إلى كل من يركب الزينون و يجهر الناس الا تخاف من دعوة الناس عليك!!!

صحيح الزينون اللى اكثر الناس تستخدمه مكتوب عليه(تحذير صحي: قد يتسبب في حوادث و مشاكل ومخالفات وطق نعل .. تركبه على مسؤليتك) ..... بس الاحظ انه بعظ الناس تركب زينون محترم واحسه اضائة عادية يمكن بسبب العدسات او شي من هالقبيل وعلى فكرة يا شباب اللي بيحط زينون يحط اصلي ولا لا يحط لان الاصلي اضمن و انارته افضل وما يأثر على العين نفس التجاري وينفع وقت الضباب عكس التجاري اللي يزيد الطين بله وقت الضباب والغبار شخصيا احب الزينون اللي يجي اصل السيارة .... وانا ما اشوف سيارة يحطون بها زينون الا اذا بها عدسات .وهذا تحليلي

أخوي الغلط مو ع الزنون
لأن حتى العالي العدي(لمبات صفرة) برضوا تضايق الناس إلي قدامك
مجرد وجهة نظر ...........تقبل مروري

قبل فترة شفت واحد من العيال جايب اسلاك ومسوي اختراعات سألته ايش تسوي بالسيارة قال لي

باركب زنون على الريوس :a120(89): علشان اللي يكبس علي اوريه شغله ...

والمشكلة ان الولد نحيف لو تهاوش هو وواحد عبيط :a120(55): يمكن يروح على اقرب مستشفى :smilie6: ..

تحياتي ...

بعض الشباب الله يهديهم يركبون الزنن للفشخره وانا اقول ان الزنن ينفع في خطوط طويله مو يعمو الناس

الحمدلله انا مو مركب زينون الا في الكشافات ونادرا اشغله

اي والله مزعجينا مره

لا وحتى الكبوس زنون يزعج العالم تتعب معهم والله
لاتعطيهم وجه وخلهم بحالهم
الظاهر هم يحسبونه كشخه
والتقليد هذا مب زين على السياره واسلاك الكهرب
الله يهديهم

انا بالنسبه لي والله العظيم كل ما اشوف واحد مركب زنون ازرق يعمي اقول الله يعميه ان شاء الله
اسغفر الله بس والله انه يرفع الضغط

اذا بتركب ركب اصلي ولا على الاقل اوزن الانوار شوي

اخوي ما عليك شف سوي مثلي ركب زنون والي يعميك اعميه وكذا تكسر عينه غصب عنه واذا وقف ويبي يتهاوش معك تكون انت يا طويل العمر مجهز في السيارة العصا السحرية ضرورية لكل سائق لن فيه ناس ما تفهم غير فيها وتفيد بعد انها تبعد عنك بعض التكارنة الي يسرقون السيارت

يقول المثل

ناس تخاف ماتختشيش

اللي يعميك بأنواره حاول تنبهه لانه يمكن يكون مايدري واذا مانفع معه التنبيه وقفه على جنب وتفاهم معه

والله أنا من الي يدعون على اللي يزعجني بالزنون
لأنه ما عمل أي حساب للشخص اللي جاي قدامه ينزعج أو ينحرق أو يموت مو مشكله أهم شئ يركب زنون و (يقطب) السيارة.
حسبي الله على كل شخص مركب زنون بشكل مزعج ويقولك قطب (قطب في عينك).
أخوكم خالد

والله الصراحة أصحاب الزينون ياخذو دعاوي كثييير الله .....

الزينون في عيب شرعي من واقع تجربه انه مايفيدك ولا يسوى قرش في حال وجود


ضباب او عج عاصفه رمليه بالليل

هههههههههههههههههههه
انا معي كبس اصرف من الليزر الاخضر :emot96:

بالنسبه للشباب اللي يقولون انه افضل للخطوط

لماذا لا تستعمله مثلا قوات الدفاع المدني اثناء البحث في الليل بل يستعملون الانوار الصفراء
في الضباب ينعكس الزينون ولا يستطيع اختراق السحاب بينما النور الاصفر العادي يخترقه و لا يعكس عليك
اذا تبغى تقوي النور الا صفر خذها مني
كتاوت+اسلاك اكبر+شمعات ذات قوة اكبر وصلى الله وسلم

و فعلا مزعجين لدرجة انني اشتريت الليزر الاخضر حق الملاعب معي في السياره اذا ما نفع معه (و يا كثرهم)التكبيس العادي احطه في عيونه و البادي اظلم

تحياتي

السلام عليكم ورحمة الله وبركاته

معك حق ... لمبات الزينون يؤذي أعين السائقين .. خاصة لأن الزينون لا يمكن ضبط قوة إشعاعه ...

أنا لدي سيارة له إضاءة عادية ... لكن الإضاءة المنخفضة يُخشى عليّ أن يقبض عليّ الشرطي لقّوته ... فكيف إذا وضعتُ الإضاءة على العالي أو استخدمت الزينون ؟؟؟؟

والله الزنون لابد مـنه بالخطوط
لكـن لازم الواحد ينتبه
يعني ما يطنـش المواتر اللي قدامه وهو كابس العــالي