واخيرا استلمت التاهو

مبروك عليك الزين، والله يعطيك خيره ويكفيك شره. وبخصوص اللون أنا عندي نفس السيارة واللون ومسجل بالإستمارة رصاصي مثل ماتفضلت يالغالي.

ما شاء الله تبارك الله ولا حول ولا قوة إلا بالله ...
مبروك والله يطعمك من خيره ويكفيك شره ...

الله يبارك فيكم وبحياتكم وشمكورين على الردود الطيبه الي تشرح الصدر يلغاليين

والله اخوي مؤيد باذن الله احط صور الموتر عن قريب والون الي تقصده غير لون الي عندي ازرق على رمادي فل ليل وسمه بموقع شركه شوفرليه بلو جرانيت والحمد الله عدت بلجمارك والله يستر بلمرور بيعدلو الون او يخلوو معني مومقتنع انه رصاصي :c024:

وتوقع والله اعلم سالفه المفتاح انه صابين عليه ولا مستحيل يجي من امريكا تاهو مفتاح مكتوب عليه جي ام سي

ألـف ألـف مبروووووووك


والله يعطيك خيره ويكفيك شررره


بالنسبة للمفتاح ..... ما عندي أي خلفيــة


وإن شاء الله الشباب ما يقصرووون


تحياتي

مبرووووك اخوي .....
الله يجعله فاتحة خير عليك وعلى اهلك
والله يحفظكم من كل سوء .....
الله الله بالمحافظ لا اوصيك .... :)
تقبل تحيات اخوك مشعل

.
.
.
اخوي ,,, الله يباركلك فيه ويطعمك من خيره يارب ويكفيك شره

انا التاهو اللي عندنا ,,,, مفتاحه " شفر " ,,, غريبه عندك !!!

وبخصوص اللون ,,, اتوقع اللون اللي عندك هو Silvar Mittalice الي يقال عنده رمادي معدني !!

في لون موجود فقط في التوكيلات العالمية عن باقي الوكالات ,,, ازرق معدني ,, وهذا متغيّر بين الازرق والاخضر ,,, تقدر تقول " تركواز "

:e058:

اخوي ,, حط صورة السيارة لجل نعرف اللون ,,,

لكن بما انك صدرت السيارة وعدت في الجمارك ,,, اعتقد انك مابتقابل مشكلة في اللون !!

والله اعلم

الله يعطيك خير الموتر ويكفيك شرة وشر عين الناس

الف مبروك ياخوي الله يطعكم من خيرها ويكفيك شرها

ماجلان اجمعين يلغالي والله يبارك في حياتكم يلغالين وشاكرلكم مشاركاتكم الطيبه

بس محد جاوبني على استفساري على الون ابي الي عندنه نفس الون يتاكدلي بلملكيه او استماره مكتوب الون رصاصي نفسي ؟

ألف مبروك ...... أعطاك الله خيرها و حفظك من شرها

الف مبروك عليك الموتر والله يطعمك من خيرة ويكفيك شرة .... غريب السيارة مومضمونة لان ضمان وكلاء السعودية ساري في جميع وكلاء الخليج والعكس ... وهذا مو اتفاقية من الوكلاء بل قرار من GM الام

أخوي أول شيء قلت إنك من المنطقة الشرقية عشان بعض الكلمات (جيك، هم ) بس يوم قلت إنه بدون دبل عرفت إنك من الكويت إنت عارف مافي مناطق صحراوية كثير ..
وبالنسبة للأسعار مستغرب كيف يكون أرخص عندنا منكم ،،،
وفيه سيارات عندكم أرخص مثل الباجيرو كثير حيل أرخص أقل في الموديل التوب بـ1000 دينار..
وبالنسبة للكويت أكيد أصحابي وأحبابي وزياراتي كثيرة الله يخليك ،،،
وتقبل تشريفي لموضوعك وبالتوفيق في حياتك ياعزيزي :)

لوووووووول اشدعوه مبين من كلامي وكلنه اهل وخليج واحد وانا اخوك

لا والله الاسعار عندكم وايد ابرك من الكويت وارخص واكثر اهل الكويت الحين يشترون من السعوديه تاهو ولا يوكن كلهم ارخص من الكويت بس مشكله انه غير مكفول بلكويت لاسباب معروفه حسد الوكيل

وتسلم يلغالي على ردك الحلو وتشرف الكويت يلغالي :)

هههههههه
كفشتك عرفت إنك من أهل الكويت الحبيبة
وصحيح أسعار التاهو هنا أرخص لكن GMC أغلى بعكسكم تماما
الشفر عندكم مرغوب أكثر وحنا عندنا GMC أرغب أكثر
والله يعطيك خيره ويكفيك شره ولاتنسى تسلم لي على أهل خيطان والفحيحيل ، ترى لي عندكم ذكرى لا تُنسى ،،
بالتوفيق يالغلا:)

الله يبارك في حياتك اخوي ماجلان انا شاريه من شركه التوكيلات العالميه الي بلخفجي وصدرته الكويت والكل يعرف انه ارخص اسعار بلخليج السعوديه وفرق معاي بلسعر عن الكويت

أخوي مبرووك أولا
وهل إستلمته من وكالة الغانم وإلا بهباني
والله يعافيك :)

مشكورين والله يرزقكم بلي احسن منه و خير انشاء الله

اي والله انا مستغرب من المرور مكتوب الون رصاصي وبوراق الوكاله هم لون رصاصي ولون الموتر ازرق على رمادي بليل شي غريب الصراحه يليت واحد من الشاب عنده زي لون موتري ويقولي شنو لون سيارته بلملكيه

والشي الثاني المفاتيح بعد ماستلمت الموتر بيوم ولاحض مكتوب على بلاستيك المفتاح جي ام سي لو جي ام كان عادي والمشكله انه الموظف التسليم طلعلي المفتاح مع الرموت مع كتلوج السياره وكان مغلف ومسكر وجيكت على المفتاح السبير هم نفسه هل الشغله عاديه حصلت مع شباب


ومشكورين على المرور والمشاركه يلغاليين وصراحه كلمت صدق انا زاد اعجابي بلتاهو من منتداكم والمواضيع الي استفدت منها قبل شراي :c015: