أصحاب XTERA2008

السلام عليكم
ماطلبت شي ياالغالي انا امتلك واحده فل كامل
اما الراحه فهي متوسطه
الثبات جيد
العزم جبار
الهدوء يخلف الله امااذا كان الزفلت خشن وايضا فيه هوى بطريق فاالله يعينك انامن القصيم ورحت الاسبوع الماضي لمكه مع الطريق القديم وكان فيه هوى وامطار والله ان عيالي يقولون سكر القزازه وهي مسكره من قوة الازعاج
التجهيزات متوسطه وحسب النوع الي تختاره انامعاي فل كامل فيه سيدي ومثبت سرعه وتحكم بالمقود للمسجل ودرج نضارات في السقف وجنط مقاس 17
اماتجربة السياره في المناطق الرمليه فهي ممتازه جدا انا انزل للبر وانسم الكفرات واتمشى من دون دبل ونادر اني استخدمت الدبل
الحراره فوق الخط الثاني بشوي وثابته ماتزيد ولا تنقص
التكييف من واقع تجربتي له فهو ممتاز
اماالديكور الداخلي فهو على حسب مزاجك واكثره من البلاستيك ذي الجوده المتوسطه
قطع غياره متوفر ولكن يبدو لي انه غالي لاني سئلت عن الدعاميه الي تجي في وجه السياره وهي من حديد وقالو لي بعد الخصم 2600 ريال سعودي
اما الشراء فهذا راجع لك ولحتياجاتك ومبلغك الي معك اما انا لم اجد ارخص منها وبمثل كفائتها وفيها اهم المواصفات الي ابيها وغير ذلك قيادته في المدينه كأنه سياره صغيره ماهو جيب من خفته وسرعة تجاوبه اما صرفية الوقود فهي ممتازه جدا ومن خلال سفرتي لمكه استهلكت تانكي ونصف بضبط للوصول لمكه وبتحديد مواقف الحجون وسرعتي مابين 180 160 140 والمكيف شغال والهوى كان شديد وناطح السياره وفعلا صوت المحرك مسموع من داخل السياره لكن لما السياره تعشق الخامس يختفي صوته
واي استفسار انا جاهز