إستفتاء :فورد إكسبيدشن 2008 أو أرمادا 2008

اخوي نصيحه للوجه الله .. ,, لاتشاور اي احد

لان اغلب الناس يمدح لك الي هو عاجبه ..

يعني في ناس تحب الاكسبديشن وهو مايعرف عنه شيء بس يمدحه لانه يحبه ..

وفيه ناس تحب الارمادا وهو ماقد ركبه حتى بس يدافع عنه بكل طاقته ..

لهذا لاتشاور الا واحد غير متحيز لها وفاهم في الثنتين

ولاتاخذ كلام الي يقول

.. خذ السيارة الفلانيه وانت مغمض او لاتشاور هذي احسن او الي يقولك وش جاب لجاب < < تراه نكبه :a120(95): ..

على العموم اذا تبي رايي

مر على الوكالتين وجرب السيارتين واستخر الله .. وناظر الي ترتاح له

وعلى فكرة الارمادا يقولون ان قطع غيارها غاليه نوعاً ما

وانا من تجربه مع الحمراني < وكيل سيء وخصوصاً مواعيده اسواء ومافيه احترام للزبون ..

ولاكن شغل الوكالة جيد فنين . ,,



* ملاحضه تراي ماقريت ولا رد لاني مستعجل لهذا ما ابغى احد يحسبني اقصده


بالتوفيق للجميع ..

انا جربت السيارتين بدون تحيز او تعصب

متعه قيادة الارمادا
قوة الارمادا
راحة الارمادا
اقتصاد الارمادا
شبابي الارمادا اكثر شبابيه

مشكووووووووووووورين والله ياشباب

والله تفاعلكم أثلج صدري .. منتداكم فعلا قمة .. كذا المنتديات وإلا فلا

تسلمون .. وفالكم طيب

كنت مراقب الأرمادا من فترة .. بس سعره مبالغ فيه شوي

لو كان طبعا بسعر الأكسدبيشن كان خيار جيد

والحمد لله أخترت الأكسدبيشن .. واوصي به الشباب .. سيارة فعلا جيدة للشراء والإقتناء

تحياتي أخوكم أحمد

بالنسبه لي الارمادا افضل من كل النواحي ,,,

لكني أظن ان الاكسبدشن ينفع تخليه معك 20 سنه مقابل 10 سنوات للارمادا ان كان هذا يفرق معك :D

بالتوفيق ,,,

تحياتي,,,

موفق فيها اخوي والله يعطيك خيرها ويكفيك شرها

الف مبروك الله يعطيك خيرها ويكفيك شرها

وهذه السياره اي الاكسبدشن مثل ما قال عليها احد رحامي الي يملكها ... السياره الي مانتدم بعد شراها

الله يعطيك خيرها ويكفيك شرها مقدما

وننتظر التقرير


أحسنت الإختيار وم بتندم بإذن الله


تحياتي

سبب تصويتي للأرمادا بسبب الميول فقط

* ما أعرف مواصفات كلاً منهم .. :)

مبروك مقدما والله يطعمك من خيرها ما يميز سيارات فورد بالسعودية هو تعامل وكيلها الممتاز ...

مبروك عليك السيارة


ليتك شاري ارمادا بس مانبي نحسفك عليها

السلام عليكم

دام انك اخترت توكل على الله, ولو أنك ظلمت الارمادا! مافي مقارنة ابد في السيارتين,الارمادا قوة وسرعة وفخامة و برور وخط وطعوس وثبات وتحمل و تكييف وهيبة ووووو,,, أما الفورد عائلي و مريح وبس ولا هو يقرب شي جنب النيسان الياباني في الجودة والاداء خاصة مع تقادم عمر الموتر.
الله يوفق الجميع;)

مشكورين ياشباب وبارك الله فيكم
الحمد لله أستخرت وقررت فورد أكسبديشن 2008

وبنزل موضوع بعد ما أشتري السيارة بحول الله وقوته
عن السيارة وإنطباعاتي الأولية

مشكورين ياشباب وبارك الله فيكم .. وحسب هذه النصائح في ميزان أعمالكم

أنا شاورت الأقارب والأصدقاء ، ونصحوني بالأسكسدبيشن .. وقلو أستخير أفضل لك

والحمد لله أنا شكلي مرتاح من الفورد أكثر .. بس عندي سؤال أخير

وهذا يمكن يكون الفيصل الأخيربين السيارتين

بمعرض نيسان شفت مقدم الأرمادا بالصدام لا يوجد فيه نيكل مثل هذه الصورة



وهذه صورة يوجد بالصدام واجهة نيكل .. صورة تدوخ .. والله جنان



أنا بلاحظ في فرق بين السيارتين ؟؟ مابعرف هي نوعين من الأرمادا ؟؟
وهل الصدام إختياري .. ولا يجي بس في نوع أغلى ..؟ تكفون بدي مساعدة
لأنه لو كانت الصورة الثانية لنوع أغلى بحدود 140 ألف أو اكثر .. بحول مباشرة على الأكسبديشن

