الباترول والعيوب المصنعية...

الامريكي اليوكن و التاهو ما ينافسه بالخطوط الا اللكزس

كنت اقصد التماسك و الأصوات بالمرتفعات و الجبال بالذات الطائف
الفي اكس آر مديل 98 و كان أهدأ كثيرا و متماسك على المرتفعات و ماله اصوات

شكرا على رفع موضوع صار له أكثر من 6 أشهر :)

بعد أذن صاحب الموضوع

ويشو المريح ؟؟

اللاند مريح في الخطوط ؟ اكثر من الامريكي ؟؟؟هذا يبالها اعادة نظر

ما نقول عن اللاند الا كل خير وانا من وجهة نظري ارغب في الباترول مع كل شي فيه سواء العيوب صحيحه ولا لأ

تحياتي

ليش مو مصدقها

ياناس أللي ماجرب الموتر لا يتكلم عنه اتكلم عن الباث الجديد


اسف اخوي صاحب الموضوع غيرنا الموضوع خخخخخخخ

عجبتني ذالدعايه للباث و حبيت اضيفوه هنا مع اني موب مصدقها :)

الطريف بالامر انني قارنة الاصوات بين الجبال و الشوارع المكسره بين القرقعه مع لاندكروزر 98 فيكسار و تاهو 2007 :smilie6:

طلع اللاندكروزر اقل و اهدا من التاهو و متامسك و خويي قبل اسبوع ضارب فيه مسافه فوق 1000 كيلو و حتى الان ما شاء الله و لا قوة الا بالله و مركبه مريح و شعور القياده ناعم و سلس
لاندكروزر VXR
و ما ادراك مال VXR

تعرف ان اقتناء سياره ما تمر عليها السنوات مدى تأثيره بالذكريات
فما بالك بالعقد الكامل
.
.
.
و ما بعده
to be continued

البترول يعيش ويعزك في جميع التضاريس
بس عيبة والكل يشتكي عليه من شرب البترول يشرب كثير ياخي
ياليت لو النيسان بترول تسوي حل للمشكلة وتوفرة بثمانية سلندر
لكن البعض يقول مايعيش انا لما اروح مكان لازم القى نيسان من الموديل القديم او الجديد
واكثرها بالمنطقة الشرقية بسلطنة عمان
وبالتوفيق

بالنسبه للاسبير العلاق بالجيوب عموما فهو مطلوب

الباترول يجي اساسي ماهو مثل اللاندكروزر اختياري لكن ياخي بامكان نيسان تقلب البيبان الخلفيه مثل اللاند وتخليه شنطة ويظل اسبير علاق لانه موضة البيبان انتهت من ال94

اما فرق السعر يوم اشري موتري ماكنت ابي الا اسبيرين والله انه الفرق كان 23 الف



اما الهربده فكلامك على متمه الجيوب عموما تهربد لانها سيارات كبيره

صحيح كل المواتر تهربد لكن بالنسبه للجيوب اللاندكروزر افضلهم بالتماسك

اتحدى اي واحد معه باترول ماعانى من قرقعة البيبان (( حقين البر والكشتات ))

مادري نيسان ليش مقتنعه في هالباب والمشكله انه خفيف وضعيف
ومعلق فيه اسبير وزنه فوق الـ30 كيلو

عموما نتمنى تلافيها بالموديل الجديد

وكثر من سوالفك يابو عزام فانا واحد من المعجبين بهالسوالف

الباترول ثاني افضل دفع رباعي بعد اللاندكروزر
اكيد هذه تجربه سيئه
مو معقوله كل هذا عيوب مصنعيه

مسامير الثلاجه تجي من برا المكينه في الباترول اشلون اتطيح داخل المكينه وهي اصلا برا؟

ثانيا طرمبة البنزين لو اختربت بعد كرف فظيع شي طبيعي لو اختربت تتصلح او تتبدل

وهذا الشي ينطبق على اغلب السيارات سواء صالون او فورويل

ثالثا لعمل ريستارت لاي سياره فيها كمبيوتر لازم تفصل اصبع البطاريه

وهذا مب عيب هذا اتحصله في جميع السيارات الحديثه وبالعكس هذي ميزه انك تسوي ريستارت بنفسك

رابعا مافي موتر على وجه الارض ما يحترق فيه الكتاوت لان الكتاوت هو نفس الفيوز وظيفته حماية الاجهزه الالكترونيه

خامسا الطبلون وسالفة تغييره اول مره اسمع فيها وموتري ماغيرت له لاطبلون ولا كتاوت ولا ثلاجه ولا براغي ولا طرمبه بترول

ياخوان انا معاي فتك 2002 ماشي ماشاء الله 180 الف

ماصارت لي هالمشاكل المذكور ابدا

لا طرمبة ولا الطبلون ولا مسامير الثلاجة

انا عندي الرجة فقط والسبب سوء استخدام والجنط الامامي عندي فيه مشكلة والرجة بعد تجي وتروح مو ثابته

لا مب للدرجه هذي لكن الاحتياط واجب انا عندي هايلكس وخرب علي اشياء ما اتوقع تخرب باي هايلكس انا اللي اقصده يااخي العزيز انه لوكانت فكرة الباترول في راسك تستطيع استعماله مع تلافي الاخطاء المصنعيه بس اتمنى انك فهمت قصدي.

