مــشـكلـتي مـع الجــمـيح

اخي الكريم لا تتعب نفسك ولا تزعل

كل ما في الأمر تحتاج انك تروح لأحد البنشرية اللي لديهم ترصيص بالكمبيوتر

و سوي ترصيص للكفرات
و صدقني راح تنحل مشكلتك

انا معي يوكون 2007 نفس الأمر حدث معي
سافرت انا واحد الزملاء من المدينة الى جدة و عند الـ 120 السيارة ترج بكاملها
فأخبرني زميلي بأن الكفرات تحتاج إلى ترصيص

وفعلاً ذهبت إلى احد الورش الخاصة بالصيانة السريعة و هي من افخم ورش الصيانة السريعة بالمدينة
وفعلاً
تقف بجوار سيارتك و يخرج لك الكفرات واحداً تلو الأخر
و تظهر النتيجة امامك على شاشة كمبيوتر
و كانت النتائج مذهلة حقيقة :)

مافي ولا كفر سليم في الترصيص
كل كفر
حادف يا يمين يا يسار
حالة والله العظيم

بس قمت بعمل ترصيص لها و مية مية فقط لدي احد الكفرات الخلفية اعتقد ان به خلل بسيط من نفس التصنيع
و الحمدلله تم علاج المشكلة
خرجت بالسيارة و بعدها بـ 4 ايام سافرت إلى جدة و اقلعت بالسيارة وليس فقط 120 بل 180 كم في الساعة
و آخر حلاوة
لم اعد اسمع الرجة ابداً
جرب هذا الحل و ان شاءالله سيزول غضبك و همك

و سأطرح لكم انا كذلك موضوعاً مخصصاً كموضوعك عن مشكلتي مع الوكيل بالبيد بالمدينة و جدة .

مبروك السياره اولا
ولاتزعل نفسك هذا الحال عندنا مو بالسيارات في كل شي جديد
المصيبه ان المصنع يضمن القطعه يعني على حساب المصنع الوكيل مايخسر شي يقول انت الي مخربها
يعني اذا تعرف احد بوكاله مو يغير الكفرات القير يشيله ويجيب من شركة جي ام ويركب بداله
ومشكلتك من تخزين السياره مرميه تلقاها بالشمس تتعرض لجميع العوامل الطبيعيه
الواجب وزارة التجاره تطالبهم بمستودعات
زي مانشوف مر جنب وكاله وشوف السيارات كنها تشليح مو جديد على الاقل بركسات عن الشمس
عارفين المستهلك ساكت لايطالب بحقه ولحد بيحميه
والكفرات هذي اذا منتهيه كيف يعرضون حياة الناس للخطر

في قصة بذكرها صارت لاحد الاشخاص مع وكاله كوريه
صلبت الماكينه ووداها للشركه وهي على الضمان
المهم فرقعوا المكينه بيوضبون فرصه يتسلون
صدفه دخل صاحب السياره للورشه بيشوف سيارته ومدري كيف خلوه يدخل غلطوا
المهم راح يصور المكينه مايقصد شي بالتصوير
اختبصوا وراحوا علموا المدير على بالهم بيفضحهم بالنت او صحيفه
المدير اخذ صاحب السياره على جنب وقال بنكلم الشركه ونشوف يعني بيلفه
الشاهد .
اتصل المدير على الشركه ارسلوا مكينه بالكرتون وركبوها قدامه
وركبوها له وهو صاحب السياره مو مصدق وطلبوا الماكينه القديمه
ياخوان أي احد يصير معه مشكله من وكيل لايسكت اقل شي زي ماتفضل صاحب الموضوع جزاه الله خير
اطرح مشكلتك
ندفع قيمة عاليه راضين بس نبي خدمه زي الناس هذي الخدمه ماتليق فيناولاترضينا ولانبغاهاولاترضي الشركه المصنعه الشركه المصنعه مجبوره مثلنا تحمل هالوكلا الغثيثين
انا ماعندي فكره عن الوكيل وش يخسر
لاكن اعتقد بس يدفع اجور العماله والمكان
الدعايه على الشركه والصيانه على الشركه
مو خسران شي وش يخليه مايقدم خدمه تليق فينا

ملاحظه للوكلاء اش الهدف انك اذا ماغيرت الزيت عندهم تفقد الضمان
طيب ليه مسوين زحمه عشان غيار زيت قيمته عشر ريال معقول اخلي سيارتي يوم عشان اغير زيت
خافوا الله بالمسلمين ياوكلاء

