احترنا يالومينا

حلم @user_20900 · 06-10-2008

منذ اطلالتها الاولى في الخليج وهذه السياره ما زالت ترسم علامات الحيره؟؟

المقصود طبعا ( اللومينا )=( هولدن)

انقسم الكثيرون الى مؤيد حتى الجنون

والقسم الآخر لا يطيق حتى سماع اسمها

حتى في هذا المنتدى تجد الدرود متطرفه جدا

البعض يمدحها لدرجة تجعلك تعتقد انه يتحدث عن الانفنتي او اللكزس

والبعض يذمها حتى تخاله يتحدث عن دتسن 79 مصدوم ومسمكر عند عليمي

المهم انا في استراليا الان وسيارتي هي هولدن كومادور = لومينا s

واحد اصدقائي اماراتي نفس السياره والاخر لومينا كوبيه

جميعنا اتفق ان هذه السياره مختلفه عن ماهو موجود في السعوديه فالحقيقه انها سياره يعتمد عليها هنا وغير مؤذيه ولايوجد بها تفكك في الديكور ( مثل ما ذكر احد الاعضاء)

المكيف جيد

صرف البنزين معقول

الرساوه جيده الى جديه جدا

احد اصدقائي كويتي قال ان العيب في الخليج ليس في السياره انما في وكلائها

صراحه انا محتار ؟؟؟ اصدق اي معسكر

شاركونا برأيكم بعيدا عن العواطف

شارك بتجربة شخصيه او تجربه شخص تعرفه مباشره, مشاركات وحد قال لي عن واحد يعرفه لن تزيد شيئا وتصنف من الاشاعات

عموما سيارتي موديل 2000

ومعلومه اضافيه لمحبي المعلومات

في استراليا هي هولدن
كندا بونتياك
الخليج والشرق الاوسط لومينا شفروليه
البرازيل اوميجا

ابو نادر @user_109111 · 20-10-2008

اي والله لاني ودي بلومينا ال اس :eh_s1:

المعسل @user_120394 · 20-10-2008

:emot96: يعني نتوكل علي الله:emot96:

حلم @user_20900 صاحب الموضوع · 20-10-2008

ختاما

الردود التي مدحت السياره بناء على تجاربهم كانت ( 10 )

الردود التي ذمت السياره بناء على تجاربهم كانت ( 8 )

اغلبيه بسيطه جدا رجحت ان السياره جيده

في الاخير عرضت كل الردود على صاحب ورشة لها باع في اللومينا وكان رده كالتالي
+++++++++++++++++++++++++++++++++++++++++++++++++++
[COLOR=#ff6600]قريت الموضوع امس حرف حرف[/COLOR]
[COLOR=#ff6600][/COLOR]
[COLOR=#ff6600]واقولك ان كلهم صادقين اللي يمدح واللي يذم[/COLOR]
[COLOR=#ff6600][/COLOR]
[COLOR=#ff6600]اللي يمدح لو يسمع طقه في الموتر على طول يصلحها فما تخرب معه السيارة[/COLOR]
[COLOR=#ff6600][/COLOR]
[COLOR=#ff6600]لكن اللي يذم ما تخرب سياراتهم إلا من إهمالهم يسمع صوت وما يلتفت له الين توقف السيارة[/COLOR]
[COLOR=#ff6600][/COLOR]
[COLOR=#ff6600]وفيه واحد من الردود فصّل الخرابات اللي ممكن تصير وإذا ما تلاحقتها أكيد يكبر العطل[/COLOR]
++++++++++++++++++++++++++++++++++++++++++++++

اضيف كلمه من عندي

من ذكر ان اللومينا لا تملك شعبيه فه مخطيء

هناك موقع عربي خاص لمحبي هذه السياره ونقاشات وتجمعات واشياء كثيره

مثل هذه المواقع تدل على محبه وشعبيه ليست بسيطه للسياره

اشكر كل من شارك في الموضوع واثرانا بتجربته

حلم @user_20900 صاحب الموضوع · 18-10-2008

يا اخوان الموضوع ساعطي الخاتمه فيه غدا

عشان يصير حوارنا موضوعي وله هدف

فمن اراد ان يضيف شيئا قبل الخاتمه والاستنتاجات فليتفضل او غدا اعطيكم النتائج ورأيي المتواضع في الموضوع

