الفرق بين الكروس اوفر والدفع الرباعي المستمر

بسم الله الرحمن الرحيم

الحمد لله والصلاة والسلام على رسول الله وعلى اله وصحبه اجمعين


طبعا الكل منا يسمع كلمة ( ياخي هذا كروس اوفر مايصلح للبر) :a120(89):


افضل الجيوب الان صارت دفع رباعي مستمر


الحين وش الفرق بين الكروس اوفر والدفع الرباعي المستمر

واحد من اخويانا قال ان الفرق بينهم ان الكروس اوفر يعطي 60% دفع امامي و 40% خلفي

والجيوب الدفع الرباعي المستمر العكس تعطي خلفي اكثر من الامامي وهذا ينفع في طلوع

القصوص والجبال رد عليه واحد من العيال قال ياخي انا معي فورد ايدج وطالع فيه طعس التحدي

قال اتحداك وتهاوشو :emot171:


لين اقنعه بان القصد من كلامه ان الكروس اوفر مو مخصص

(للهيفي ديوتي) على كلام عيال العم سام

يعني عندك الجراند شيروكي رباعي مستمر ويطلع جبال ويمشي برمال ويشق وحول

حتى الادمي مايقدر يمشي فيها من صعوبتها

سالناه قلنا له وش الية عمل الدبل في الشيروكي وهو دفع رباعي مستمر مثل الكروس اوفر

قال لان الكروس اوفر يفصل فيه الدفع المستمر حسب ضغط الكفرات الملامسه للارض

بينما الجيب يعمل على قفل الدفرنسات يعني الكفرات كلها شغاله ماتفصل وزود على هذا

قوة الدفع الخلفي اعلى من الامامي

بصراحه ماقنعني هالجواب



اتمنى مشاركة الاخوه ذوي الخبره في مجالات الدفع الرباعي لان الموضوع مهم جدا ياخوان





والله فيه ناس فقدو حياتهم والسبب جهلهم لالية عمل الدفع الرباعي

منهم اسره سعوديه قضت نحبها في جبال صلاله على لاندكروزر والسبب انه

كان يمشي ورا واحد عماني معه لاند روفر مجهز بدف لوك امامي وخلفي

وكان طالع مكان شديد الوعوره وارتفاع شاهق جدا في جو ممطر

والارض زلقه لما طلع اللاند روفر جا راعي الكروزر يبي يطلع وراه المشكله كان معه عايلته

يعني السياره ماليانه وانزلقت السياره وهوت فيهم تحت بالوادي

الله يرحمهم ويسكنهم فسيح جناته


الامر خطير ياخوان ولابد للانسان يعرف قدرت سيارته ذات الدفع الرباعي

موضوعنا هل الكروس اوفر يعتمد عليه ووشي الية عمله هل هي نفس الية عمل

الدفع الرباعي المستمر في الجيوب ام لا