هل الحقد والغيرة منتشرة بيننا في أوساطنا ام ماذا ؟؟!!!

الاخ كاريرا او اي واحد من الاخوان اللي يقراون بالله عليكم ابحثوا في مواضيعي وتلقون

موضوع بعنوان ( في السعودية ... اكبر غلط انك تشتري سيارة جديدة ) وكيف كنت زعلان قسم بالله

الكورولا اللي معاي مالها شهرين الا واجي القاها مصدومة من الخلف والاصطبات مكسورة ...

وهناك شي اخر قبل سنة تقريبا نزلت موضوع بعنوان ( بعد تجربتي مع البيجو ... رأيي عنها بكل صراحة) والله ثم والله اني بعدها بشهر او اقل طلع لي مشكلة في البيجو لدرجة اني دخلتها الوكالة ثلاثة

مرات وما حد عرف يصلحها .. الظاهر السيارة كان فيها عين من بعد ما نزلت الموضوع ...

لفيت جدة كلها وكلهم ما عرفوا وش المشكلة ... اخر شي يأست وقلت والله هالمرة باخد تويوتا ..

لاحول ولا قوة الا بالله بصراحه والله الحسد والحقد والعين كلهم وجيه لعمله واحده ياخوان انتوا

الى الحين تتكلموا عن سياارت يعني حتى لو ماكانت جديده بس المهم انها نظيفه طيب اشرااايكم

في ددسن 92 جي ال والله العظيم العالم على ابوي هاه تبيع ياهو وش تبي فيها ماتصلح لك

انا لله وانا اليه راجعون والله على ما اقول شهيد جلسة معانا حول 10 سنوات وكلن يطالع فيها

شووف كم موديلها ولا باقي نظيفه والله انها من خراب في خراب الى حوادث الله المستعان وبس

هذي قصة ابوي وباعها وافتك وخذاله كرسيدا 83 احسن شئ بس ماشاء الله نظيفه ومكيفه بعد

انا قصتي غيييييير بصرااحه يعني شريت السياره على ماذكر ايام 2 ثانوي ولازم شيبان الحاره يعني

نقول فيهم بركه الي يبارك لك انك شريت سيااره والي يدعي لك بس هذا جاء ركب وقلت له والله

خربانه وهو فعلا يعني فورد 94 حقت شرطه جايه من تحت تشليح بـ11 الف بس كانت مصبوغه

وانا اشتكي له يعني من السياره من ناحية التفتفه وتدخن ووو.... فقالي والله بالكلام الواحد

"يارجال تراها ولو فورد"

وهو سبحان الله معاه جمس وكابرسين 90 وشارينها اغلى مني بـ16 يعني نظيفه مره مره مره

وباقي يدورون عشاني شريت سيااره مانقول غير حسبنا الله ونعم الوكيل

والله الى يومكم اصلح شئ يخرب شئ ثااني

بس انا معاند اقول يانا يالعين هذي وكنت كذا في الددسن الين ابوي خاف وقال لاتجيب لنا مصيبه

كلنا طولنا في القصص ويعطيك العافيه اخوي راعي الموضوع ويعطيكم العافيه جميعا بصراحه اليوم

حسيت يعني اننا على قلوب بعض واننا اخوان

"اللهم ظلنا تحت ظلك يوم لا ظل الا ظلك يااااااارب العااااالمين"

أخوكمـ ومحبكمـ

طيب اخوي ابو فهد انت جبته لنفسك يعني بالله عليك زي هاالاشكال كيف تعطيهم وجه ؟؟
لو اني منك زي هالاشكال كل ماجاء اسحب عليه اقول مشغول <<بسيطه :a227:

اوف اوف اوف

والله للأسف بعد اللي قريته

احس ان خلاص بنقرا على الدنيا السلام إلا ما رحم ربي

تحياتي،،،

طيب انا واحد من خوياي طلع سياره جديده و فرحان فيه دافع دم قلبه فيه و ينزل ذاك اليوم من البيت الا والسياره مشخط ابوه من كل مكان بحديده وبعده باسبوع زيه سيارت اخوه وهم ناس اخلاق و مالهم في غيرهم
والثاني es لكزس خرج من العمل لقى على كبوت السياره علامة زورو Z بحديده وبالخط العريض
بس انا ابغى اعرف لدرجه ذي الحقد والغيره
ولله الحمد لما اشوف شباب الجامعه معاهم سيارات على 200الف وفوق ادعيلهم بالتوفيق وحفظ الله
حتى وانا مااعرفهم معرفه شخصيه بس اعتبرهم زي اخواني( احب لاخيك المسلم كما تحب لنفسك
اما في ناس باقيلها فرش زي بعض الاعضاء هنا مندوبين مصلحين فيه انهم مالهم في الشركه ويحلف بالله ان السياره ممتازه ومجربه هو و العائله كامله عمه و خاله وجده ؛وهو ماعمره ساق السياره اصلاً بس مندوب متخفي بس ما اقول في زي هل الاشكال الا الله ينكبه نكبه لا يقوم بعده ابدا
و السلام عليكم.

