جيب لكزس LX570 2008

امنيتي اشتري هالموتر لانه هو الموتر الوحيد اللي عجبني فعلا قوه وفخامه
لكن عندي نعقيب بسيط
عدد الاحصنه اللي في اللكزس اقل من السفاري باترول مكينته 400 حصان هذا موديل 2011

يعني المفروض ان للكزس في عدد احصنتها يكون اكثر من الباترول اللي قيمته الان توصل للكزس بالراحه بعد

والله رخيص، يعني أقل فئة أرخص من الكاديلاك إسكاليد، مع أنه أفضل بمراحل. هذا بالإضافة إلى أنه أرخص من الموديل السابق. هذه تعتبر حسنات للوكيل الصراحة.



والله كلامك كله في محله.

لا يا شيخ حرام عليك. مواصفاته أعلى بكثير من مواصفات اللاند، يكفيك المحرك 5700 والكميرات في كل مكان والمقاعد الخلفية إلكترونية وأنظمة الثبات والتعليق المتطورة. هذا بالإضافة إلى الفخامة المتناهية واستخدام الخشب الياباني الطبيعي على المقود وفي الديكورات الداخلية.

يا جماعة حرام والله :rolleyes:

مافي مقارنة مابين لاند كروزر واللكزس LX570

اول فرق المحرك:
في لكزس عند محرك 5.7 لتر 362 حصان
في لاندكروزر محرك 4.7 لتر 270 حصان ( اقل ب 100 حصان )

ثاني شي ناقل السرعة مختلف في لكزس، اوتوماتيك 6 تبديلات.. لاندكروزر 5 تبديلات.

ثالث شي نظام التعليق في لكزس مختلف كلياً،، يتم التحكم في ارتفاع السيارة بشكل الي ، حسب ظروف المكان، ونظام المساعدين في سيارة لكزس متطور ومتغير القساوة،، يعني مرات بتحصل النظام ينشف السبرنجات علشان يعطيك اداء رياضي، ومرات يلين السبرنجات علشان يعطيك اداء مريح،، وكل هذا حسب ظروف القيادة سواء كنت على طريق مستقيم او على منعطف او اثناء الفرملة.

رابع شي نظام السلامة في لكزس متطور وما يقتصر على الوسادات الهوائية فقط،، في هناك نظام شد حزام الامان في حال انزلاق السيارة على اساس يثبت السايق مكانة، وفي نظام الي يقوم بتغيير ارتفاع مساند الرأس في حالت احتمال وقوع حادث، ايضاً نظام الكروز كنترول او مثبت السرعة يعمل بالتناغم مع رادار مثبت في شبك السيارة،، الرادار يأمن مسافة امان كافية محددة من السائق مابينه وبين السيارة الي قدامة،،، يعني في حال ان مثبت السرعة على 100 وطلعت سيارة قدامك،،، النظام نفسه وبشكل تلقائي راح يخفف سرعة السيارة وبيحافظ على مسافة مابينك وبين السيارة الي قدامك،، وفي حال ان الشارع صار فاضي قدامك راح يرجع النظام ويعيد السيارة لسرعتها الي كانت عليها 100.

خامس شي،، الجودة في الصنع والمواد المستخدمة مثل الخشب والجلد أضف على ذلك ان السيارة مصنوعة في داخل الحدود اليابانية. يعني توقع منتج بجودة عالية، غير لما تاخذ السيارة شغل استراليين ماتعرف كم خروف استرالي ماكلين قبل مايشتغلون.

واخيراً: الاسم وهيبة اللكزس والخصوصية ايضاً، لما بتشتري لكزس بتحصل قليل عندهم نفس هالسيارة بعكس لما تشتري تويوتا بتحصلها تارسه الشوارع.

ومهما كان اسمها يبقى لاخر اليوم رمز اليابان وروحها وهي جيب لكزس ماتقارن الا بالجيوب فخمة ومثل جيب لاند روفر وجيب اودي وجيب بورش كايين وجيب مريسيدس وجيب بي ام دبليو ؟؟ وشكرا وسعرها في حقها ؟؟

تحياتي لكم ولآرائكم يا أخوان
ممكن كلامكم هذا بالسابق صحيح بنسبة 80%
أما الآن فهناك فرق بالتقنيات وأنظمة التعليق والرفاهية
توجد 3كاميرات للمراقبة
وتوجد أنظمة ثبات وهيدروليك ونظام تعليق متكيف وغيرها كثييييييييييير منما لا توجد بالاند كروزر الجديده
صحيح من برى قريب من بعض ولهم نفس الهيكل ولاكن شتان بين الإثنتين
بعكس الإسكاليد والدينالي فهم بنفس التقنيات 90% وبنفس أنظمة التعليق
أي بمعنى من لديه دينالي أو يوكن SLT فهو يتمتع بنفس قيادة من لديه إسكاليد ودفع عليها 290ألف ريال ............!!!
لأنهم كلهم يستخدمون نفس نظام التعليق ونفس تقنية AutoRide

ملاحظة يا شباب تكفون لو كانت معلوماتي مغلوطه أرجوا أنكم تصلحون لي وخصوصا بنظام التعليق
بارك الله فيكم

]^^^^

السعر غالي جدا............

