لا
ولا راح أغيرها
لأن الفان موجود لقضاء مشاوير الأهل في البلد مو لرفاهية
وخويي عندهم واحد وقالي المشكلة موجودة عندنا وكل شهرين الوالد يغيرها لين ماطفش
هو في البداية حذرني وقالي لا تأخذه
كنت أقوله اللحين الكوري التطور
لكن ماأقول إلا حسبي الله على من كان السبب
ياخي انت مسوي زحمه على هالفان اللي شاريه مستعمل عشان حاجات تافهه ( كنستر فيه قطعه بلاستيكيه مكسوره و غطا يعلق و تنسيم و ديكور تحت الكرسي منفك )
انت كاره الكوري من الاساس فـ جالس تدور الزله وخوفي تجي يوم وتسب الفان عشان بنشر الكفر حقه
ياعزيزي يا بلا حدود لو تلاحظ انت قاعد تلف وتدور وتتهرب
تعال نتكلم بوضوح
انت ذكرت أربع مشاكل للأوريون صح؟
المشكلة الثالثة انت قلت عيب مو مشكلة<<< ماكانت مشكلة في البداية
المشكلة الرابعة ولله الحمد طلعت مو مشكلة
طيب هذا يعني انك قاعد تحاول تكثر من مشاكل الأوريون على الفاضي
انا بترك للأعضاء الحكم على منهو اللي قاعد يتهرب
المشكله الثالثه واللي هي طقة قير سواءا عيب او مشكله انا ماجبتها لك الا لأنك جايب لي موضوع عاشق السوسو وهو عن طقة قير بعد يعني نفس المشكله
يعني ياكلهم عيب او كلهم مشكله
ماني جالس الف وادور انا جالس اعطيك مشاكل مقاربه للي تعطينيها انت واذا تبيني اوسع البحث انا واعدك برد منفصل فيه مشاكل الاوريون بعد ما طلبتها مني وقريب ان شاءالله تشوفه
المشكلة الثانية تثبت إنك كسلان في الجغرافيا
العراق جوها قاري
يعني تمر عليهم أجواء قمة البرد وبعدين قمة الحر
وتقلب الجو بيأثر بدون شك على الديكور
وايضا اترك للأعضاء الحكم فللي قاعد يتهرب في هذي النقطه
ياعزيزي الاخ صاحب الموضوع ذكر ان ماكانت عنده مشكله يوم كان يملك مكسيما قبل الاوريون
واذا ان جوهم راح يطلع صوت ديكور بكل السيارات اجل ليش يفكر في بيع الاوريون وهو راح يواجه نفس المشكله بأي سياره ثانيه
مشاكل الديكور في الأوريون هي مشكلتين وحدة عند ديكور الساعة ووحدة عند ديكور القير بسسسسسسسسسس وسبب المشكلة الفراغات والشباب حلوا المشاكل بتعبئة الفراغات بشطرطون ولك انك تشوف المواضيع بنفسك
ماقصرت " يعني بالاخير بها مشاكل بالديكور "
هذي تويوتا التي اشتهرت بالجوده
تغلط عادي
تظل جودتها عاليه
اما هيونداي ياويلها
حتى لو كانت نفس غلطة تويوتا
ولا تنسى ان المشكله تقريباً شائعه بالاوريون على عكس الازيرا
عكس الأزيرا اللي مشكلتها في سوء المواد المستخدمة في التصنيع واللي أثبتها بنفسك بالضغط على الديكور بأناملك الكريمة وشوف السمفونيات اللي طلعت
حاولت أسويها في الأوريون وماطلعت معي هالأصوات
قبل كل شي نوعية مواد ديكور الازيرا ممتازه جداً جداً ( شيكها زين )
المقطع اللي نزلته انا طلعت فيه صوت بالدرج وبالباب وبالداش بورد << احسك تقول مابقيت شي :D
لكن مشكلتي كانت مع الدرج لا الباب يطلع صوت ولاغيره
وقت تصويري للمقطع كانت السياره واقفه بالشمس من الصباح وصورت المقطع الساعه 2 الظهر ودرجة الحراره 50 << جربها بسيارتك اذا كنت تبي تنطرب ( مجربها بكامري )
اذا ماكانت واقفه بالشمس او من اشغل المكيف وامشي , لو اكسر الديكور ماطلع صوت
عكس كامري واحد من الشباب حتى بالليل اذا ضغطت على الديكور يطلع صوت
واناملي الذهبيه تطلع الفضايح بالديكورات :D ومجربها في اكثر من سياره ولك في الكامري مثال بالمقطع التالي من تصويري
[youtube]RqxDJVw0-uo[/youtube]
اجل تحت الشمس وش بتسوي ( وربي الازيرا بتكون ارحم مليون مره )
بس عشانها كامري ياباني مو كوري هيونداي فـ محد راح يتكلم عليها
نفس السياره اللي بالمقطع خبط قيرها + ضرب السلف وهي موديل 2006 بس تبقى كامري مهما يكون
فين تعليلاتك؟!
