تغطية مصورة متكاملة "فورد اكسبورر 2008"

الله يبارك لكم فيه
موضوع مثير و شيق

شكرا على الموضوع

سلام عليكم
لاحظت في سيارتي الكسبلورر 2008 في حالة دعس البنزين والمكيف طافي صوت في المكيف زي الصوت اذا حبيت تشغل المكيف (تس) كأنه تنسيم غاز فريون !!! جربت شغلت المكيف ودعست بنزين نفس الشي الصوت موجود(تس تس) فتحت الهواية بدون فريون نفس الشي
السؤال وش هالصوت القلق ونهائيا احس انه مو طبيعي؟؟
احد صار له الشي

الي خوفني خوي لي عنده 2007 ومكيفه بدا يرطب شيك عند كهربائي لقا فريونه قاضي!!!!
يوم راح الوكاله قالوا يحتاج تغير كمبرسور ووو يبون يغيرون كلش
وعندي صوت برضوا خلف كرسي السواق مدري وشوا احس بالديكور عجزت اوصله وش الطريقة لكشفه
وشكرا للجميع

الله يسلمكم شباب :)

الحمدالله على السلامة .
ومشكور على الموضوع المتميز .

كفيت ووفيت والله واستمتعت بموضوعك لمدة ساعه كامله وانا اتصفح الموضوع

الحمد لله على سلامتك أخوي pnrb

السلام عليكم شباب

رجعت بحمد الله يوم أمس من السفر

أود ان اشكر الجميع على مشاركاتهم المفيدة وإبقاء الموضوع نشيط

يعطيك العااااااااااااافية الصور والتقرير الكامل








مشكور وماقصرت :c0214:

ابي استسفر من الاخوان عن اكسسوارات للاكسبلورر ووين القاها بالرياض

صراحة موضوع اكثر من رائع اخوي pnrb والمفروض ان يتم تثبيته ويستفاد منه اكثر ويعمل له رابطة كمان طبعا انا عندي 2008 والحمد لله واجهتني بعض المشاكل البسيطة فيها وعدت على خير ومن قرائتي للمناقشات المطروحة في هذا القسم استفدت كثير مع اني كنت برجع للوكالةفي بعض الامور اللي واجهتني بس بفضل المنتدى هذا وبفضل كاتب الموضوع اختصر علي مشاوير كثيرة جزاه الله الف خير والصراحة وياليت نقدر نخدمه باي شي ونكافاه على المجهود الطيب ،،،،،،،،،،،

بالنسبة لموضوع الكفرات
في واحد طارح موضوع بهالخصوص

كفرات 275 على فورد اكسبلورر

يمكن يفيدكم بهالخصوص

ياشباب نفس المشكله عندي نرجوا التكرم بالرد السريع وموافاتنا بسعر الشبك والشعار .

السلام عليكم الموضوع جدا روعه وشكرا للجميع بدون استثناء
انا معي 2008 ماجتني الا مشكلة البريكات فيها ونه على سرعة اربعين يوم تشييك 24 شبيت فيهم وشالوا شي قالوا انه هو السبب وماياثر على اداء البريك يقول هو المشكله لانه يحك بالرمان حاجة زي كذا المهم الصوت راح بنسبة 95%

عندي استفسار وابي فزعتكم اذا جيت اقوم بالموتر في البداية صوت مدري وشلون اشبهه بس هو زي الحنه في بداية تحرك السيارة بعدها الصوت عادي!!!! ويتكرر اذا جيت تقوم بها بعد الوقوف التام!!!!!!!! انا خايف من كثر ما اسمع عمود الكراونه بس ماعندي خلفية عن الكراونه وحنته فأفيدوني الله يجزاكم خير
وعن مقاس الكفرات نبي تجربة عن الي غير الى مقاس 265 يقال انه اذا زدت العرض لازم تقلل الارتفاع وفيه معادله شفتها وتقول افضل مقاس هو 265/60/17 طيب الي بيحط الارتفاع 70 زي ماذكر احد الاخوان في مشاركة سابقة انه ركب كفرات هانكوك نبغي تجربة لاتقل عن شهر تفيدنا فيها انه مااثرت على عمود التوازن وغيره لانه يمكن ماتطلع المشاكل من البداية اسفين على الاطالة



