شباب انا حاب انصح الي مقبل على شراء سيارة جديدة ( خاصة فئة السيدان المتوسطة )
* اذا كنت ناوي تاخذ سيارة تخدمك وتحبها وتحبك وتمشي فيها وتقضي مشاويرك بسلام وراحة وعدم خرابات ومشاكل انا انصح وبقوة سيارة نيسان التيما
السيارة مواصفاتها قمة وسعرها منافس جدا جدا جدا
تم تطوير المحرك و جهزت بناقل حركة cvt ( الي هو ذو حدين اذا تبغى تدعس وتطارح انتهى
واذا تبغى تقضي مشاويرك بشكل عادي خدمك وريح مكينتك وعمر لك السيارة 
انا فعلا كنت ظالم هذي السيارة ظلم قوي ( اما الموديل الي قبل 2008 اسمحو لي تعبان وسيء :mad: )
لكن 2008 رووووووووووعة انا الا الان ماشي فيها حوالي 600 كم السيارة مالها صوت وتمشي باللمس ( اتكلم عن الاوتو 4 سلندر)
فعلا يا شباب الي يبغى سيارة بمعنى الكلمة عليه بالالتيما الجديدة وكمان اوتو وهو مطمن اذا بس ضمن انه ما يدعس ويطارح كل يوم
يمكن تعيش للابد ( عاد هذه قوية 
)اما اذا في واحد يبغى يدعس ويطارع ويفحط وووو عليه بالكامري ( طبعا كل السيارات تموت من هذه الحركات لكن الكامري يستحمل اكثر بعدين يموت )
والي يبغى يتكبر ويدقدق بواري ويساقط على الناس و يهدي اذا واحد كشح له او دق له بوري من وراه
ويشغل اغاني بصوت عالي و يسوي انه عميد الطريق فعليه بالاكورد ( عشان للاسف هذا حال بعض ملاك الاكورد -ليس جميعهم - يحسب نفسه صاحب اعظم سيارة )
الجدير بالذكر اني احيانا خذ سيارة الوالد audi A8 واخش على الاكوردات ويسكتو واكشح لهم ويبعدو وهم ساكتين ويحترموني بس خلي يكون معي كامري او سيارة غير اودي ومرسيدس وبي ام والله انهم ما يسيبوني ويدمروني ببواريهم وتكشيحهم و غرزهم هههههههههههه حتى احيانا يطاردوك لبيتك اذا كشحت لهم وينزلو لك ويقولو انت ما تستحي اش بك تكشح هههههههههههههههههههه والله فلة
المهم انا اعتقد ان اصحاب الاكورد يسون كذا ( ليس جميعهم ) اطفاء لنار القهر لما يعانوه من عدم راحة الاكورد والرجة ووجع الراس والمشاكل
المهم اسف لاني طولت ورحت بعيد
اختم بالقول ان الالتيما سيارة جديرة بالثقة
ودمتم
