تحية طيبة ومساء أطيب
أخي adh77a :
اعتقد عندك فكرة عن السيارة من مواصفات و شكل ومميزات
واذا ماعندك فكرة كبيرة ياريت تكتب أكاديا أو ACADIA في خانة البحث بالمنتدى عشان تشوف وتقرا المواصفات والآراء والتصويت اللي كان في القسم من فترة .
المواصفات كثيرة والسيارة بصراحة فيها مميزات لاتوجد في سيارات ثانية ولا في البدائل اللي يتكلمون عنها الاخوان .
انا للآن ماشريت السيارة بسبب عدم توفر اللون والمواصفات فل اوبشن وناطر الدفعة الاخيرة ان شاء الله فيها او 2009 والله كريم .
لكني تقريبا قريت و بحثت وايد عن السيارة وعند البدائل .
مجمل الكلام السيارة سيارة استخدام يومي فخمة وبمواصفات واكسسوارات ممتازة لن تجدها كلها في سيارة ثانية . كذلك على الطريق انا جربتها ممتازة والعزل الصوتي تمام والسرعة جدا مريحة ولا تحس بالسرعة عليها .
اي استفسار حاضرين للطيبين .
وشكرا عالموضوع اتمنى يكون فعلا تبادل خبرات وآراء جديدة عن المواضيع السابقة ويشارك فيه ملاّك السيارة ليكون اغنى و اكثر فايدة .
----
اختي دلوعة الرياض :
الاسعار بالتقسيط او التأجير لازم يحسبها موظف الشركة فبعض الوكلاء يقسط لكن عن طريق البنك الأهلي وبعضهم عن طريق الشركة ووووو يعني الامر مختلف وكذلك في التمليك نفس الحال .
يعني صعب نعطي تسعيرة كاملة كذلك لأنها تخضع للمواصفات حتى الفئة SLE مختلفة المواصفات يعني لازم تاخذي سعر السيارة بالاول من الوكالة وبعدين تتحولين لموظف شركة اللي راح تقسط المبلغ ويحسبها على حسب مدة التقسيط المطلوبة وووو هكذا .
عالعموم تقدرين تكلمين وكالات بالبيد لأن عندهم موظفات ان كان هذا انسب لج .
موفقين
مشكور اخوي وما قصرت ان السياراة بعد جربتها ولاحضت كل اللي قلته رساوه وعزل ممتاز
ولكن الموظف اللي في الوكاله قال انا في واحد اخذها ولكن حصل مشاكل من نحياة خروج بعض الاصوات عند السرعات العاليه.
علشان كذا يا ملاك السيارة ارجوكم ردوا على الاستفسارات ولا تبخلو علينا باللي عندكم.
تحياتي للجميع :emot154:
