كيف اعرف ان البطارية شارفت على الانتهاء ؟

A L H A M O O R @user_17724 · 19-09-2008

السلام عليكم

ياشباب كيف اعرف ان البطاريه قربت تخلص ؟

هل فيه علامه واضحه

وهل عداد البطارية اللي في الطبلون له فايده ولالا؟ لاني دايم اشوفه على رقم 14

مع العلم ان البطاريه لها 2 سنة على السيارة

taalloo @user_105603 · 25-09-2008

على حسب نظافة الدينمووو كهرباء السيارة

<نمر> @user_17936 · 25-09-2008

العداد الي في الطبلون يفيد في تحديد ضعف البطارية
اذا كان ينزل مرة اثناء التشغيل فالبطارية فيها ضعف

المشكلة الان البطاريات بالذات الجافة تنتهي فجاءة
تشغل و تمشي من احسن ما يكون ثم توقف في محل نص ساعة ترجع تشغل ما فيه امل
و الـ ACdelco بالذات غيرت كذا بطارية و اللمبة حقتها خضراء
عمرها سنه و شوي
بالتوفيق

نـاصر @user_80714 · 24-09-2008

اذا صارت اي سي ديلكو ..

فيها لمبه تعلمك وش تحتاج ..

والغالب من سنتين الا 4سنوات

GM_TAHOE @user_23867 · 24-09-2008

والله البطاريه اللي كانت بسيارتي ( اللي جايه من الوكاله )
كملت 3 سنوات بعد ماكملت الثلاث سنوات بدأت تضعف في التشغيل
عموما عمر البطاريه بحدود من سنتين الى اربع سنوات كحد اقصى

وسـيـم @user_104485 · 24-09-2008

والله أنا مثلك مو عارف

بس اللي ملاحظه اني لما اشتري البطارية الجديدة يقولي البنشري

هذي بطارية لمدة سنة وهذي لسنتين وهذيك تمشي معاك 3 سنوات بدون اي صيانة

يعني السالفة انواع

drive @user_66424 · 24-09-2008

تلاحظ بداية الانحدار اذا صار تشغيل السيارة ياخذ وقت اطول من قبل

يعني اول بس تفر المفتاح تشتغل
وتالي تظل ماسك على المفتاح شوي حتى تشتغل السيارة

أبـــوبـــدران @user_19528 · 19-09-2008

ياهلا ومرحبا اخوي ابراهيم . .

اسهل طريقه/ تروح اقرب محل بطاريات وكفرات ويقيسها لك بجهاز عنده

ويقول لك , تمشي ولا لا . ,

.
.

:)