تقبل تحياتي

اخوناصرh3 هذا كلام بس السياره البديله دايم يقولولك ماعندنا طالعه مع عميل وعلينا زحمه بعدين اذا كنت تعرف احد يطلعه علطول (اكثر واحد بالعالم عانى من الجميح انا )كرهت سيارتي بسبب العيوب وتعامل الجميح هذا الزفت واذا بغيتوا شي لايردكم الالسانكم (خبره مع الجميح سنه ونص)وعلى فكره تعرفت على الموضفين كلهم من كثر مارجاعتهم وهذا ايميلي ([EMAIL="[email protected]"][email protected][/EMAIL])

عجيب والله هذا الكلام انا مع تويوتا دائما وابدا لم تتاخر السيارة اكثر ساعات في الكشف وبالنسبة لاصلاح الاعطال اليسيرة وفك الراس وغيرها فيومين بالكثير غالبا الا الاعطال التي فيها فك الماكينة بالكامل وحجز المواعيد وادخال السيارة في نفس اليوم او بالهاتف ليوم الغد
فكيف تقولون اخذ الموعد بعد ايام والكشف يستغرق ايام والموظفون غير موجودون الله المستعان

ياشباب انا معي يوكون ة2008 طلعته وسافرت عليه وقبل اسبوع بالبحرين نسم الكفر الامامي المهم عبيته هواء وجيت لان كان عندي تشييك 15000 المهم كلمت موظف الجميح اللي بالصيانه السريعه قالي الكفرات مالنا شغل فيها قلت طيب مضمونه قال لاضمان ولاشي حتى اللي جنب الصيانه حقت الجميح بخريص يوكو هاما مريت عليهم قال جنرال مانصلحها قلت انتم مانتوا تبع الجميح قال الا قلت طيب السياره من الجميح قال لاتعب نفسك شف وكيل جنرال قدام هو نفسه بيرللي والله ورحت ورقعوها وهذي تجربتي مع الجميح المعفن

انا مثلك اول ماطلعت موتري باثفايندر 2008

السيارة ترج... و تبين أن الكفرات خربانة بسبب التوقيف الطويل

و في صيانة الــ1000 أبروح لهم و أخليهم يغيرون الكفرات ان شاء الله

انت بعد الله يهداك غلطان .. تمشي على موتر جديد 120

صورة مع التحيه لزينل وحماية المستهلك ياوزارة التجاره

كلامك عسل وياليت نطبقه
:eh_s2:

كان الله في عونك

اخي رغم اني ارسلت لك الحل على بريدك الا اني اضعه هنا للفائده ولا اسألكم الا الدعاء لي ولوالدي واخي واخواتي بالرزق في الدنيا والاخره



كيف تاخذ حقك كاملا من وكاله للسيارات او وزاره او بنك ....الخ
ارسال برقية للديوان الملكي وشكوى وزارة التجارة والوكيل...
الموضوع سهل جداً ومجرب ...
1- روح لوزارة التجارة واشتك عليهم وتأكد إن خطابك تم توريده برقم وتاريخ معين وخذ رقم التوريد والتاريخ ولا تضيعه ولا ترجع لهم ابد ولا تروح لهم ثانية.
2- بعد 7 أيام فقط أرسل برقية للملك عن طريق الرقم 969 ومن هاتف بيتك .. واكتب إنك اشتكيت للوزارة ولا تجاوبوا معك.
3- البرقية كل كلمة بريال يعني لا تكثر قرق .. لا أنت عندك قروش واللي يقرأ البرقيات عنده وقت...
نص البرقية للملك يجب أن تكون كالتالي:
"خادم الحرمين الشريفين يؤسفنا أن نرفع لمقامكم الكريم الظلم الذي وقع علينا من شركة ........... وكيل سيارات ........ حيث اشترينا منه سيارة جديدة وقد تعطلت عدة مرات حتى ولم نجد لديهم قطع الغيار اللازمة علماً بأننا رفعنا الأمر لوزارة التجارة ولم نجد منهم أي تجاوب .. خادم الحرمين ليس لنا بعد الله إلا أنتم في أخذ حقنا كاملاً من هذه الشركة وأمثالها "
ولعلمك ترى ما تحتاج تمدح ولا تردح بالبرقية ... أصلا الملك ما يشوفها ولا يقراها إلا إذا تكررت أكثر من مرة لنفس المشكلة...
وعموماً شنبي مهب على رجال إذا ما حلوا مشكلتك بس عشان يفتكون من برقياتك...
سألني واحد جربتها ؟
1- مع الغرفة التجارية وخفضوا رسم تجديد السجل من 900 إلى 300 ريال
2- مع البنك الأهلي استرديت مبلغي بسرعة البرق بعد ما اشتكيتهم مع مؤسسة النقد
ملاحظة: لا يمكن تسجن عشان برقية إلا غذا قليت أدبك مع الملك أو ارسلت في أمور ما لك علاقة فيها - مثل ليش ما تفكون الربط بين الريال والدولار - أما مطالباتك بحقوقك فصدقوني سمعت قصص يشيب لها الولدان مثلاً:
موظف في أرامكو كل يوم ياخذ طرف غرفة وينام ولا يشتغل... بعد 5 سنوات نوم رفع برقية إن ترقيته متأخرة .. جته الترقية قبل اخوياه اللي يكرفون...
بتسكتون على حقكم اسكتوا وخلوا الذيابه تاكلكم ... تبون حقوقكم سووا مثل ما يسوي الرجاجيل وطقوا صدوركم للشكالة