أقولك القير تقولي محتار هذا انسان نصاب! ومالمشكلة أعطانا رقم جوال اللي اشتراها منه
أقولك عسول غير العكوس تقولي ننتظر إجابته! وهو كاتب بالنص إنها خربت وبتتغير
أقولك فكتور خرب عليه الكرسي تقولي ماله داعي!(شيء غريب)
محتار مصداقيته مضروبه ورد احد الاخوان واضح
ومشكلة القير هي حساس فقط وانت عارف مشكلة وصق بقير الاوريون ولك ان تقارن
مشكلة عسول روح اسأله بنفسك عن سبب المشكله وبيقول لك من الوكاله وماكانت عنده قبل مايدخلها الوكاله
مشكلة كرسي فيكتور مافهمتني انت
قلت لك مالها داعي
اقصد انها مشكله سابقه لآوانها
موضوع الليدات أنا بنفسي شفت كم أزيرا محروق فيها كم ليد
والله لا يوريك كيف المنظر
بصراحة من جد تستخصر تغير اسطب كامل عشان لمبة ليد
عكس الأكورد القديمة مع انها أقدم من الأزيرا لكن ماقد شفت لها ليد محروق
طيب اسألك بالله كم ازيرا شفتها محروقه ليداتها
وترى مايتغير الاصطب كامل هي عباره عن شرايح وكل شريحه فيها 4 ليدات
انا الحمدلله عندي تمام وفيه المشرف محمد الخلاوي سيارته ماشيه 135 الف ولا خربت عنده
الوحيد بالمنتدى هو فيكتور
.....................................
الاكورد من قال انها اقدم من الازيرا
الاكورد جات ليدات في عام 2006 والازيرا نزلت عام 2006
والكوري أنا أعترف بالسوناتا وما تحتها بس
لكن الأزيرا مثل مانت شايف خرابات وفي أماكن مختلفة في كل مكان
زين انك اعترفت بالسوناتا :D
طيب واللي يقول لك ان الازيرا اجود من السوناتا << ماراح تصدق
روح اسأل اي خبير بالهيونداي , اسأل مشرفين الصيانه بوكالة هيونداي , اسأل المهندسين بوكالة هيونداي
انا سألت معارف بالوكاله قبل ما اشتريها
اضف الى ان الازيرا حصلت على جائزة الجوده من جي دي باور والسوناتا ما حصلت عليها
بعدين أظن تكفي شهادة المشرف القدير (فني سيارات) على الكيا وقوله بأنها كثيرة خراب وخاصة من ناحية القير والمكينة(رأس مال السيارة) وتلقى كلامه هذا في موضوعي عن الفان
هل واجهت مشاكل ميكانيكيه بالقير والمكينه بالفان حقك ؟
وبعدين انت جالس تتهمني باللف والدوران وانت جالس تدور لي على كل سياره كوريه وتجيب لي مشاكلها وانا على عكسك مركز على محور حديثنا ( الاوريون )
أظن انتشار التريكان أقل بشكل كبير جدا من انتشار اللاندكروزر
لكن أكاد أجزم بأن عدد سيارات التريكان المبوشة أكثر من اللاند
أنا عن نفسي ماقد شفت تريكان ماشي وكافينا شره
إلا لازم يسوي سحب وراها من الدخان
بركات ميتسوبيشي اليابانيه
بس اهم شي انك اعترفت ان في سيارات لاند كروزر تخبط وموديلها 2003
بتقولي إن قير الأوريون هو قير الأزيرا
خذ فرة على هالموضوع أحسن
http://www.toyota4arab.com/forum/t7146.html
يجي واحد يستخدم القير بشكل الخاطئ أكيد بجيب العيد
قير الأوريون يخيرك وفيه أنظمة وأعقد من قير الأزيرا
قير الأزيرا له حد معين ويغير من حاله
وبعدين محد قال إن قير وصق توضب لا تطلع كلام
هذا انت تلف وتدور
