رجه وصوت طقطقه خفيف في اللومينا ,, ارجوا المساعده

نبغي انساعدك و نتمنى هذا الشئ
بس لو تذكر لنا الاشياء الي طلبوها منك تغيرها ولاحتمالاات الي قالوا لك عنها وانت ايش بدلت ودفعت عن ايش
حتى مانعيد مثل كلامهم مع ان سماعدتنا لك من بعيد مختلفة عنهم وهم يشوفون السيارة قدامهم ولكن نحاول جاهدين في مساعدتك ان شاء الله

انا ارجح و الله اعلم ان اعند البليه يعني احد البكرات الي شايله السيور خربانه

اخوي kfu مشكور على مرورك واهتمامك
ياخي والله بعض الورش ما يخافون الله نصب عيني عينك يستغلون ان الزبون مايفهم في السيارات ويقصونه قص وانا تقريبا نفس قصة اخوك صارت معاي لكن مع اوتو ستار الدمام
وانا انشالله بروح اشيك على مسامير التوازن عندي وانشالله يكون الخلل منها وافتك من القلق هذا كله

يعطيك الف عافيه ومشكور

تحياتي

أخي الكريم ... من اي منطقة ....

اخي لديه لومينا ... موديلها 2002 حدث في السيارة صوت في الماكينة .... أخذها لورشة أوتوسيرفس لدينا في الأحساء ... وكتبوا له لسته طويلة عريضة ....

تصور ... كاتبين سير ماكينة ... كراسي ماكينة .... جانبينات خلفية ..... واشياء كثيرة وكثيرة لا اذكرهأ...

ذهب لهم وقال لهم .. الصوت في الماكينة ايش دخل الجانبين الخلفي ... أنا ابغى مشكلة الصوت فقط اللي في الماكينة ...

طلبوا منه فقط تغيير السير مع الكراسي ... وتم تغيير الكراسي والسير وقيمة القطع 400+300 ريال شغل يدهم .....لكن مع الأسف بعد التغيير لم يتغير ولا يزال الصوت...

عندها رجع لهم .. ثم طلبوا منه احضار قطع اخرى وبعد ان سألهم كم التكلفة ... قالوا له مع شغل اليد تقريبا 3000 ريال ... تصورا النصب .... بعدها طلب الدخول على المدير ... لكن لم يكن موجوداً...

بعدها أخذها إلى ورشة العيسى في صناعية الأحساء .... وخلال أقل من ساعة ... تصوروا .. تم اصلاح السيارة ... واختفاء الصوت... وذلك بعد الكشف على السيارة من تحت ... قال العامل مشكلتك في مسامير التوازن اللي تحت ... وتم تغييرهم مع شغل اليد فقط ((240)) ريال سعودي لا غير ....

الله يجزاهم خير والله ... هذه الورش والا فلا .. مو النصابين اوتوسيرفس ...