السلام عليكم ورحمة الله وبركاته
قريب لي صدم بسيارته اللاند كروزر صدمه خفيفه ( داقش دينا مع الخلف وهو يمشي عشرين ) ولكن موقعها مزعج في زاوية المقدمه فوق الاسطب الكبوت مع الرفرف وشكل الصدمه خلى السياره بشعه !! وهو الحقيقه كان ناوي يبيعها قبل الصدمه بيومين والآن يقول إذا سمكرتها بالورشه وصلحوها يبي يطيح في قيمتها كثير لأن المشتري يتوقع ان الوجهية معدومة !!!
ويبغاها تكون واضحه ان الصدمه خفيفه
هل تعرفون احد بالرياض يعدل ويصلح الصدمات بدون دهان ومعجون وقلق ؟
فيه واحد ذُكر لنا بالقصيم يقولون انه فنان وشغله مزبوط لكن المشوار كايد للقصيم
لاتبخلون علينا الله يرحم والدينكم إذا تعرفون معلمين بالرياض يصلحون ويعدلون بدون سمكره وبويه
ولكم خالص الشكر
