بــشتري سيارة ومحتار بين هالسيارتين (من استشار ما خاب) PAJERO - TOYOTA FJ

تنقطع كما سوف ينقطع اليوكون والتاهو وغالباً كل الشركات في امريكا ستنتهج نفس النهج، مثل الأرمادا، باث فايندر، إكستيرا. لكن ميزة الإف جي أن له مصنع في اليابان أيضاً، حيث يتم إستيراده إلى الخليج من اليابان وليس من أمريكا. يعني إللي رح يوقف هو مصنع أمريكا وليس اليابان.

الظاهر تويوتا ما يهما كم شخص حبوا السيارة خلاص علشانهم راح تستمر في الانتاج هم عندهم سياسه يتبعونها ومخططات وارقام يمشون عليها اذا مشت معاهم هذي الارقام استمروا والصراحة غريبة تويوتا تقطعه فيه اسباب غير اسعار البترول طيب ليش نيسان ما تقطع الاكستيرا لكن يبدو ان الاكستيرا ما عطاه فرصه مع جيب رانجلر

وازيد على كلامك اخوي الخل الوفي ان حتى في امريكا في منتديات الف جاي قاعدين يرسلون ايميلات التماس عدم القطع من الاسواق موضح فيها الطريقه و الصيغه و وسائل الاتصال بمن يهمه الامر في تويوتا حتى لا يحصل الانقطاع ( من زود الحب ) :eh_s1:

البرادو الربع السته سلندر هو البديل المناسب للاف جاي لمن يبحث عن الاناقه

اذا انت بالامارات انصحك بالبرادو الربع سته سلندر ( هذا اذا كان يجي سته ) لانه يشارك الاف جاي بالشاص و المحرك 4.0 و فعلا اكثر اناقه من الداخل

لكن المكينه ال 3.0 حقت الباجيرو ما انصحك فيها " مكينة السنتافي السته سلندر من 2001 - 2004 V6 2.7 " مطابقه لها مع اختلاف السعه فقط . كانت مزعجه و لها حنه وصوت

اما ال FJ ماشاء مكينه بطله مافيها نقاش لكن الداخليه بتتعود عليها ولا تنسى انك ممكن تعدل عليها بعد


لا تستعجل وترى الباجيرو الربع حلو جدا بعد و الاحلى لو جا بمكنيته الثانيه القويه اعتقد سعتها 3.8 وهي بتكون ممتازه بإعتقادي على حجمه واكيد

انا من راي انك تدور لك لاندكروزر جي اكس ار 2006 تلقى واحد نظيف بـــ130 الف.كانك تبي جديد الاف جي ممتاز لكن الناس يفضلون الباجيرو

يا بن الحلال اذا انت مجرب الميتسوبيشي فخلك على اعجابك فخامة داخلية يكفي ان المراتب مكيفة ومظهر خارجي جميل

وصدقني الأف جي من السيارات اللي ينمل منها بسرعة مثل الجولات

واذا تبي توسع خياراتك وتدفع 130 الف عندك نيسان اكستيرا نيسان باثفندر
وعندك تويوتا برادو وعندك فورد اكسبلورر وفورد ايدج وعندك الهوندا بايلوت او مازدا سي اكس 9
وعندك فلكسواجن طوارق بس ما ادري عنه سعره

الاف جي فتره وينتهي موضة السنه على ماقالوا :)

ولفئة معينه وهي الشباب بس ..والشكل الصراحه مو ذاك الزود <<وجهة نظر

وطبعاً من مميزاته هو انه تويوتا يعني قطع غيار ارخص وسيرفس افضل <<<مدري عن السعوديه

الباجيرو الصراحه اشوفه افضل شكل ومواصفات وداخليه وفخامه ...وللكل يعني يصلح شباب

ويصلح رسمي ويصلح عائلي ويصلح للبر وكل شي مو بس فئة وحده ..بس لو تخذ 3.8 افضل

بترتاح اكثثثر من 3.0 بالذات بالسفر والخطوط ..اخوي الخل الوفي مكينة الباجرو المنيوم وليس حديد :)


وبالتوفيق اخوي بأختيارك ...


