الزيت اختلط بالماء والسبب !!!! نصيحه واستفسار ؟

اخي مهندس جديد

بارك الله فيك على مشاركتك
وصراحة زادت حيرتي اكثر ؟؟؟؟؟

ياخوان فني الورشة يقول خرطنا لك وجه واحد وغيرنا الطبه فهل معناة ذلك المكينه مهما كان اعلنت نهاية عمرها الزمني ويفترض تغييرها ام ماذا يا اخوان ؟؟؟؟

اخوي، مره تعرضت لحادثه يمكن مالها علاقة مباشرة بمشكلتك،، لكن المسبب واحد...
الله يسلمك، صار اني كنت اتشيك على ماي الراديتر، والظاهر والله اعلم اني ماسكرت غطى الراديتر بالشكل السليم ،،، المهم بعد فتره،، عيني جات على عداد الحرارة،، المشكلة السيارة ماتعطيني تنبيه صوتي ان في مشكلة،، والله مشكله السيارات القديمة،، المهم ماجت عيني على عداد الحرارة الا والعداد ضارب الرقم القياسي... حطيت القير على الفاضي ووقفت في اقرب مكان قدرت. بطلت السيارة والا اشوف غطى الراديتر مختفي والراديتر يطلع بخار وبس لان الماي كله تبخر.
في هذي الحالة ولان المكينة ارتفعت درجة حرارتها بشكل عالي ولفترة مش بسيطة... صار ان الجازجيت اخترب، لانه ماستحمل درجة الحرارة الزايدة الي وصل لها.. فلما يكون عندك مشكلة في الجازكيت راح تخلط المكينة زيت وماي. واذا اهملت وماصلحت السيارة بسرعه راح تخترب المكينة. ليش تخترب المكينة؟ لان الماي اذا دخل داخل المكينة بترتفع حرارته لعدت مئات من الدرجات،، والماي بطبيعته مايستحمل الا حرارة 100 درجة وتحت،، واذا تعرض لحرارة اعلى من هذي الدرجة راح يتبخر،، واذا تبخر الماي راح يعمل مشاكل اكثر، منها انه راح يكون عازل للحرارة داخل المكينة ومنها انه بيولد هوى داخل المكينة الماي عبارة عن (ذرة اكسجين وذرتين هايدروجين)، والهوى هذا راح يكون مابين البستن والسلندر،، واذا ماكان في زيت بين اي سطحين من المعدن يحتكون في بعضهم راح ترتفع درجة الحرارة وكل سطح من الاسطح الي تحتك في بعضها بشكل سريع ، وكل سطح بيحاول يتلف السطح الثاني... الحرارة راح تتراكم مابين السطحين لما يوصل السطحين لدرجة حرارة الانصهار. وفي هالحالة راح يلتحم السلندر بالبستن، والالتحام شغال + ان البستن طالح فوق ونازل تحت= تشوه لسطح السلندر والبستن... وهذي المرحلة النهائية الي يكون فيها المحرك مات.

بالنسبة لسيارتي... ماوصلت للمرحلة هذي،، كل الي عملته اني بدلت الجازجيت والسيارة ردت تشتغل مثل اول.
لكن اذا صار مثل ماقال الاخ فيت... ان في شرخ في المكينة،،،فلازم اتبدل المكينة،، لان الشرخ بحد ذاته مايسوي مشكلة،، لكن انت عارف ان المكينة عبارة عن غرف انفجارات للبترول،، وكل انفجار داخل السلندر يولد هزات قوية بترددات معينة حسب سرعت سيارتك،، وعند تردد معين الاهتزازات هذي راح توسع الشرخ هذا لين ما توصل لمرحلة ان المكينة تنكسر.
وبما انك وصلت لمرحلة خرط المكينة... هذا معناتة ان محرك سيارتك وصل لمرحلة صعبة جداً... وخرط المكينة بيسوي لك عدت مشاكل،،، لان لما تخرط المكينة راح اتوسع السلندرات،، ولما اتوسع السلندرات بدون مايكون عندك بساتن اكبر،،، راح يكون عندك فراغ بين البساتن والسلندرات،، وفي هذي الحالة ضغط المكينه عندك راح يكون نازل،، واداء السيارة راح يكون اقل من قبل..... ويمكن تلاحظ ان السيارة بتحرق زيت اكثر من قبل لان راح يتسرب زيت اكثر داخل المكينة ويطلع من العادم بلون ابيض.
اضف على ذلك ان شغل الكراجات ماراح يكون بدقة شغل الشركة المصنعة،، واي خطاء ولو باجزاء من الملي في الخرط راح يسوي لك مشاكل ثاتية في التاكل. اذا شفت الوضع مامنه فايدة والمكينة بتعبك اكثر،،، بدلها.