وصق واضح من ردوده انه انسان محافظ
وبعدين المشكله طلعت له وهو ماسك خط الشرقيه
وايضاً ابيك تذكر لي وش نوع الاستخدام اللي بيخرب القير
مقاوم انا ذابح ازيرتي مقاومات وكل شوي مصور لها تسارع ولا شكيت من القير
بتقولي تفتفه بالنمر هذي لها علاقه بالمكينه اكثر من القير والله يرحم ايام السوناتا 24 ساعه تتفتف ولا شكيت من قيرها
بتجيب لي شي مره مره جامد ماتوقع احد يسويه وبتقول لي يمشي على خط 120 ويحط القير على P بقول لك ترى في نظام يخلي السياره تطفي ولا راح تتضرر وخويي جربها باللكزس وطفت على طول ولا تضررت وانا جربتها بالازيرا وطفت على طول ولا صار للقير شي ( مجربها عشان اتأكد تطفي ولا لا :D ) يعني القير محمي ولا يتعطل الا اذا كان فيه مشكله من الاساس
يعني لا تحاول تختلق الاعذار للمشكله اللي صارت عند وصق
وعلى فكره ضنيت ان القير توضب لأن المشكله عند وصق ميكانيكيه >> لك مني اعتذار
أتوقع في قسم يلم الكوري كله مافيه أحد يقدريحط موضوع زي موضوع العراقي (بأبيع الأوريون وأرتاح) لأنه بيسوي زحمة على الفاضي
غير لما يكون القسم متخصص بسيارة معينة
وما المانع
سبب مو مقنع ابداً مدري شلون انت مقتنع فيه
ياعزيزي اتفه الامور نزلو عنها موضوع فما بالك بموضوع زي هذا
دوم الضحكة إن شاء الله
وبصراحة ما أدري كيف أوصفها لك
بس واحد كان معاه كابريس صابونة تتوقع بيكون حنين
بعدين أغلب ملاك تيوتا من البدو وانت أدرى باستعمالهم لها
والله انت مدري وشلون طلعت لي بالطلعه هذي
يعني انت حاط في بالك ان اي واحد معه هيونداي انسان يحافظ ولا يكرف
ليش مرسيدس على غفله
ياخي انت ليش تحاول تتهرب؟!
قول ياخي انها كانت فاشلة
طيب انت جربت الكيا والدايو عشان تحكم عليهم
ولا تاريخ الهيونداي الأسود ماترك مجال للشك في سوء جودتها سابقا
ما ازعم انها فاشله لكن ازعم لك انها كانت ماتوصل لثلث جودة هيونداي الحاليه
ياعزيزي ارتفاع مبيعات هيونداي وارتفاع ترتيبها عالمياً من 27 الى 6 في فتره بسيطه على ماذا يدل !!
تقاييم الجوده العاليه وجوائز الجوده من متى هيونداي صارت تاخذها !!
تصريحات مسؤولي هيونداي حول المبالغ الطائله التي ينفقونها على تطوير كل سياره بحد ذاتها على ماذا يدل !!
زيادة عشاق هيونداي في الفتره الحاليه ولك في المنتدى مثال سابقاً لا تجد حس للهيونداي ولكن الآن العكس تماماً على ماذا يدل !!
وغيره وغيره
لكن انت مايقنعك شي
لا تجارب الناس
لا تقاييم الجوده
لا رأي المواقع العالميه مثل ايدموند وجي دي باور
ولا شي يقنعك
راسك يابس وكأنك حاقد على هيونداي الا بالقوه تكون فاشله تتصيد عليها وتغض النظر عن البقيه
ومن قالك إني أغض النظر عن اليباني؟!
مو أنا قدام عينك انتقدت النيسان ولا النيسان مو يباني؟
يمكن امتلاكك لتويوتا له دور في هالشي
أنا عادة ما أعترف بلغة الأرقام
بعدين انت معطيني أرقام من دون مصدر لأنه غالبا التسارعات ما تكون دقيقة
أما موضوع GTR والله انت تقول إنه سيارات 6 سلندر وحدة؟!
