية للباجيرو اللي عندي

اشتريت القماشات الأمامية بـ 210 ريال والخلفية بـ 160 .. وشف كل كم تستهلك :eek:

البواجي إشتريت 6 بواجي أصلية (3) رؤوس بـ 110 ريال

فلتر الهواء حق السيارة بعد الخصم طلع علي بـ 80 ريال

أخوي .. مر الوكالة وشف الباجيرو .. وإذا عجبك .. وعندك أي استفسار أنا حاضر

تحياتي

Kenny

محتار 2008 @user_71758 Banned · 05-02-2008

^^^^^^^
تبي سلف |4| <===== مرني بالشركه
الباجيرو قطع ناااااااااااااااااااار

وسيارة مكينتها 3000 سي سي ونوع ثاني 3800 سي سي!!

لكن كبير وغالي !

عندك تاهو 126

باترول سفاري ربع 105

باترول سفاري كبير 130

اكس تيرا وش رايك؟

X-BOY-DMM @user_79765 صاحب الموضوع · 04-02-2008

محتار 2008

اخوووي محتاااار اشكرك جدا لمتابعتك لموضوعي...واحب اقولك لازم جيب :D فيه ظروف خاصه شنسوي...

مشكور يا غالي,,,

VTC 4800
والله لو الفلوس مليانه وانتم فوق راسي شريت اللاندكروزر من دون استشاره...بس مهناش فلووس حدي 130 بالمــوت :D او مو بالموت إلا بالسلفيــات

مشكور ياغالي,,,

Kenny

ياخي تصدق بهرتني بصــور باجيرو؟؟؟ طيب الميستوبيشي ياشباب وش عيوبه؟؟ مافيه عيوب!!

قطع غياره كيف ؟؟

بس صراحه الصوره اللي حاطها جدا حلوه وأنيقه بس باقي السعر الله يستر ...

وعد والله بإذن الله لااازم امر وكالة الميستوبيشي

تسلم يالغــلا،،،،

مدريدي_ليفربولي

برادو -----> شكلها بايخ ويحوم الكبد لكن صراحه هي سياره ممتازه بس شكلها مب مهضوم

اللاندكروز ----> العين بصيره واليد قصيره مافي فلوس تكفي....

تسلم يالغلا,,,