وش رايكم محتار بين مرسيدس 500 و اودي a8l ولكزس 460 وبورش كايين وغيرهم

ماقصرتم ياشباب على نصايحكم وتفاعلكم

البورش كنت بشتريه بس تأكد انه بيتغير في عام 2011 لذلك صرفت النظر عنه

وابشركم شريت بانوراما 500 كت amg s63

مشكورين على المعلومات الجميلة هذة

اذا كنت تبي افضل جيب فأكيد

البورش الافضل افضل من جيب المرسيدس نفسه والبي ام

وايضا الاودي ماعليها كلام

كلن على همه سراااا واناااا على همي سرييييت
الله يوفقك وتشتري الموتر اللي تمخمخ عليه
وانا نصيحتي انك تاخذ جيب ربع خخخخخخ
بصراحه انا انصحك تاخذ بورش كايين

اخوي البورش اخذت المركز الاول في التحمل وجوده التصنيع....واللكزس في المركز الثاني....

يعني اذا فيه سياره بتتحملك ماراح تكون الا البورش :D

والكايين سياره ماعليها كلام......

قوه وشكل وفخامه........

انصحك فيها ...

واذا رجعت تبي سياره سيدان....

خذ لكزس LS460 ولا راح تندم ابدا |1|

تحياتي...

إذا ماشالوا (الغطرسة) اللي كان موجود فيها لكان طلبت فقط بنزين 98 وإحنا هالشي ماعندنا..

أخوي عبد الملك،، والله الصيانة تعتمد على اسلوب القيادة.....

البورش إس محركها قوي،، وفراملها قوية بعد، بصراحه أنبهرت بفرامل السيارة اكثر من انبهاري بقوة تسارعها،، مع ان السيارة سريعة وماحسيت بالسرعة الي كنت امشي فيها خصوصا لما جيت على لفة وكنت ماشي 160 بدون ماحس... الفرامل قوية لدرجة انك ممكن تطير من مكانك اذا فرملت فرملة قوية بدون ماتكون لابس حزام الامان.. قوة فرملتها تعادل قوة اصطدام بحائط او شي من هالقبيل. بالنسبة للصيانة.... شخصيا ما امتلكت السيارة لكن كان عندي زميل في الجامعة يمتلك هذي السيارة،، الشي الوحيد الي كان يشتكي منه هو الفرامل،، اعتقد كان يدفع 2000 ريال على تبديل السفايف. غير هالشي مالاحظت انه كان يشتكي من شي غير الفرامل،، مع العلم انه متهور وسواقته سريعة جداً.. السيارة هذي اسرع من الرنج روفر السوبر تشارج
شخصيا ما انصحك بسيارة انجليزية،، لان هالسيارات فيها عيوب تصنيعية كثير وخصوصا في الامور الكهربائية والالكترونية، الالماني معروف بقوته وكفائته،، والي معاه رنج روفر سوبر تشارج خله يجرب يطلع مع واحد عنده كايين S ومع ذلك البورش كايين S ارخص بكثير من الرنج روفر والي غالي لانه انجليزي فقط. لو بتاخذ سيارة تقد معاك 3 سنين ومابتسوي لك مشاكل وايد خذ لك البورش وبعد 3 سنين راح اتبيع السيارة بخسارة اقل من لو انك اتكون شاري رنج روفر. ولا تنسى نقطة مهمة، ان الرنج روفر في نهاية عمر تشكيلته الحالية ،، ولو بتاخذ رنج روفر الحين والسنة الجاية او الي بعدها يتغير شكله، راح اتكون حركة غير موفقة منك
بالنسبة للخطوط الطويلة السيارة هذي مريحة من الداخل وفي ما يلي بعض المقارنات السريعة بين الكيين والاس كلاس واللكزس.
بورش كيين S:
السعر الأساسي 240 الف
استهلاك الوقود: 13 ميل من كل جالون/ 19 ميل من كل جالون ( الرقم الاصغر داخل المدينة والرقم الاكبر على الطرق السريعة )
القدرة الحصانية 385 حصان

مرسيديس بنزS500:
السعر الأساسي 420 الف
استهلاك الوقود: 14 ميل من كل جالون/ 21 ميل من كل جالون ( الرقم الاصغر داخل المدينة والرقم الاكبر على الطرق السريعة )
القدرة الحصانية 382 حصان