مع التحيه اخوك عاشق العباره

أخوي مشكلة الباجيرو 3.0 هو أن محركه ضعيف. لو كان 3.8 لتر خذه بدون تردد. لكن لو كان 3 لتر لا تاخذه، حيث أنه يكون بدون تراكشن كنترول ومحركه ضعيف جداً.

إف جي كروزر ممتاز جداً وقوي جداً أقوى من الباجيرو (مع أن الباجيرو 3.8 الجديد من ناحية الأرقام أقوى) 3.8 وأعلى في العزم وأفضل في صرفية البنزين ومحركه ألمنيوم وليس حديد مثل الباجيرو ... لكن ينقصه شيء من الفخامة.

أخوي أتلانتس الإلغاء سيكون للسوق الأمريكي فقط بسبب ارتفاع سعر البنزين هناك، وليس لجميع الأسواق. لا أتوقع إلغاؤه في باقي الأسواق.

خذ برادو ربع بابين، إذا تبغى فخامة.

من العايدين ومن الفايزين ان شاء الله

باجيرو اربع ابواب 3.8 فل اوبشن عليه عرض بـ 129 الف ريال


ما دام انك راعي خطوط خذ لك باثفايندر الفئه SE بـ 112 الف ريالمريييييح جداً ب
س يستهلك بنزين اكثر من الباجيرو

اما اذا رغبت بساره اصغر فعندك الراف فور 4 سلندر سعره بـ 89 الف ريال

اخوي الباجيرو 3.0 ماممتازة وثقيل
اذا كنت ناوي افضل على 3.8 واذا كنت من السعودية روح صدر من الكويت لانه ياتي بمواصفات احسن عن السعودية وارخص وانا افضل انك تاخذ اربع ابواب لانه في المستقبل راح تفيدك اذا تزوجت وجاء عندك اولاد ويكفيك بانظمته مثل الزينون والثلاجة والثمان وسائد والفتحة الكبيرة والشاشة والخ..
والاف جي سيارة شكلها مو الى هناك وتفتقر من الفخامه
وانا ارشح لك الباجيرو 3.8
والالوان الحلوه للباجيرو اللؤلؤي والذهبي
وطبعا الرقم واحد لايختلف عن السبيشل الا انه السبيشل(الفئة الذهبية)ياتي بشعار ذهبي+شاشة دي في دي بديل للفتحة والشاشة والله اعلم
وبالتوفيق

الحين وضعت خيار أفضل من الجميع وهو الباجيرو.

أنصحك بإقتناء باجيرو فل كامل باب واحد ..وكذلك اللون اللؤلؤي أفضل الألوان

ومواصفاته تفوق الخيارين المطروحين..ومحركه حسب تجربة ملاكه رائع جدا

بالتوفيق

ما دام متعود على المستوبيشي فنصيحتي لك لا تبعد عن الباجيرو

وما دامك عزوبي خذ ربع وإن شاء الله الأخوان يفيدونك بخصوص المحرك

الله ييسر أمورك ويوفقك بالسيارة الزينه

سلام

اول كل شي كل عام وانت والاخوة اعضاء المنتدى بصحة وعافية
ثانياً ومن تجربة شخصية أبعد عن الاف جي كروز

واما بالنسبة للباجيرو فترى الفل اوبشن وكالة بحدود 135 ألف ريال ومواصفات داخلية خطيرة ودفع رباعي ولا احلى بس المشكلة بقطع الغيار الغالية جدا وسعرها لجيت تبيع يطيح للنص
البرادو افضل من الاثنين والاختيار لك

رأي مثل ما قال اخوي atlantis

اخذ لك باجيروا باب واحد

باجيروا افخم واجمل وما هو معروف عليه انه قوي

اما فاطمة جلال ( FJ ) المعروفه عندنا بهذا الاسم ليست جميلة من الداخل

شاكر لك اخوي

الاف جي راح يتم الغائه وهذا النوع لفتره محدوده

اما الباجيرو توه متغير شكله وراح يتغير بعد كم سنه,,

الباجيرو باب واحد افضل لك

cx9 مازدا جداً ممتازة لكن داخل المدينة فقط

cx-9 مازدا

المشكلة اني انا معجب بالباجيرو وانا من يومي ما اسوق غير الميتسوبيشي
لكن المشكلة ماعرف اذا المحرك 3.0 يتحمل وزن الباجيرو ويعطي قوة بنفس الوقت