السبت 6 يونيو 2026
عاجل

كم سعر الباثفاندر 2003 جديد ومستعمل ......؟

نادي سيارات ال SUV و العائلية والنقل مغلق
14 رد 3,754 مشاهدة 5 مشارك الأقدم أولاً
P
Polite @user_1346 · 15-12-2002
حبيت استفسر يا اخوان
الباثفاندر 2003
كم سعره 2003 جديد ومستعمل
بدون فتحة سقف وبدون جلد
تكفون لا تردوني ......
P
Polite @user_1346 صاحب الموضوع · 30-12-2002
أخي الكريم { رفاع } /
الله يعطيك العافية ويسلمك على كلامك اللي ينقط عسل ......


أخي /
إذا ما عليك أمر ودي أستفسر عن سعر الباترول الربع جديد ومستعمل ....
لموديلات :
2001
2002
2003

وأكون لك من الشاكرين

وأتمنى من زوار الصفحة الكرام اللي عنده معلومة ما يبخل علينا .
ر
رفاع @user_2884 · 30-12-2002
أخي وعزيزي polite

اللهم أني أسلك باسمائك الحسنى وصفاتك العلى أن توفق أخي في أختباراتة الجامعية
ومن قراء هذه المشاركة .

وأسأل الله أن يكتب لك ولنا الخيرة من أمرنا .

وش دعوه يا polite ترى ما سوينا الا أقل من الواجب .

تمنياتي لك بالتوفيق الدائم ، ولجميع ألاخوان .
P
Polite @user_1346 صاحب الموضوع · 28-12-2002
¤®¤(kontash)¤®¤
رفاع


تسلموا والله ،
رجال وقدها وقدود

أنا الآن عندي اختبارات بالجامعة ،
وراح انتهي منها بإذن الله يوم 26/11/1423 هـ


وشراء السيارة ،
فسوف ءأخره إلى ذلك الحين ،
أتمنى أني أرد لكم الجميل ،
وإن شاء اشوف السوق عندنا بالمدينة المنورة قبل الإقدام على أي خطوة .
ر
رفاع @user_2884 · 25-12-2002
بالنسبة للوسائد الهوائية واحده للسائق ماهي ثنتين .
وبالنسبة للجنوط عادية ماهي المونيوم .
وبالنسبة للسعر ممتاز جداً . لأنه في الوكالة أقل شئ بيعطونك بـــ 76000 ريال .
وعلى فكرة هذا ترى النوع العادي جداً ( ستاندر ) .
ولا يهون الرجال يـ polite ولا تنسانا من السعي :بوسه: .ومبروك مقدماً .
تحياتي للجميع .
آ
¤®¤(kontash)¤®¤ @user_2835 · 17-12-2002
ما عليك زود يالطيب

المواصفات اللي حصلتهم من الخبير كالاتي :

نيسان باثفاندر 2003
0 كلم
رصاصي\رصاصي غامق من الداخل
VTEC 3500cc
2 وسائد هوائية
غيار عادي
نوافذ\مرايا كهربائية
قفل مركزي
مسجل\راديو FM\AM

هذا اللي قدرت احصله .. وعلى فكره الخبير كان معاي عالخط وانا اكتب لك الرد.

تحياتي
P
Polite @user_1346 صاحب الموضوع · 17-12-2002
مشكور أخوي ¤®¤(kontash)¤®¤
على الرد الظريف ( المفيد )
وياليت تنزل مواصفات الجيب اللي عند الخبير ...
آ
¤®¤(kontash)¤®¤ @user_2835 · 17-12-2002
الله يسامحك يا اخوي Polite نفختلنا راس الرجال لما قلناله انك إمسميه خبير

يا خوك جلسلنا على جنبه وحط رجل على رجل وطالعني بطرف عينه وقال :

قل لصاحبك لا يتعب نفسه ويدور على 2003 مستعمل ولو ينخل السوق نخال

على الاقل لـ 4 او 5 شهور قدام .. الا اذا الموتر فيه شي .... !!!!

وبعدين عدل من قعدته وقرب مني وقال :

بس قول له عندي الموتر اللي يبيه و بنفس المواصفات اللي طالبنها وعلى الزيرو

ولونه رصاصي وسعره 70,000 الف .. اذا يبيه بحجزه له .


هذا اللي صار مع السيد الخبير ... وأمهلني يومين علشان أرد عليه .

والامر متروك لك ياعزيزي , واسف على التأخير .
P
Polite @user_1346 صاحب الموضوع · 17-12-2002
شكرا لك أخوي رفاع
على المعلومة الرائعة
وانا ان شاء الله ناوي آخذه بعد إجازة الحج .
ر
رفاع @user_2884 · 16-12-2002
مساكم الله بالخير .

والله صعب تحصل 2003 مستعمل وانا لفيت المعارض في رمضان لين تعبت وما حصلت الا واحد 2001 ذهبي ويقول صاحب المعرض ماشي 40000 محدود بـــ 63000 والصدام والكبوت منقره بويته شكله ماشي 400000 كيلو .

ونادر ما تلقى جيب مستعمل نظيف 100%.

سلام .
P
Polite @user_1346 صاحب الموضوع · 16-12-2002
مشكور اخوي ابو الجنوط
ما قصرت .
ا
ابو الجنوط @user_2618 · 16-12-2002
الجديد ب82 الف ريال
P
Polite @user_1346 صاحب الموضوع · 16-12-2002
شكرا لكم اخواني
الله يعطيكم العافية ،

عندي استفسار أخوي ¤®¤(kontash)¤®¤ ، بما ان عندك واحد خبير في هالأمور .......
شوف مواصفاتي وحاول تعطيني السعر إذا مافيه إحراج
بدون فتحة
وبدون جلد
جبر عايدي
موديل 2003
مستعمـــــــــــــــــــــــــل ؟
آ
¤®¤(kontash)¤®¤ @user_2835 · 15-12-2002
ابشر وانا خوك .. خذ عندك ....

جديد وعلى الزيرو ما يزيد عن 79000 الف

اما المستعمل .. يعتمد هنا على السنه , اذا 2001-2002 فهو بحدود

53000الف الى 58000الف .

من 2000 وتحت , فلا يزيد بأي حال عن 50000 الف .

وهذى الاسعار جبتها من عند واحد من الربع , بحكم تعامله في بيع

وشراء السيارات واطلاعه الدائم باسعار السوق .

اتمنى اني فدتك يا عزيزي ..؟

ولك تحياتي
م
مهمووم @user_2600 · 15-12-2002
هلا والله


بصراحه مدري عن بدون فتحه او جلد

بس واحد اعرفه شاري 2003 فل كامل فتحه , قير تماتيك بـــ 87000 من

الدمام

تقبل تحياتي

اخوووك مهمووم