اخواني بخصوص الحسد بصراحه ماشفت احد يعاني مثل واحد من زملائي ..

تخيل العائلة من عمانه وعيالهم ,, مايشترون سيارة وتمشي اكثر من الف الا وجايها حادث يوديها التشليح من قوته ,, وخر قصه له يقول ان ابوه شرا له لكزس 460 يقول انه متردد وخايف ياخذها
ويوم جزم ياخذها من المعرض راح للمعرض يبي يخلص بعض الاوراق طبعاً كانت السيارة موقفه عند باب المعرض ويوم طلع من المعرض لقا السيارة مصدومه صدمه قووويه وودها التشليح و الحين معه كورلا وهي الي طولت معه والحين مفكر بالانفنتي جي لاكن متردد ,, وحسب كلامه ان اي سيارة فخمه يشترونها يجيها حادث قوي واذا اشترو سيارة عاديه تجيها مخشات خفيفه ..

ولاكن الي يقهرك ان الي معطيهم عين واحد من اقاربهم ,, يقول لدرجة ان الي يقرب لهم هذا العبس حق التمر يحطه بمنديل وياخذه معه ,, يعني يدري انه معطيهم عين ولاكن شف النجاسه كيف ..

والي يقهر اكثر ان الرجال الي معطيهم عين عنده خير وعنده سيارات فخمه ولاكن الي في بطنه ريح مايستريح

وبصراحه خوي يقول ,, انا نفسي اطلع سيارة زينه وتعيش معي ,,و يقول ,, مب حاله كل ماطلعت سيارة ابصدم فيها ,,
فابصراحه الي يشوف مصيبة غيره تهون عليه مصيبته

-------------------------

وانا سارت لي قصه مع واحد ..

القصه كنت اول ماطلعت سيارتي الي هي رنج روفر جاني
يقول : الرنج بايخ
قلت له الناس اذواق
ثمن خطم فيني خطمه بايخه وقالي الشارجر احلى وافخم من الرنج ,, مع العلم انه كان يمدح في الرنج من قبل بس يوم شافه معي عاف السيارة ..

ولما شريت البي ام
قالي ان البي ام باايخه والمرسيدس احسن منها ..
ولارديت عليه ..

وكان قبل يمدح الانفنتي لدرجة انه يوم كان معي الرنج يقول ان الانفنتي شكلها احسن من الرنج

ولاكن يوم شريت الانفنتي رجع يقول الكزس RX احسن من الانفنتي بمراحل ..

فياليت تقولون لي واش اسوي بهالادمي :eh_s(10):

انا اراهن اني لو شريت بغاتي بيقول لو ترهم سيدرك بتطلع على البغاتي

والله يعين .. والدنيا هذي مافيها خير ,, والكل لازم يحرص على اخرته لان جنت المسلم بالاخره ..
ولاتشيلون هموم الي زي كذا اعتبروها تكفير ذنوب او دفعة بلا ,, وصدقوني راح ترتاحون نفسين

وبالتوفيق ,, ..

ااااااااااه ذكرتني

باقولكم سالفة بس تحملوني شوي لو طولت

الحمدلله كان الوالد مدرس في الجامعة ومعاشة زين
المهم اجانا واحد نعرفه من زمان وسكن قريب من بيتنا وبعد هو مدرس في الجامعة

طبعا هو كان مقصر على اولاده ومن هالسوالف
اما الوالد الحمدلله ما كانت تهمه الفلوس ويصرف علينا

المهم اقسم لكم من بعد ما جونا إلا انا صارت بي عدة امراض انا واخواني
ومع ان الوالد سمحله ان يقود سيارتنا مع العلم هو شرا مكسيما 2004 واحنا كورلا 2003

المهم

صارت للوالد مشكلة وقرر ان يستقيل ولكن بقينا في البحرين لأنه مافي مكان ثاني نروحه

وتم الوالد فترة 7 اشهر تقريبا بدون عمل

مرة شافونا بأحد الاسواق واحنا اشترينا اكثر منهم في العيد

والله بعد ما شفناهم بنص ساعة واحنا في السوق يوم بغينا نطلع
صار لنا حادث من جهتي يعني قدر الله انه ما يصير فيني شي صارت من جهتي وطار بابين اللي السواق واللي وراه

