همر H2 ولا رنج ابي شوركم

eyebrow @user_93193 · 25-04-2008

السلام عليكم

هذا اول مشاركه لي بالمنتدى

انا ناوي اشتري لي سيااره

ومحتااار بين الرنج روفر سبورت ولا همر H2

واميييل بقوه للهمر بعد زيارتي للوكاله

قيمتهم متساويه 280 الف رياال

بس ياليت اللي جرب الهمر يعطيني مميزاته ومساوئه

والرنج بعد

تكفون لا تخلوني تراني محتاااار

وسألت كذا واحد

من ضمنهم اللي دلني على المنتدى

قال روح اسأل وبتحصل الاجاباات الوافيييه

في انتظاااار خبراتكم

تحيتي للجميع

ابو نوره

البراكين @user_55342 · 16-05-2008

اخوي الرنج سبورت اكيد افضل ورسمي وافخم وشكل لكن اخوي الرنج سعره مو 280 الف اكثر من 300 اذكر لما سألت اعتقد السبورت 345 الف طبعا في احد المعارض الكلام هذا بالنسيم.

أنا سألت الوكالة قبل شهرين يقول إن الأبيض والأسود بـ 280 ألف أما الألوان الباقية بـ 275 ألف

بس لعاد تقارن مرة ثانية أخوي أحس أنك ظلمت الرنج يوم حطيته مع الهمر

فيه لك خيارات ثانية:
BMWX5
طوارق
بورش
أسكاليد
والله ييسر لك الموتر ويبارك لك فيه

techmate @user_74279 · 16-05-2008

نصيحة لا هذاا ولا هذا.
بقيمتها خذلك لكزس LX570 أو أودي Q7 أو بورش كايين.
أو وفر 50,000 وخذلك VXR فل أوبشن خليجي.
أو وفر 100,000 وخذلك دينالي أو سوبرسفاري.

refkarer @user_96814 · 16-05-2008

طبعا الرنج
انا جربت الاثنين
فرق كبير
الفخامة للرنج

@أبوفيصل@ @user_86748 · 27-04-2008

والله ما يحتاج الرنج أفضل

بالنسة للي حاط صور للرنج من جوى (نسيت اسمه)

هذا مهب سبورت

احد الاقارب توه امس مطلع رنج سبورت ماشاء الله

ان شاء الله بنزل له صور من جوى ومن برى

لا تنسى بعد الاستخاره

eyebrow @user_93193 صاحب الموضوع · 27-04-2008

^^^^^^^

هذا كلام الشبااب بالوكاااله

انت تقصد الشارج هو اللي بالسعر هذا

السبورت قيمته وكالة السيف 280 الف ريااااااااااال سعودي

just chevro @user_32656 · 27-04-2008

اخوي الرنج سبورت اكيد افضل ورسمي وافخم وشكل لكن اخوي الرنج سعره مو 280 الف اكثر من 300 اذكر لما سألت اعتقد السبورت 345 الف طبعا في احد المعارض الكلام هذا بالنسيم.

أف جي كروزر2008 @user_60700 · 27-04-2008

حتى التطعيس فيه تحس انك راكب تريله

هههههههههههههههههههههههه قسم بالله ضحكت من قلب

والله اخوي انصحك بالرنج سبورت لؤلؤي غراااااااااام مابعده غرااام

الله يوفقك

eyebrow @user_93193 صاحب الموضوع · 26-04-2008

الله لا يهينكم جميييع

بس انا استخرت وبطلت اني اشتري رنج ولا همر

بشتري لي ددسن 82 غماره

ههههههههههههههههههههههههههههههه

امزح

بس انا الان تقريباً مقتنع اقتنااع تاام ان الرنج افضل بمراااحل

كنت ناوي استأجر همر واجربه

وبالصدفه كنت اسولف مع واحد من الشبااااب

ولد عمه عنده همر 2006

جربته

صراااحه مو ذااااك الزووود

رحت عليه 150 كيلو رايح جااااي

طلع مو مثل ماتصورته

حتى التطعيس فيه تحس انك راكب تريله

انا قررت اني اصبر شوي كم اسبوع بشوف وش الانسب لي

والله يرزقكم بالسياره اللي تتمنونها

شبيك لبيك @user_51989 · 26-04-2008

اكيـــــــــــــد الرنج |1|

FAISAL 7 @user_10501 · 26-04-2008

الله يكتب لك الي فيه الخير يا ابو نوره

بصراحه الرنج افضل من جميع النواحي

الهمر راحت موضته يعني خلاص ماصار له طعم اما الرنج فتصميمه خيال وموتر كشخه ورسميه

خبير سيارات _ 92 @user_92401 · 26-04-2008

الرنج أكيد شكلها أحلا و قوية و سريعة و رسمية

هذي من الداخل :-

و من الخارج :-

من دون تردد خذ رنج و توكل على الله ...... تحياتي

ولد وايل @user_13379 · 26-04-2008

ت

تجميع ياباني

معليش اسمح لي اقولك
تستهبل ؟؟

رنج وهمر فيه مقارنه ؟؟
رنج وبالريووس بعد مايبي لها نشدت شيخ

قوه ومتانه وفخاامه ودزه
وبالنسبه للهمر H2 سعره 280 ؟؟ قهر والله مايسوى هالصندوق

سيم سيم كلام اخوي تجميع ياباني

يعني شتان مابين الثراء والثريا

الهمر مع احترامي لمحبينه موتر مهايط فقط لاغير

نفسي اعرف انت كيف جمعت بين الثنتين حتى تحتار بينهم
عجيب انت رنج وانت مرتاح

hemh666 @user_61909 · 26-04-2008

انت كريم وانا استاهل

اذا شريت رنج وانا اقول خذ رنج اشتر لي هدية معك كفاية سيارة ديسكفري

Tiguan King @user_21525 · 26-04-2008

والله رايي شف الكاديلاك إسكاليد .. خطيييير
نفس مكينة الهمر ..

fhad2007 @user_69277 · 26-04-2008

والله اخوي eyebrow لو يخيروني بين الا بين هالثنتين ... اخذت الرنج

اما لو عطوني حرية الاختيار اخذت طوارق او انفينتي 2008 ....

علماً ان مالي خبره في اي من هالسيارات بس من باب المشاركه
والافتراض انهم يخيروني <<< واحد يلمح :D

والله الموفق

تجميع ياباني @user_85188 · 26-04-2008

الـ bmw x5
كم سعره .. كانه مثلهم فهو اطلق من الاثنين كلهم

وعلى قولت الشبااب اذا معزم على امريكي فالدينايلي او اسكاليد افضل
من هالهمر المدري وش يبي <-- كل ماشافه في الشارع جلس يتامل
بالله وش عاجب الناس في هالبليه واشلون يسوقونه ؟؟

بالنسبه للقياده فاغلب الاوربيه ثابته على الطريق وخاصه السرعات العاليه
والانعطافات جربت المرسيدس وbmw والفلكس واغن كلها ماشاء الله كل ماتسرع
كل ماتهبط في الارض وراسيه

الرنج اطلق شيء فيه انه ماخذ سمعه انه رزه وراعيه كااش
والهمر نفس الشيء ماخذ سمعة الهمر H1

AMAO @user_85947 · 26-04-2008

خل الرنج والهمر

ليه ماتاخذلك دينالي افخم واقوى وارز وكل شي ....................!

ولك حرية الاختيار مجرد رأي

C300-SRT8 @user_24687 · 26-04-2008

الرانج افضل بشكل عام
لكن من ناحية الاعطال الرنج اكثر اعطال وما يتحمل الحرارة الي في الصيف
الهمر ثقيل مقارنة بالرنج واشوف سواقته بشكل يومي بتكون مملة حلو اذا معاك سيارة ثانية
عكس الرانج تقدر تستخدمه اي وقت

ابو شوشه @user_52260 · 26-04-2008

^^
صح هذا اللي سمعته وبتكون خاصه بالهمر والكاديلاك يعني فخمه ...

رايي اكييد الرنج ...

ولو ان الوكيل فاشل بس الهمر راحت موضته ...

واذا بتاخذه وتضبطه اقولك اوك اما اذا بتخليه شد بلك ما انصحك فيه ابد ...