مايستاهلها صراحه..........

نفس اللاند.......مع اختلاف في الوجهيه واختلافات بسيطه لاتذكر...

لكنه فخم من جوا........بس

تحيااتي...المهاجر المصرى

في هاذي صدقت والله |1|

ال LX570 عبارة عن لاندروزر فل كامل أو لاندكرورز فخم

ومايستحق قيمته ابدا .....

وبخصوص اللي ذكر ان الاسكاليد 290 ألف ممكن تجيب لنا مصدر هذا السعر ؟

جيب اللكزس أروع إسم حصلته هو

اللاندكروزر لكزس للتشابة الكبير بينهم

صحيح أنه ممتاز وما عليه أي خلاف

( في الموديلات السابقة )

الموديلات السابقة كان مهضوم على سعره المرتفع

أما الحالي .. صراحة أطق لي لاند هدد وأشتري معه

من هالجيوب الفارهة ( بورش كاين - طوارق - إلخ)

أفضل من أن أضيع 340 ألف على سيارة وحده .!


إلا في حالة واحدة فقط .!

دراهمك واجد وتبي شيء يعطيك في البر والمدينة

القضية ماهي تعصب ياخوان لنوع معين بقدر مافيه تلاعب على الزبون في الاسعار ؟
يعني الفرق بين العادي والفل اوبشن فرق خيالي في كل السيارات بدون استثناء تخيل الفرق يوصل الى 50000 الف على ايش:confused:
شوية اكسسوارات شاشة وكميرات وغيرها ماتعدى 10الاف من اطلق الشركات لهذه التكنولوجيا
لا والشي اللي يقهر صحيح شفو الفرق بينا وبين المواصفات الامريكية وارخص سعر ؟ هذا دليل على التلاعب عند وكلانا:mad:

وفي الاخير

هل تستحق السياره هذا السعر المدفوع فيها ؟

[/CENTER]
[/CENTER]

يا بلاش :)

اتفق معك بكل كلمه

اللكزس صحيح انه من فئه الكاديلاك ولكن عند المقارنه يكون الفرق شاسع ..:)

[COLOR=#0000ff]بصراحة أعطية 100 ألف وتخب عليه .. وين سعر عادل معه الله يجزاك خير والله ما شاف الفخامة

أخذ لي برادو أحسن وأوفر لي .. اللهم فرق العلامات فقط ( لكن تبقى أذواق ووجة نظر )

[/COLOR]

اذا تعطيه 100 الف وتخب .. اجل كم يستاهل اللاندكروزر الفي اكس 50 الف ؟ :rolleyes:

والله حلو صار السوناتا اغلى منه بسبع الاف رغم انه عليه عرض :D

اخوي مافي مقارنه بين البرادو واللكزس

البرادو اعلى فئه محركها 4 لتر واللكزس 5.700
اما سالفه الحجم والشكل والديكورات فإسمحلي اقولك وش جاب الثريا للثراء :)






تحياتي

نا شخصياً رحت للوكالة قال لي:

اللكزس 3 فئات

فئة: بـ 270 ألف

والثانية: بـ 288 ألف

الثالثة وهي أعلى شيء بــ: 309 ألاف

ويقول إذا بغيت لازم تحجز تدفع عشرين ألف ريال عاد لين تجي طلبيتك يمكن تتأخر أ, تتقدم على حسب اللون الي طلبته

السلام عليكم...........
البارحة جاني إتصال من قريب لي إنه راح لوكالة لكزس علشان يسأل عن لاندكروزر لكزس LX570 الجديده 2008
وقال لي في فئه سعرها تقريبا 290 ألف ريال وهي بثلاث كاميرات .......!!!
والفئة الأعلى هي بـ 340ألف ريال تقريبا

ومع إحترامي لأصحاب الأسكاليد فلاتوجد بينهم مقارنة
فاللكزس أرقى وأفخم وأجود
ملاحظة : تمت تجربة الأسكاليد وللاسف هي دينالي مقنع ببعض الجودة الإضافية
<<< رأي شخصي بحت مع إعتذاري للجميع
أخوكم أبو عبدالعزيز

بالنسبة للسعر عزيزي قديم انت 290 هذا 2007 ..
لكن الان حبيت اقولك انه سعره بـ 310 وهذا لموديل 2008 ..

ثانيا : اذا الكاديلاك بلاستيك .. اللكزس وش نقول عليه ( ورق )



بصراحة أعطية 100 ألف وتخب عليه .. وين سعر عادل معه الله يجزاك خير والله ما شاف الفخامة

أخذ لي برادو أحسن وأوفر لي .. اللهم فرق العلامات فقط ( لكن تبقى أذواق ووجة نظر )