صبحكم الله بالخير يا شباب
اليوم مريت وكالة هوندا وتويوتا في الرياض لاستكشاف الأسعار والمواصفات وكان مفروض امر على النيسان بس ما امداني
انا ناوي اخذ سيارة 6 سلندر ومحتار وودي بالجوده والقوة والفخامه المتوسطه والسعر اللي ما يتعدى ال100 الف
اولا رحت لهوندا وكان السعر للأكورد 2008 V6 مخمل 99900 الف ريال ( غاليه ) والجلد 109900الف ريال ( اغلى واغلى )
بعدها رحت التويوتا وكانت النيه على الأوريون لكن تغيرت نيتي بعد معرفة سعرها والمتواجد منها
فقط جراندي بشاشة ملاحة وجلد 105 الف ريال وبدون شاشة ملاحه بس مقاعد جلد 101 الف ريال والمخمل غير متوفر ( استغربت بأنها اغلى من الأفالون XL )
الأفالون ليمتد ب 119750 الف ريال وافالون XL ب 100750 الف ريال
وكان ودي اعرف سعر الالتيما V6 بس ما رحت لهم لكن اعتقد انه ب 95 الف ريال
انا ودي بالهوندا بس سعرها مبالغ فيه
والأوريون صرفت النظر عنها شكلها ما عجبني وسعرها غالي بعد
الأفالون عجبتني وخصوصا ال XL رغم انها اقل فخامه من الليمتد واكسسوارتها اقل لكن فرق السعر مغري بصراحه والأهم بالنسبه لي المحرك وهو نفسه في الفئتين
الألتيما الكل يمدحها ومعروفه بقوة محركها وتجهيزاتها وهي افضلهم في السعر لكن انا متعقد من الوكاله من تجربه سابقة كرهتني في النيسان كله
وش تشورون علي اتمنى ارائكم وما استغني عنكم
ومشكورين مقدما