البابين انعدموا

المهم جبناها وبعد فترة زارونا في البيت وانصدمت السارة صدمة خفيفة من الخلف


وبعد فترة اتشريت لاب توب واقسم بالله انهم عندهم احسن من اللي عندي واغلى سعرا

المهم
انا شريته كان يوم اربعاء وهم اجونا يوم السبت اللي وراه
اقسم لكم بالله انه يوم الاحد بعد ما اجو بيوم اخترب اللاب توب


وظل شهر كامل في الوكالة يحاولون فيه وما عرفوا له
يقولون عطله غريب

اخر شي بدلوه لي

ومع ذلك ظل بين فترة واخرى يعطل الين ما قلت له اني بعته
ومن يوم ما قلت له اني بعته مع انه مازال عندي إلى اليوم الحمدلله ما عطل

والله مشكلة

اسف على الاطالة

تحياتي،،،

ذكرتني بموقف واحد من الاقارب يوم زواجه طبعا السيارة واقفة عند مدخل القصر وقت العشا والناس مشغولين ونطلع الا والسيارة فيها طعجه في باب السائق واحد شاتها برجله باقوى ما عطاه الله الله لايعطيه العافية تخيل الحقد وصل لوين ؟؟؟؟؟؟؟؟؟؟؟؟؟

أشكرك اخوي عالموضوع ..

فعلا موضوع مهم يفتح المجال للنقاش حول الحقد و الكراهية.....

و انا برأي الحقد و الكراهية موجودة عند الجميع و بإستطاعة الشخص انه يتلاشاها ..

اشكرك مرة اخرى

تحياتي

اخواني يعطيكم الف عافية على المرور والردود الحارة

ورفعت الموضوع فقط لكي يعطي مجال اكبر بيننا وبين الاعضاء الذين لم يدلو بدلوهم هنا

الحمد الله على كل الشيء

بس في ناس الغيرة في قلوبهم ما يقدر يطلعها

مرة كنت راكب مع أحد أقاربي وطلب مني أنه اليسوق السيارة لما جربها راح يلعب فيها ((يخمس و يتفتف ويطير في السيارة ))

طبعا أنا عصبت وتحلفت أسوي نفس الشي في السيارة يوم يشتري الموتر

قلت في نفسي ((عامل الناس بما تحب لنفسك))

طبعا السامحته

قلت خلاص ألي الصار صار لكن مرة الثانية مراح يحلم بالمفتاح السيارة

السلام عليكم

حقيقة ردودكم توسع اللصدر الا واحد ( شكله اموره طيبة ولكن الحمدلله على كل شئ )

وعلى كل شخص قبل ان يهم للخروج بأن يقرأ المعوذتين عسى الله ان يحميه من كل مكروه يصيبه

وشكرا على ردودكم الطيبة اخواني

والسلام عليكم

أخوووووووي مشكوووووور على الموضوع المتميز


كلنا صارت لنا مواضيع متشابهه

انا عن نفسي صحيت يوم من الايام وجيت رايح للجامعه والقى قزاز السياره الايمن مكسور
والمسجل من نوع جي في سي مسرووووق وجهاز التكييف الالكتروني مسروووووووق كمان
والديكور ( التخشيب ) مكسووووووور والكبوووووووت مفتوووووووووح <<< بالله الله لا يقدر لو صحى احدكم وشاف هالشئ بسيارته وش بيسوي ؟؟ :)

المهم اتصلت بالدوريات وجت شالت البصمات وللحين ولا حس ولا خبر للي سوى هالشئ

وكل اللي سويته قلت حسبي الله ونعم الوكيل ( اللهم رد لي حقي منه في الدنيا والاخره ) ولا يهمني ان خذت حقي منه بالدنيا قبل الاخره

رحت اشتريت القطع بعضها من التشليح والبعض من الوكاله وكلفتني مبلغ كبيره تقريباً 2000ريال او اكثر بقليل

شئ يقهر يقهر يقهر لكن الواحد ما يقول الا حسبي الله ونعم الوكيل

وغير كذا اشياء كثيره << كالعين اللي سببت لي حوادث بالسياره ،، طبعاً قضاء الله وقدره لكن متأكد من انه عين لاني احسست باشخاص معينين . ولا اعتقد انه في تحريم اني احس انه احدهم اصابني بالعين

وانا متأكد انه لو اهتممنا باذكار الصباح والمساء فسيكون الله عز وجل في حمايتنا من كل شئ

حمانا الله واياكم من كله مكروووه

تحيااااااااتي للجميع

أخي الكاره والحاقد والمتعصب هؤلاء مجرد ضعاف نفوس فقط لاغير

تحياتي

امييييييين

اللهم اهدى لهم نفوسهم