هلابك أخوي
سؤالك وجيه واتمنى الكثير يستفيدون منه
بالنسبة لسيارات الكروس اوفر .. عادة يكون توزيع العزم في الأمام أكثر منه في الخلف .. وفي بعض السيارات العكس
ولكن اذا جينا نقارنه بسيارات الدفع الرباعي 4×4 .. فهناك فروقات كبيرة
اولها إن سيارات الدفع الرباعي فيها قفل للدفرنس الوسطي .. ما يجعل عزم السيارة للأمام والخلف 50 : 50 % .. وغير هالشي .. فيها سيارات مثل ما تفضلت يوجد بها قفل فرنس خلفي وأمامي
ثاني شي .. نسب القير (Gear Ratio) تختلف كلياً في سيارات الدفع الرباعي والكروس اوفر حيث إن سيارات الكروس اوفر مصممه للسرعة وليست للعزم .. وغير كذا لا تسنى إن سيارات الدفع الرباعي فيها دبل ثقيل . وهذا يعطي قوة جبـّــارة للسيارة
ثالثا شي .. إن نظام تعليق سيارات الـ 4×4 يختلف عن الكروس اوفر .. ويكون قاسي نوعاً ما .. وغير مريح .. ولكنه قوي ويتحمل الطرق الوعرة وما يخرب بسرعة.
وفي حاجات كثيرة بعد .. بس حاب اتركها لباقي الأخوان
تقبل مروري ومعلوماتي المتواضعة
Kenny