اخوك التميمي

اتصل على الوكيل الاقليمي لجنرال موتورز بالامارات

و راح تاخذ حقك و غصبن عن الجميح و اكبر موظف عندهم

و تاخذ سيارة بديلة بعد و هذا تجربة للكثير من المعارف و اصدقائهم

الله يعين
ليش دائم احس اننا مانشتري منهم السيارات
كانهم يتصدقون علينا فيها مو من جيوبنا الدراهم :a120(55):

على فكره اخوي جرب تروح للعيسى وشف وش يقولون

لان الضمان ساري عند جميع الوكلاء

اخوي بصراحة انت غلطااااان يوم تشتريه من الجميح

افشل وكيل سيارات في العالم

عند الحمد لله العيسى تعامل جيد وليس ممتاز لكن مواعيدهم قريبه ( اسبوع بالكثير )

عموما الله يعينك مالك الا توريهم العين الحمراء واتصل على دبي

واحد من ربعي يعرف ولد الجميح

قالي بلسانه انه الجميح سوا مركز الصيانه وجاب مهندسين اي كلام بس عشان ياخذ رخصه الوكاله من الحكومه

انا بس ابي افهم شي واحد الجميح له فتره طويله وكيل لجي ام ليش مافيه تطور

اذا على الزحمه ياخي يفتح مركز صيانه ثاني الرياض 80 كيلو في 80 وش يحسبها حاره وحده

مركز صيانته اللي بخريص مايكفي ديره مثل الحفر كيف بالرياض

سلم لي على العيسى مع انه سيئ لكن على الاقل الموعد تاخذه بعد اربعه ايام بالكثير

لكن الجميح وقلتها قبل فتره ومحد صدقني اخذت موعد معهم صكوني بـ 19 يوم

وبالنسبه للكفرات انا مثلك اول ماطلعت موتري كان مخزن عندهم سنه كامله وكان فيه الرجه من اربعين
المهم بالمختصر مااخذت فلوسي الا بعد شهرين

وانا بنصحك بشي وسو مثلي

اول ماكشفوا على الكفرات من المحل اللي بجانب الصيانه اللي تابع لهم عطوني ورقة انه فعلا الكفرات رايحه فيها

رحت على طول بدلت كفراتي بحسابي وخليت الورقه معي ومريتهم بعد فتره لانه كانت اجازه عيد
المهم بعد ماجيتهم ومعي الورقه جلست فتره طويله الين اخذت فلوسي

اهم شي مثل ماقلت لك اذا عطوك الورقه اللي تبين فيها خلل الكفرات وختموا عليها (( ركز على الختم ))
رح واشتر كفراتك بفلوسك وسافر ووسع صدرك يارجال وبعدها بتاخذ حقك غصبن عليهم اهم شي ورقة تشييك الكفرات لا تضييعها

والله يسهل عليك بس

لكن برضوه لا تنسى تتصل على دبي وتقدم شكوى حتى تتراكم الشكاوي على الجميح الله لا يوفقه لا هو ولا حاشيته من الموظفين اللي ذمتهم وسيعه

أخوي الطريقة تنشرها في أحد الجرايد الكبرى ، وتشهر فيهم بالنت بعد لأنهم ما راح يتعظون لين يتأدبون بهالطريقة،

ولازم تتكلم في الجريدة عن نقطة حماية المستهلك !

ياخوي والله لا تسكت عيب عليهم سياره جديده و يصير فيها نفس ماصار عليك والله لفر المفتاح في وجهم والله واروهم العين الحمرا

والله من امس وانا ادور الرقم

مشكوور يا الغالي

والله لايحرمنا منكم يا الذيابه