أنتظر ردكم ياشباب

اكسبيديش وانت مغمض
لاتنسى الاستخاره في الامور كلها

اخي الكريم

اسال مجرب ولاتسال طبيب

انا معي اكسبدشن 2005 وفي ذلك الوقت كنت في نفس حيرتك مقارنة بينه وبين الارمادا والكفه صارت للاكسبدشن ولمست فعلا هذا الشئ في العوامل الاتيه
1- الوكيل وقطع الغيار - ترى الحمراني اسعاره القطع ونار وقليل ماتلقى القطعه عكس الجزيره وانا لمست هذا الشئ في التعامل في السنوات الماضية
2-سهولة القيادة - الارمادا اطول والمشكله اعرض بكثير من الاكسدبشن الي يخلي السياره ثقيله داخل البلد - الاكسبدشن سواقته داخل البلد سهله مقارنة بحجمه على الاقل ملموم اكثر من الارمادا
3-في ذك الوقت كان الارمادا اغلى من الاكسبدشن بحدود 20000 ريال لما تقارن الفئه نفسهاالشئ الي شجعني اكثر اروح للاكبدشن - لكن لا اعلم عن الاسعار الحاليه اكثر من العروض الي في الجزيره حاليا
4-عشان اكون امين معاك الارمادا اوسع من الاكسبدشن في الطول والعرض - الطول ظاهر مساحات الارجل في الصف الاول والثاني والعرض ايضا ظاهر من الداخل - ولكن هذا الفرق في المساحه ليس عليه اي تاثير من وجهة نظري في راحة الركاب او عددهم - بل ان الاكسبدشن الصف الثالث فيه اريح- وجرب بنفسك
5-الاكسبدشن مجرب منذ موديل 98 وحتى اليوم شغاله ماشاء الله عند ناس اعرفهم - في الوقت الي الارمادا لها مع الناس اقل من ذلك
اما اليقول انه الارماد ياباني وجودة ياباني فهذا غير صحيح الارمادا امريكي بالكامل تصميم وتقنية وصناعة
قد يكون الارمادا افضل من الاكسبدشن في البر لكن كلامك انك لاتفكر في البر - ملاحظاتي على الاكسبدشن كتجربه حتى الان عطل علي المكيف على 50000كلم وصلحوه على الضمان - اصوات محتملة عند الدخول على مطبات متكرره - بطناج- المكيف جيد ولكن ليس مثل مكيف الياباني - غير كذا ماشاء الله تبارك الله
في النهاية قبل الشراء انصحك تجرب السيارتين الارماد تتاجر لكن الاكسبدشن يبغالك تشوف احد من الربع تكون عنده
واي استفسار انا حاضر ولاتنسى الخيره وبالتوفيق

في رأيي الأرمادا أفضل.

الأرمادا يتفوق في كل شيء ما عدا السعة الداخلية واستهلاك الوقود في صالح الفورد. الأرمادا أقوى، أثبت، أسرع، عزم أعلى.

مشكورين ياشباب
أمس رحت لشركة التوكيلات
بصراحة فورد إكسبيديشن رااااائعة .. وسعره معقول خاصة مع العرض الجديد
والموظف أخلاقة عالية وشرحة ممتاز .. وشكلي رغبان في السيارة

قلت خليني اليوم أمر على شركة نيسان .. وفعلا رحت للحمراني طريق خريص

وإستقبال من الموظف جاف .. كأنه مايبي يبيعني سيارة ... وماتحرك من مكانه
يشرح لي السيارة وهو جالس بمكانه .. وأخلاقة سياحية

المهم لفيت على السيارة كانو عارضين أرمادا فول أوبشين بس طبلون أسود .. بايخ الأسود عليها
وكفرات حجم 20 ... واجهة السيارة وحش والله .. أحلا من الأكسبيديشن
بس الثاني أوسع من الأرمادا

بصراحة ما أقتنعت ... ولسا ماقررت .. علما بأني حق مدينة .. مابي بر ولا غيرة
ويكفيني دفع ثنائي ..

شو توصوني ياشباب .. بدي أقتنع اكثر .. شو آخذ ؟؟

اكسبدشن وبس

يكفي وكيله <<<احسن وكيل فورد بالعالم :eek:

والمساحة الضخمة والكرسي الثالث يكفي ثلاثة بالغيين بكل راحة :eek:

والقير ست نمر <<<بس يكفي |4|

تبي الخلاصة اذا تبي سيارة عائلية من الحجم الكبير لا تأخذ إلا الامريكي <<<<أهل الاختصاص

تحياتي

شوف حاجتك للسيارة وبتعرف اختيارك
الفورد وكيله افضل
قطع الغيار متوفرة
الشكل بالنسبة ليي الاكسبديشن افخم واحلى والارمادا شكلها وقريب لشكل الدوج(الناس اذواق انت وذوقك)
بالنسبة للراحة فالاكسبديشن اريح حتى إن المساحة داخل السيارة اكبر