لكزس LS460L:
السعر الأساسي 260 الف
استهلاك الوقود: غير معروف نظراً لعدم توفر المعلومات حول النسخة الخليجية الاقل قوة
القدرة الحصانية 342 حصان

بخصوص الكايين S
في بعض الشكاوي عن استهلاك الوقود داخل المدينة، في الاماكن الي اتطلب فرملة وتسارع مستمر فالسيارة راح تستهلك بترول ،، لكن على الخطوط السريعة استهلاك البترول بيتحسن بشكل كبير. وفي بعض الشكاوي من وجود اصوات احتكاك بعض المواد ببعضها داخل الكبينة،، لتفادي هذي المشكلة انصح بطلب المواصفات الخاصة لكبينة القيادة. بخصوص الصيانة والخرابات الثانية ، اعتقد ان البورش كايين تتمتع باعتمادية عالية ومافي اي شكاوي عن السيارة بخصوص اعتماديتها.
السيارة ممتازة تتمتع بعدد احصنة كافية. بالنسبة للكايين تيربو، فهي سيارة سريعة جداً بقوة اكثر من 500 حصان،، لكن السيارة هذي مشكلتها ارتفاع درجة حرارة التيربو وتحرق زيت كثير ويتطلب عليك تبديل زيت كثر ماتغسل السيارة. صرفية بترول التيربو طبعا مزعجة وغير عملية،، بالنسبة للبورش كايين بو 6 اسطوانات،، ما انصح فيها. خير الامور الوسط والبورش كايين S هي السيارة الأمثل والاكثر عملية بين السيارات الثلاثة.

بخصوص صور للداخل السيارة ،، شوف بنفسك التفاوت في المواصفات.

السـلآم عليـ [COLOR=RoyalBlue]ك ـم

مثل ماقال اخوي " صاحي لهم " شف الرينج سسبورت سوبر تشارج HST سيارة روعـــة
سعرهـ بالوكالة 2008 بـ 390 ألف ريال





تحياتي لك ..
[/COLOR]

اخوي عبدالملك ..
الجيب البورش صيانه غاااااااليه جداً جداً
انصحك بالجيب الاودي الفل كااااااامل الـ S line
او الرنج السبورت السوبر تشارج HST

تحياتي لك ..

مهندس جديد

ماشاء الله توضيحك شافي وكافي تشكر عليه

وعندي عدة اسئلة إذا سمحت لي

انا ابي سيارة تجلس الى 3 سنوات ماابي سيارة تجلس معي سنة او اقل

فأنت ما رأيك هل اقدر اني احافظ على البورش المده هذي ام لا

لاني لاحظت الي اعرفهم ماطولت السيارة عندهم دايم بعد فترة القاهم ماخذين سيارة ثانية حتى لو كانت اقل بكثير من البورش

فحقيقة ماادري هل يتركونها لان صيانتها مكلفة ام ماذا بالضبط

وعلى فكرة اخي انا احب السفر بالطرق السريعة لمسافات طويلة جدا

فما رأيك هل السيارة بتفيدني ام لا

وشكرا لك مرة اخرى

KrEmBoOo

شكرا لابداء رأيك

عبد الملك كيف حالك....

والله انا نفسك ودي اشتري سيارة،، وكنت محتار بين اكثر من سيارة منها البورش كايين، اللكزس LS460 والمرسيدس CLS-350.

خلني ابدأ بالمرسيدس واللكزس....
بالنسبة للمرسيدس،، المشكلة هو السعر وخصوصاً اسعار المرسيدس في الخليج تزيد وبشكل كبير عن اسعار المرسيدس في الولايات المتحدة. بعطيك مثال.

قيمة المرسيديس S500 في منطقتنا الخليجية تساوي 117,500 دولار أو ما يعادل 428 الف ريال تقريبا وهذا هو سعر الاس كلاس بدون اي مواصفات خاصة.

في أمريكا سعر المرسيديس بنز S550 ( او ما يعادل ال S500 ) في منطقتنا يساوي 87,500 دولار أو مايعادل 320 الف ريال..

يعني هناك في 120 الف ريال فرق في السعر الي اتبيعه المرسيديس لاسواقنا العربية عن الاسواق الامريكية. تقدر تعتبره ازدواجية في التعامل وغطرسة على العالم العربي. لذلك استبعدت شراء اي سيارة مرسيدس حالياً.