محد رد علي ليه يالربع وش دعوه :mad1:

للعلم
الدبل الثقيل لا يعمل حتى يتم وضع القير على N

شكراً لك أخي drive

مكيف السيارة فرارات

توضيحك غير واضح أو يمكن سؤالي لم أوصله لك بطريقة واضحة..

أنا أضغط على زر AC ولايفصل الكمبروسر تبقى اللمبة مضيئة..
السيارات الأخرى عندما تضغط على هذا الزر يفصل الكمبروسر وتبقى المراوح شغالة حيث أن لمبة الزر تنطفئ..

علماً أن سيارتي ليس فيها مكيف خلفي لأنها مرتبيتين (استعمال أمريكي)...

من عيوب الاكسبلورر مفاتيح أو ازرة الدبل قريبة جداً من الراكب حيث تكون عرضة لعبث الأطفال..
عندي الولد (الله يصلحه) ضغط زر الدبل ( الثقيل) وانا امشي بسرعة 80 أو 100 وأضائت لمبة الدبل على طبلون السيارة..
فأوقفت السيارة وأطفئت الدبل..
طبعا لم ألحظ ولله الحمد شيئا على السيارة ولكن هل يؤدي تشغيله لظرر السيارة أو الدبل..

وألف شكر للجميع0

شكرا على التوضيح

الانوار على الوضع A معناه اوتو ويتحسس تلقائيا للشمس..... بمعنى ممكن تخليع على الاوتو دائما
اذا سحبت زر الانوار فهذا يشغل الكشافات لكن الكشافات لا تعمل مع الانوار العالية

بالنسبة للنور العالي فماراح تعرف طريقته الا اذا وقفت من بعيد قدام جدار وشغلت الواطي والعالي
العالي منتشر على المنتصف وللمدى البعيد
الواطي منتشر افقي وللمدى القريب

الدبل تشغل الخفيف (الزر الوسط 4X4high )اول ما تدخل الرمال
واذا حسيت بان السرعة تباطأت فادعس البنزين دعس خيف واسحب عصا القير لنمرة 3 او 2 وانت ماشي
اذا وقفت على طعس او تل فالافضل توجه المركبة جهة النزول
ولا تمسك فرامل بقوة وانت على الرمال ..... دعس خيفيف على الفرامل او عشق على N وخل الموتر يهدي حتى يوقف
اذا بدأت الكفرات تحفر على الرمل فاوقف السيارة وقوف تام وشغل الدبل الثقيل وعشق على 2 وابدأ الدعس تدريجيا ولا تقعد تلف الموتر يمين ويسار...... والافضل ترجع
ليه لا تلف يمين ويسار؟..... لان بطن الموتر نازل والسيارة نظام تعليق ... فاذا لفيت فانت تحفر تحت الكفر وتنزل بطن السيارة اكثر حتى تعلق وترتفع الكفرات فوق وتفر بدون فائدة.....

التعليم حبة حبة

حياك الله والف مبروك على الموتر
الله يعطيك خيره ويكفيك شره ان شاء الله

زر المكيف
سؤال؟
اللي عندك الكتروني او فرار
اذا فرار فالفرار الايسر هذا لسرعة المروحة ولا يطفي المكيف
الوسط للحرارة
الايمن هذا اذا كان على النصف مغلق
واذا على AC MAX هذا لازم يشغل الكمبريسور ويبرد ويكون الهواء داخلي فقط
اي وضعية اخرىة يكون الهواء خارجي وتقدر تطفي الكمبريسور (يكون دفع هواء فقط) من الزر تحت الفرار
التحكم بالمكيف الخلفي من السقف لكن لازم يكون المكيف الاساسي شغال