مرحبا الف ترحيبه بكل اعضاء المنتدى
للي يبي يعرف الجاكور قبل لايشتريها
اول شي في اختيار اللون يناسبها الفاتح دايما او الاسود مدري ليش تطلع غلط اذا جه عليها لون ثاني احسها ماتبين.
هي سيارة مو سريعه مقارنه بالباجي واللي يسوقها يعرفها .
الاسبير بارت والسيرفز مالها وايد غالي بس تستاهل لانها فخمه اكثر من اللكزس مثلا .
البريك مالها كلاسيكي يعني مومال سوالف تقحص وخراب يعني لايشتريها قطري ويستعرض فيها .
فخمه وملفته للنظر مثل البنتلي .
وتقريبا بالخليج ماياخذونها كثير.
تذكرني بساعات رولكس والسيقار والبلاك كوفي من الصبح .
رشيقه ماتصلح حق اللي بعافيه.
وايد تحتر مكينتها يعني موب كد ومد .(( يعني ترتفع حرارتها وتوقف ماتتحمل جونا ولا اسلوب حياتنا ,حق استعمال خفيف ممتازة)).
سعرها زين وفي منها الغالي وايد ويعتمد على الاضافات والطلبيات
.
واحلى شي موديلها مايتغير يعني قطو فيها فلوسكم وضحكو.
بس في البيع خساره خساره لدرجة انه حتى اللي عندهم تويوتا كورولا يستفيدون اكثر.
مكيفها مايبرد القلب نفس الياباني .
اضافاتها واكسسوراتها حلوة بالذات التايقر احس انه شعار كارتير.
وحلاتها لين تقدم يحس الواحد نفسه عايش بأيام الفيس بريسلي.
بس خرابها خراب واقل شي تخترب .
دلوعه ماتتحمل .
تناسب جو الشتا اكثر .
وحلو الواحد يطلعها بأيام المطر .
يحبونها بالكويت وايد.
وبس
