بسم الله الرحمن الرحيم
يا ناس سيارة قاربت الشهر وانا انتظرها وكل يوم يقولوا لي كلام:
اول ما تقدمت بالطلب طلب مني عربون لحجز السيارة....تم وسم وسم الله عدوك وعلوم رجال
متى نستلم؟؟
والله اللون حق السيارة غير متوفر حاليا في جدة!!!طق طق وخربص وعفس جهازة فوق تحت واسف على التأخير وسم وابشر وعلوم رجال,المهم طلع لي جهازة العابر للقارات بقرارين:
الاول فيه سفينة طال عمرك تصل جدة في 21/6/2008 واليوم هو 6/6/2008 فبلاش نأخرك طال عمرك فيه خيار ثاني يبينه لنا عابر القارات:
سفينة الشرقيه تصل الى ميناء الشرقية في 8/6/2008 فأنا اقترح اننا نطلبها من هناك يومين وهي عندنا!!سم آمر تم وافقنا ابشر الحق صب القهوة اكرم زد واحد الشاهي يا ولد وعلوووووووم.....
انصرفت بهدوء وطمأنينه وكلي شكر داخلي لهؤلاء الرجال وان كانوا يملكون افضل الاساليب التسويقيه لكنهم ارضوا عميلهم الموقر.............صب القهوه ياصبي!!!
بعد 4 ايام بالتمام واللحظة تم الاتصال بهم سلام عليكم والا العلوووووووووووووم بدت تختلف وين سيارتي يا اخوان سيارتك اليوم وصلت الشرقيه بحرا؟؟اليوم هو 10/6 وهم قالوا في 8/6 طيب ماشي وبعدين وسوف تحرك غدا 11/6 بعد الكشف عليها تصل باذن الله 13/6 وتستلمها يوم 14/6 طيب مع السلامه مع السلامه.
يوم 12/6 قلت خلني اشوف وين سيارتي الان يمكن بالطايف يمكن بمكه!!ارسلت واحد من اقاربي الى مقرهم بحكم اني خارج جدة وكانت المصيبة انهم قالوا نبشركم ان السفينة اليوم وصلت الشرقية!!!!!!!!!!!!!!!!!!!!!!!!!!!!ياهوه يارجال يمكن انت غلطان يمكن سمعتهم غلط قالوا لي انها وصلت قل دق ولا ترجني.
الو سلام عليكم حضرة فلسطين اقصد توكيلات فرع فلسطين؟نعم؟سيارتي يالربع؟؟ايه ايه السفينه اليوم وصلت الشرقيه وبتحرك بكرة ووووووووووووووووووووووووووووو...............................!!!!!!وسوف تصل السبت ان شاء الله 21/6؟؟؟؟يا اخوان لاحظوا هذا تاريخ وصول سفينة جدة؟؟؟بلعتها وقفلت وانا متنرفز.
لاحول ولا قوة الا بالله.........
السبت الوووووووووووووووووووه توكيلات الخراب؟؟لا يا اخي توكيلات جي ام سي،،طيب طيب وين سيارتي؟من انت؟فلالالالالالالالالالالالالان؟طيب لحظة؟؟الو يا خوي اليوم سيارتك مشت من الشرقية يعني تاصل بكرة!!!!!!كيف تصل بكرة وهي من اول ما تصل الا بعد 3 ايام!!!!يا اخي قلنا لك بتاصل بكرة ونكشف عليها وبعدين نطلع الاستمارة والاثنين تستلمها،،،((طبق)) صوت سماعة التلفون.
الاثنين الي هو اليوم 23/6 علووووووووووووووووووووووووووووووووه توكيلات زفت الطين؟من انت؟انا فزعان بن مشعان؟ابغى سيارتي ياخووووووووووووووي؟؟ايه ايه سيارتك ايه هي بارك الله بيك اوراقها عطيناها مراسلنا للمرور وخلاص بكرة تستلم((طبق))برضه سماعة التلفون.
اليوم الان تحديدا بعد صلاة العشاء وبطريقة ما عثرت على رقم مندوبهم للمرور عن طريق احد المعارف وافاد بأنه لم يستلم اي اوراق بهذا الخصوص وبحث لدى احد اصحابه بالهاتف فأفاد بأن السيارة لم تصل بطاقتها الجمركية الى الان والخاصة بي انا فلان بن علان!!!!!!
الى الله المشتكى من ما واجهت من نصب واحتيال ذلك الفرع وموظفيه.
يا اخوان احد مثلي احد واجه ما واجهته انا وما الحل؟؟
اقسم بالله ليس افتراء او تبلي بأحد ان هذه حكايتي الى الان.فلم اجد متنفس الا منتدانا هذا ولعظة غيري من هذا الفرع.
واخيرا نحن لانطلب منهم فوق طاقتهم ولكن نطلب منهم المصداقية ثم المصداقية،فماذا يضير لو قالوا السيارة ستستلمها بعد شهر من الان؟؟؟
والسلام عليكم ورحمة الله وبركاته
والسلام عليكم ورحمة الله وبركاته
