بي أم دبليو 2008 وماشية فوق 100 الف !!!!!!

سيارتي موديل 2004
وتوها ماوصلت 60 الف

ما يوصل 100الف الا راعي السفريات
واللي يحب الفرفرة بالسنة ممكن 50الف
واللي من بيت لين الدوام والماشاوير القريبة متوسط 25-30الف وهو المعدل الطبيعي

السيارة مصنوعة على الأقل لتمشي بها مليون كيلو ... والمشي مايضر السيارة اذ الزيوت غيرت بانتظام والقيادة كانت بالراحة ...
وأنا سيارتي بسنتين تقريبا 120 الف

فعلا إذا دوامك بعيد عن محل إقامتك... أو مغترب بعيد عن أهلك وتضطر تسافر لهم كل أسبوع أو أسبوعين... الممشى هذا توصل له بالراحة...

مثل ماقال اخوي جذاب
هالممشى
يعتبر تمرين للالماني

عموما المشي لايؤثر على السيارة مادام يحافظ عليها

اذا كانت مكائن الأمريكي تقلب عداداتها وماشيه بدون مشاكل.

من باب أولى مكائن الألماني ...فمشيها 100ألف أو 200ألف يعتبر تمرين لها...لأنها توصل المليون بدون مشاكل..

قبل فترة حصلت مرسيدس فئة E موديل 2000أعتقد ماشيه حول 500ألف والسيارة بحالة ممتازة

تقبلوا مروري

يمكن خرجاته كثيره مرة لدرجة انو يلفلف بها

لا تستغربو هذه B M W

السلام عليكم
انا مالكة جديدة لسيارة البي ام اشتريتها من حوالي 3 شهور من الرياض
ومثل ماتعرفون ياشباب السواقة للحريم ممنوعة في السعودية
قمت وشحنتها الي سوريا علشان استخدمها هناك
كم تتوقعون مشيت داخل سوريا فقط رغم ان اطول سفرة عندي لاتتعدى 200 كيلو؟
مشيت فيها خلال الشهرين الي قعدتهم في سوريا 26 الف كم وكنت ما اسمح لاحد من اخواني يستخدمها واخاف عليها من الاماكن المزدحة اللى درجة اني كنت اخذ لموزين واخليها مرتاحة علشان ماتنخدش
يعني انا كان ممكن اقطع100 الف كم خلال اقل من 8 شهور هذا مع العلم ان اهلي مسويين علي حصار وعاديين علي المشاوير
ولا صدقوني كان طقت معاي 100 من اول شهر لان فعلا البي ام سيارة يوم تطلع بيها ماتبي تحول منها ابدا

بعض السيارات تُـشجع على السفر براً لإمكاناتها وتجهيزاتها المُـترفه .... مثال بسيط ( أنظمة الـ DVD في السيارات العائليّه )!

أعرف شباب أدمنوا "مسك الخطوط" بسبب سياره ... :)

بل أعرف سعوديات لديهن خبره في تشغيل أنظمة الـ GPS و على إحداثياتها بل و تحريرها بسبب إدمان أزواجهن على السفر براً ! :emot30:

وشو المشكله لا تنسى الرياض دولة داخل دوله

بعدين مشاوريك اللي تتكلم عنها تلاقي ابعدها طالع السيفوي

ههههه الظاهر ساكني معي وأنا مدري لا ياعزيزي هذا كلام غيري مو كلامي أنا. بعدين اذا سيارتك أخوك ماشيه 90 الف و موديلها 2007 ترى مشيها مايعتبر عادي أنا أعرف واحد يعني ما أجي ولا ربع مشاويره وسيارته 2005 مع ذالك ماشيه 105 الف يعني بتقولي عادي بقولك أنا بالرياض واطلع مشاوير وانت أدرى بمشاوير المتزوج ممكن أنا لأني ساكن بوسط الرياض ولا اطلع جنوب مثلاً كل شيء جنبي لاكن لاتنسى أستخدمها بكل مشاويري. زميلي هذا يطلع من المرسلات للشفا للأستراحة بشكل اربع مرات بالأسبوع غير طلعاته الثانية ومامشى ممشى اخوك.

انا اتوقع ان مافيها اي شئ غريب

انا اخوي سيارته ماشي عليها 90 الف وموديلها 2007


وشو المشكله لا تنسى الرياض دولة داخل دوله

بعدين مشاوريك اللي تتكلم عنها تلاقي ابعدها طالع السيفوي

والله أنا اللي عندي مرسيدس 91 يوم شريت الموتر كان ماشي 119000 ويوم استلمت الطاره في خلال سنه بالظبط و4 أشهر الان مااشيه 170000 بالظبط ..
وش راااااايكم مشي معقول . طبعا ادااوام من البيت للكليه 60 رايح و60 راجع والسفر 400 رايح و400 جاي وكل أسبوعين بعد ..
وش راايكم

اعرفلكم سياره موديل 95 ماشيه 130 :D

شلون ذي 2008 وماشيه 100

هذي الله يسلمك متقاطين فيها 10 اخوان , مخصصينها للسفر , كل مايرجع واحد , ياخذها الثاني ويالله ع الخط

تحياتي :)

عادي انا اعرف واحد باع كامري 2007 ماشيه 250 الف في سنه بس

بس كلها فرفره وسفريات والله الموتر باعه نظيف وما عليه اهم شي المحافظه على السياره