وعلى موضوع التيربو قول انه معطيها 100 حصان
بلله مو فرق بين 380 حصان و145 حصان
الفرق أكثر من النص
عموما السيارات الكورية مكاينها فاتحة وماعمري سمعت عن سيارة كورية تميزت بقوتها
ماتعترف بلغة الارقام
ولا تعترف بشئ
اذا كذا والله النقاش معك تضيعة وقت
وش تبي يعني نقول ان الالتيما 4 سلندر اوتو تسارعها في 6 ثواني عشان نقول انها تقوم على الازير 3.3
طيب اذا كذا تمشي مع الاوريون ( صعبه عليك صح لازم تعيد حساباتك )
والالتيما 6 سلندر بتكون اقل من الاربعه شي طبيعي وخلنا نقول تجيب الميه في 4.5 ثانيه
واذا كانت قير عادي بتجيب في 3 ثواني
والمرسيدس 600 اقوى من الالتيما وبجيب الميه في ثانيه
واللمبرغيني اجل بتجيب الميه في صفر ثانيه
اجل وش بقينا للبوقاتي شكلها بالسالب :D
خلنا واقعيين الله يرحم والديك
.............................
تقول لي الجي تي ار
سياره رياضيه بـ توين تيربو وجايب لي سيرتها وحنا قاعدين نقارن التيما وازيرا << ارفق عليهم
على كلامك توين تيربو طيب اذا اضفنا 100 حصان للجينيسيس كوبيه 6 سلندر بتكون قوتها 410 << شي طيب والله
الا بالله تقدر تجيب لي سياره من تويوتا 6 سلندر قوتها 480 حصان مدامك قارنت الجي تي ار بالهيونداي
........................................
انا ماقلت لك ان سيارات السته سلندر وحده على قولتك
انا جالس اعدد لك الفرق بين 6 سلندر 235 حصان و 4 سلندر 180 حصان
مع غض النظر عن التسارع
بتكون فروق كما ذكرت منها : عدم اجهاد المحرك بالمرتفعات , عدم اجهاده عند التحميل , السته بتريح على الخط اكثر من الاربعه وبتكون اهدأ
وترى المواصفات مو المقياس الوحيد لشراء سيارة
والزيادة اللي بالأزيرا بالنسبة لي لاتذكر
الأزيرا تحلت بالمواصفات
الأكورد تحلت بالأسم والجودة
الألتيما تحلت بالقوة
الأوريون جمعت مابين المواصفات والاسم والقوة <<تقدر تنكر هالشيء
هذا بالله مو مقياس لشراء الأوريون
نعم المواصفات مو المقياس الوحيد ولكنها من ضمن المقاييس الرئيسيه
الزياده بالازيرا بالنسبه لك ماتذكر وانت ماشاءالله عليك كل ميزه بالازيرا بالنسبه لك ماتذكر
طيب اجل على كذا ليش اشتري قراندي وادفع 10 الاف زياده واترك التورينق مع ان الفرق مايذكر بنظرك ( لأنك تشوف الازيرا ماتفرق عن التورينق )
انت الظاهر تبي كرسي مساج ونظام الوقوف الآلي عشان تقول هناك فرق بالمواصفات بشرط يكون السعر نفس سعر التورينق :D
بعدين أنا أفكر بالأزيرا ليش؟؟؟
1ـ الهيونداي والكوري بشكل عام سمعة في الطين وتاريخه سيء
2ـ الأزيرا كانت أول تجربة للهيونداي في السيارات الفخمة عكس التويوتا اللي لها شوط طويل اسمه لكزس لاتقولي الجرانديور السيارة هذي مالها أثر في الشارع
3ـ تجارب الناس مع الكوري سيئة وأصحاب السيارات الجديدة يقولون الكوري تطور وهو ماله معاهم كم سنة كيف حكموا عليها
4ـ الهيونداي لما تجي تبيعها تحاول تغطي العلامة عكس التويوتا تحط العلامة في عين أقرب شريطي.
5ـ الهيونداي تنقصها الوجاهة والواحد دافع مبلغ وقدره ويبغى يكشخ لأن الهيونداي يبقى هيونداي
1- وش يهمني انا اذا فيه كم واحد يسبه الاغلبيه يمدحون وافتح لك موضوع استفتاء حول هذا الموضوع وشوف اللي معهم هيونداي وش بيقولون لكن لا تتعب نفسك لأني متأكد من النتيجه
2- هذا شي يحسب في صالح هيونداي من اول تجربه وهي ناجحه اجل اذا تمرست مثل التويوتا كيف بتكون
اعطيك مثال وهو دخولها لعالم محركات الثمانيه سلندر مع الجينيسيس
حجم مكينتها 4.6 نفس حجم مكينة اللكزس ال اس الجديد والجينيسيس تعطي 375 حصان واللكزس 380 حصان
الفرق 5 حصان بسيط ولكن شوف فرق الخبره بهذا المجال وهيونداي سوتها من المحاوله الاولى
شوف الامريكان اللي لهم باع طويل في محركات الثمانيه سلندر
عندك الكابريس حجم مكينته 6.0 قوته 360 حصان
الجينيسيس اقوى ومحركها اصغر
اليس هذا انجاز لهيونداي ويحسب لصالحها
ولا تنسى من المحاوله الاولى
(هيونداي بدأت من حيث انتهى الآخرون)
3- لي تجربة اكثر من 6 سنوات ( يحق لي احكم ولا لا )
واعتقد سنه او سنتين تكفي للتنبؤ والحكم على السياره
سوق التشيري الصينيه لمدة يوم بس مو سنه وراح تعرف كيف تحكم على السياره
بإمكان اي شخص ان يقوم بتجربة سيارتين لمدة 3 ايام والتنبوء بجودة السياره ويفاضل بينهم من هالناحيه
4- تكلمت انا سابقاً عن سعر البيع وقارنت لك بين المازدا والكامري ولا يحتاج اكرر
5- ماراح اكشخ بمبلغ 85 الف
ولا تقول لي الاوريون تورينق كشخه وبيقولون عني رجل اعمال اذا سقتها :D
ومشكلتك ياأخ بلا حدود تحسبني متعصب لتويوتا
أخوي أنا اللي يهمني الأوريون وبس وباقي سيارات تويوتا اضرب فيها عرض الحائط
ولو تخيرت بسيارة غير الاوريون ماراح أفكر ابدا بتويوتا لأنه فيه بدائل أفضل
وأظن الأوريون واللكزس ES هي السيارتين اللي يستاهلوا سعرهم اما باقي تويوتا ولكزس أسعارهم غالية على الفاضي
وقبل فترة مو بعيدة كنت من المتعصبين للمازدا و حتى ليومك هذا وصورتي الشخصية تثبت ذلك وكنت من أشد المنتقدين على تويوتا حتى النك نيم حقي في تويوتا العرب يوضح ذلك
لكن ماكنت أنكر أبدا جودة التويوتا
وأقولها وبكل صراحة
لو يرجع الزمن ورى بأخذ المازدا 6
لان شكلها ومواصفاتها تجبرك عن التخلي عن القوة
والمازدا هي الشركة الوحيدة اللي كل سياراتها تستاهل كل ريال
تحياتي
والله يالزين انا لا اتهمك لكن بعض ردودك تجبرني
جالس تقولي ان التورينق افضل من ازيرا فل اوبشن
اذا في احد مواضيع التصويت حازت الازيرا على اصوات اكثر من القراندي فما بالك لو ينزل موضوع تصويت بين الازيرا والتورينغ صدقني ماراح تتنازل الازيرا عن نسبة 85 بالمئه من الاصوات فهذا رأي الاغلبيه وانت تخالفهم
اعط كل ذي حق حقه
المازدا ما اقول فيها شي
والازيرا دافع في انا 86 الف وربي انها تستاهل كل هلله اندفعت فيها
لا من مواصفات لا من رساوه لامن هدوء
هيونداي مابخلت فيها بأي شي
ياخي يكفيك اذا فتحت الشنطه تحصل كل شي فيها مبطن بالقماش
انزل راسي ابي اشوف السماعات من تحت ماني قادر اشوفها لأنهم مغطينها << واتحداك اذا كنت مبطنه بالاوريون
الرفارف من داخل مبطنه بفلين عازل
يعني ماتقدر تقول ان هيونداي تجاهلت شغلات ماتبين للمستهلك عشان تقلل من تكلفة تصنيعها لا بالعكس زادت شغلات وهي مو موجوده بالياباني يعني اكيد ماراح تهم المستهلك لكنها اهتمت فيها
الازيرا وربي فيها حاجات مايكتشفها الا اصحابها وتعطيهم انبطاع ايجابي عن اهتمام هيونداي بها
اخوك بلا حدود