حلوووة ذي

ادفع 70 او اكثر على موتر

ثم اعتمد على الحظ

عاد تصدق يا أخوي ولد وايل

الآن الموضه البيبان والاستبنه العلاق وصدقني الباترول من غيرها بينقص منه شي

في المعارض الفكسار اللي يجي باب واصطب واقف واستبنه علاق يزيد في سعره من خمسة إلى عشرة آلاف وهو يضحك.

ومشكلة الهربدة هذي من الجور اللي يصير عليه لأن أغلب مستخدمينه يحبون السيارة ويحافظون عليها :) وكل السيارات تهربد،، شخص من الجماعة اشترا هدد 2006 قطري جديد

الآن وبعد سنتين من الاستخدام السيارة معه كلها أصوات (راعي مقناص وما يرحم الموتر)

وخال أولادي معه فكسار موديل 2000 اشتراه مستعمل خليجي نظيف جداً

ومشاء الله كأنه توه طالع من الوكالة ولا تسمع فيه أي أصوات.

وعندك الونيت (الددسن) موديلات 85 الآن وعلى وقتنا الحاضر لو يمر من جنبك واحد يمكن تفجر أذانك من الأصوات والقربعه اللي فيه ومع ذلك تحصل بعضها محافظ عليه وتركبه وكأنك راكب سيارة مستخدمه سنه من الهدوء والسلاسة في ممشاها (زد على ذلك المكيف بارد :) )

طبعاً حبيت أسولف لكي يستفيد الجميع :)

الله يوفقك والجميع

سلام

بالنسبه لمشاكل الباترول كل اللي ذكروها الشباب صحيحه وبحمد الله تم القضاء عليها وترى مو اي باترول فيه كل المشاكل هذي يعني ممكن بعضها وممكن ماتحصل فيه ولا مشكله يعني لاتوسوس ياراعي الباترول لاني اعرف اثنين معهم نفس الموديل 2006 واحد مشى حول الميه الف وما خرب عليه كتاوت الطرمبه ولكن عنده الرجه والثاني مشى عشرين الف وخرب عليه الكتاوت وماعنده الرجه يعني (انت وحظك ) وهي كالاتي :
1- مسامير الثلاجه والحل معها تلحيمها او ازالتها بالكامل (على فكره المشكله هذي موجوده بالباث القديم ويقولون بالالتيما بس ماتاكدت).
2- رجة من 80 الى 120 والمشكله من مساعد الدركسون والحل ترهيم واحد ثاني .
3-طرمبة البنزين والمشكله هي كتاوت الطرمبه والحل تغيير الكتاوت ويفضل تشيل معك كذا حبه وتغيرها بنفسك وسبب المشكله هذي هو التشغيل الخاطئ .
4- الباب الخلفي واغلب الابواب الخلفيه اللي نفس الباترول فيها المشكله هذي والحل موجود مثل ماتفضل اخونا الوحش في منتدى نيسان ارابيا .
هذا مالدي والله اعلم واللي يبي يستفيد زياده ممكن يزور منتديات مكشات ونيسان ارابيا لان عندهم مواضيع تهتم بالامور هذي .
تحياتي .

غريبه هذي العيوب واول مره اسمعها

بالنسبة للباترول ياشباب موضوع إنة يتهربد إنتهى مع موديلات 98 وبالنسبة للعيوب فهي طرمبة البنزين ومسمار الثلاجة يتم تلحيمه في بعض الورش ب 150 ريال وإنسى موضوعة

ياشباب بالنسبه لصوت الباب الخلفي فأحد الاخوان في منتدى نيسان ارابيا سوى موضوع كامل عن طريقه حل المشكله مدعمه بالصور+ الشرح والطريقه سهله جدا تسويها انت بالبيت حبيت اعلمكم ان الي عنده باترول ويعاني من مشكله الباب الخلفي يشوف منتدى نيسان ارابيا
تحيااتي

اغلب العيوب المذكورة سبق اني قريت عنها اكثر من مرة خصوصا في منتديات مكشات
اهل القنص والبر هم اكثر ناس يكرفون السيارات ويكتشفون عيوبها

فيه مشكلة كانت ازلية في الباترول وهي الرجة بعد ال 80 إلى 120 إذا ماخانتني الذاكرة
ماادري حلتها شركة نيسان ولا باقي؟ صراحة تستغرب من بعض المشاكل اللي تستمر سنوات بدون حل لها ...والاغرب من ذلك ان فيه ورش سعودية خصوصا بمنطقة القصيم حلوها تماما ونيسان عجزت عن ذلك !!


عموما هذا لايعني ان السيارة سيئة ...بل تعتبر من أفضل السيارات في مجال الدفع الرباعي والكل يشهد لها..

بالنسبة لمشاكل الهربدة... اعتقد ان هناك اختلاف عليها
ولكني اتفق تماما مع ولد وايل بخصوص البيبان...وجود البيبان يصدر اصوات احتكاك وقربعة وتوحي لك بان السيارة غير متماسكة..يعني الشغلة نفسية اكثر منها شي آخر
لو يتم تغيير البيبان إلى شنطة اعتقد راح تخف شكاوى الهربدة بشكل ملحوظ