بالنسبة للكزس، يوجد نفس النوع من الغطرسة ولكن بشكل آخر، اللكزس LS460 في امريكا وباقي دول العالم المتحضر، محركها يولد 380 حصان، لكن النسخة الي عندنا في الخليج العربي،، أزالوا جهاز العادم الي تستخدمه هذه وبدلوه بجهاز عادم أي كلام وبالتالي قلت القدرة الحصانية من 380 حصان إلى 342 حصان، مع العلم بأن السيارة الاقل قدرة حصانية عندنا تباع بنفس السعر في أمريكا بكامل قدرتها الحصانية. بصراحه شخصيا كنت متطلع لشراء اللكزس لكن بعد ما بحثت وعرفت المعلومة هذي وعن تفاوت ضعف المواصفات الي لكزس تزودنا فيها بالمقارنة مع الاسواق الامريكية والاوروبية حسيت أني مابي اعطيهم ريال واحد.

وأخيراً البورش كايين......
شركة البورش شركة عريقة،، ويهمها اسمها الي يمتد امتداد طويل على مر الزمن وفي مختلف حلبات السباق وعالم السيارات الي يعرف اسم بورش معرفة جيدة. لذلك بورش حريصة على تزويد جميع زبائنها بأفضل جودة وقوة ممكنة.. بالنسبة لسيارة البورش،، بحثت عن مواصفاتها والفروقات مابين مواصفاتها في سوقنا المحلية والسوق العالمية،، فلم اجد تفاوت يذكر. ما تحصل عليه في أمريكا او اي سوق اوروبية تصتطيع الحصول عليه هنا وبنفس المواصفات والسعر تقريبا. بالنسبة لكبينة القيادة سيارة رفيجك الي ماعجبتك جودتها،، اعتقد أن رفيجك حب يوفر 30-50 الف في أنه مايطلب النوع الافضل من الجلد والمواصفات الداخلية،، السيارة هذي أنا ركبتها وسقتها،، وتتمتع بمواصفات فاخرة من الداخل،، من نوع الجلد،، وطريقة التطريز حتى انك تقدر تطلب جهاز استقبال ستلايت داخلي تستطيع من خلال شاشة الملاحة انك تشاهد عليها تلفزيون ايضاً ( في حالة الوقوف فقط ).
بس انصحك بالكيين S لان النسخة الابتدائية غير ممتعة في القيادة مثل الكيين S. الكيين S تأتي بمحرك V8 بحجم 4,5 لتر بدون تيربو. يولد المحرك 380 حصان على ما أضن. وسعره راح يتراوح مابين 240 الف ريال إلى 300 الف ريال حسب المواصفات الي بتطلبها.
زور معرض للبورش وتتأكد بنفسك وبعدين استخير.والله يوفق الجميع

بالفعل سيارات مرسيدس AMG تتأخر لانها بالطلب

لكن انا من رأيي انك تاخذ البوورش هو صحيح اقل فخامة من المرسيدس بس برضو فخم ورياضي وقوي ووجيه .. وفي البر مايحتاج .. يعني كامل المواصفات والكامل الله عز وجل

اما اذا بطلت من البورش فمالك الا المرسيـدس S 500

وبالتوفيق

ليتها على 40 الف

الرجال قالي 95 الف

بس قال ممكن نطلب لك السيارة ب500 او اقل طلبيه وتجيك بعد كم شهر

هذي الله يسلمك الزوايد الرياضيه الخارجيه ..

واذا طلبتها يزيدون السعر 40 الف ..

يعني بـ 540000 اجمالي ..

مبالغ فيها صراحه .. |10|

والله مدري وش اقولك

سيارة ماشاءالله فخامة وقوة وتقنية وكل شي وسعرها تستحقه بجداره

بس عذروبها انها بتتغير حسب الي وصلني

اخوي وش المقصود بamg

لاني كنت في ماي كار وقالو لي البانوراما الي عندهم فيها amg

صراحة مافهمت وش يقول بس المهم سعرها ازود من الجفالي باكثر من 50 الف

والله ماقد سمعت عن التغيير .. لكن ممكن ليه لا وخصوصا انها طولت على هالشكل ..

والله ياهو موتر جنانا انا افضله عن المرسيدس ..

تحسه شبابي أكثر عكس المرسديس رسمي أكثر من اللازم ..

:)