الاخوة
bady اشكرك على اثراء الموضوع وابداء وجهة نظرك ونصائحك المهمه

فني سيارات شكرا على المواضيع صراحة مواضيع متميزة وجهد واضح

حسين 250 الف شكر على تجاوبك ونصائحك التي استفدت منها بحق

اسال الله للجميع التوفيق والسداد

اتوقع المكينه ما توضبت عشان تتمرن في الأساس توكل على الله ومش بس خلك على سرعه بسيطه يعني 100 لا تتعداها بعد 500 كيلو توكل على الله واهم شي شيك على الزيت كل 3 ايام وعلى المويه وخل السياره تحمى خاصه في الصباح ترا اذا تمشي عليها وهي بارده احد اسباب المشكله الي صارت لك...هذا والله اعلم

حياك الله اخوي

انا اهديك موضوعي المبسط عن مايحدث للسيارة في حاله خلط الزيت و حرق الزيت

وحاضر لائ استفسار


ليش سيارتك تحرق زيت
http://www.assayyarat.com/forums/showthread.php?t=34113

وهذه مجموعه مواضيعي ان اردت الاستزاده

http://www.assayyarat.com/forums/showthread.php?p=1258436#post1258436

الشكر لك أخي الكريم على إقتباس ردي

الغريب من الورشة مع علمها بتهريب الماء لم تبحث عن السبب

أخوي vette
أخالفك الرأي فأنا ذكرت الحل للمواقف الحرجة واحد مثلا في عز الصيف الساعة الواحدة ظهرا وفي
مكان منعزل أو معه العائلة هل سينتظر ساعة ؟؟؟؟

الحل جربته أكثر من عشرين مرة ولم يؤدي لمشكلة فقط يحتاج إلى إنتباه وتركيز شديد وخاصة
وضع الماء بكميات بسيطة جدا حتى يبرد المحرك بشكل تدريجي دون إختلاف حراري يؤدي لشق الوجيه
الطريقة :
ضع في المرة الأولى مايعادل ربع لتر ومن ثم ننتظر ثواني وهكذا ثم نضيف نفس الكمية وبإستمرار
حتى نتغلب على التفاوت الحراري بين الماء ودرجة حرارة المحرك وأنا أنصح بتلك الطريقة إلا للخبراء
وعند تعذر الوقوف حتى تبرد السيارة

اخوي حسين 250

بارك الله فيك و ماقصرت

ولكن بعد ذلك هل لابد ان تعمل المكينه 24 ساعه ام 48 ساعه او تسير السيارة لمدة الف كيلو على ان تكون السرعة اقل من 90 كم كما اسمع من بعض الشباب ام ماذا ؟؟

الراس يصلحله سنفره بس يكون على وجه واحد مو وجهين إذا بيركب وجهين احسلك اشتر راس جديد وفي كل الأحوال السبب هو من الطبه هي في الأساس سبب المشكله وبذالك مو ضروري الراس يتأثر إلى إذا كنت خليت السياره وقت طويل وهي محتره وماطفيتها فور حدوث الحراره والطبه هي قطعه دائريه تعزل الزيت عن المويه جوا المكينه ولها عمر افتراضي وتتأثر بالحراره الزايده وكثير تصير هل خرابات في الباترول مو اول مره اسمع بمثل خرابك والتكلفه حدود 1000 رايل مع خرط الراس وتغيير الطبه و تنضيف الرتيتر والمكينه من آثار الأختلاط وأضافة زيت وسيفون جديد..|1|

الاخوة
توماهوك لاشكر على واجب القصد نفيد ونستفيد |1|

vett2 الف الف شكر لك على التوضيح والمشاركه لتعم الفائده للجميع
مع اني اعتقد ان مصطلحاتنا الميكانيكية تختلف عن مصطلحاتكم شي بسيط ويمكن ايضا الاسعار :)

ومازلنا بانتظار بقيه الاخوة من من لديهم خبره في هذا الفن :confused: ليدلو بدلوهم والاسعار التقريبية
( خير الناس انفعهم للناس )

عند اختلاط الماء والزيت المكينكي يفك نصف المحرك العلوي اول شي يسويه يجيك الهد يشوف ادا في اعوجاج او تاكل ادا فيه اعوجاج يحف الهد عند المخرطه وادا في تاكل في الهد يلحمها ويحفه او باللهجه البحرينيه يسوي ليه فيسنك وهدا الشغل كامل يصير في المخرطه هدا اول شي ثاني شي يبدل القازكيت مال المكينه يصير الفاصل بين الهد والبلوك ما ادري وش تسمونها بالسعوديه .. وبعدين
يركب الهد الا هو الجزء العلوي من المحرك بعد ما يركب الهد ينزل الزيت المختلط وي الماي وبعدين يصب فلشنق ايل وهي ماده تستخدم الا تنظيف المحرك المهم يحطها ويشغل السياره لمدة خمس او اربع دقايق وينزله مره ثانيه وبعدين يحط زيت عادي...... في بعض الاحيان البلوك من زود الحراره يصير فيه
شلخ ادا صار فيه شلخ لازم تبدل المكينه كامل.. ساعات فيه شغلات تطلع ليك اضافيه تحتم عليك تبدلها او تصلحها مثل حالتك :)

المكينه ترجع مثل اول ادا كان شغل الميكانيكي مضبوط

ملاحظه
الحل الثاني فوق ما انصحك فيه احسن شي تخلي السياره تبرد الا ساعه بعدين تشوف الهوز الا طالع من الرديتر تضغط عليه بايدك تشوف ادا منتفخ يعني الحراره للحين فوق ادا عادي ضغطه تقدر تفتح الغطاء مال الرديتر

اي اساله او استفسار انا حاضر :)

مشكوووووور وماقصرت على هالنصيحه