شاكر لك من شارك او سيضيف مشاركه

حلم @user_20900 صاحب الموضوع · 16-10-2008

مشاركه رائعه يا romaunce

كلامك واضح وصريح

اعجبيتني عندما ذكرت استخدامك الحقيقي للسياره

لان بدون ما شكك في ذمةاحد

معظم الردود كلهم ماشاء الله سواقتهم هاديه ولا هم راعيين مشاوير ورجولهم خفيفه على السياره

اخلص من كلامك الى ان السياره لا تنفع لمن يمسك خطوط كثير او راعي سفريات

ومن ذكر صيانة العيسى والجميح

اشكره فقد اوضح نقطه مهمه جدا في الموضوع الا وهي دور الوكيل

ibrahim20 @user_42894 · 15-10-2008

عندي لومينا 2006 LS ماشيه تقريبا 102500 كم تقريبا

الصيانه مهتم بالصيانه دوريه واخر صيانه 80000 كم وكلها بالوكاله التوكيلات للسيارات

مشاكل الى طلعة عندي حتى الان اسئل شباب منتديات ومايقصرون مع اني مارحت مكانيكي

1 - القير ومشكلة التاخير او سماع حنة بين النمره

اذا حسيت بان القير يطول بالنمره او بديت تسمع له صوت مثل الحنه خصوصا في النمرة الثالثة

او الثانية فهذه بداية احتراق الكلاتشات واذا طولت اكثر واكثر راح تحترق كلياً ووقتها السيارة ماراح

تصير فيها الا نمرتين بس الاولى والثانية

2 - صوت تك تك تك يطلع احيانا اذا كانت السيارة واقفة او باردة وفجاه يروح :

طرمبة الزيت عندك ضعيفة ولاتضخ زيت الى اعلى المكينة فاحسن شي انك تتلاحق نفسك وتغير

الطرمبة قبل لاتوظب مكينة او تغير شغلات ثانية

سعر طرمبة الزيت الاصلية من 400 ريال الى 600 ريال

3 - تسمع صوت مزعج اثناء المشي او الانعطاف:

مثل ( ووون ووووون ووووون ) يزيد الصوت على حسب السرعه او تسمع بشكل ملحوظ اذا لفيت الى

جهة معينة مثلا يمين او يسار هذا من برنق الجنط وسعر الواحد الاصلي 600 ريال هو عموم واحد

يخترب مايختربون الاثنين مع بعض الا نااااادر

4 - البريك مايمسك بقوة وتحس انه ضعيف وتسمع صوات هواء اذا دعست بريك ورجلك تروح لداخل

اكثر مع ظهور علامة تيشك انجن احيانا واحيانا ماتطلع :

اذا كان المشكلة كذا هذا عندك الباكم تعبان ولازم تغييره

وسعره حوالي 500 الى 550 ريال اصلي انا شريت واحد لكن من فترة طوويلة

الباكم هو القطعه السوادء اللي موصول فيها علبة زيت البريك

تحصلها قريبة مرة من الطبلون ولونها اسود وهي شكلها دائري كبير

5 - صوت ضجه او السيارة ترج بشكل قوووي خصوصا وهي واقفه

هذي المكشلة غالبا تكون من كراسي المكينة يعني عندك الكراسي تعبانه والله لايهينك تغيرهم

سعر الكرسي الواحد فيه انواع من 100 ريال الى 250 ريال تقريبا ( الاسعار غير اكيدة 100 % )

طبعا رجه او ترج السياره قليل مودايما

للأمانه منقول من عضو منتدى اخر سئلة عن بعض مشاكل الى عندي وماقصر بيض الله وجه

طبعا بعض الاخوان يقول من استخدامك بالعكس انا رجال فرفرتي بشوارع قليله

بس راعي خطوط من الشرقيه الى الكويت اوالبحرين

الشرقيه الى الغربيه

من الشرقيه الى الشمال او سوريا والاردن

طبعا شوارع كلها حفر صغيره وكبيره

بصراحه ماانصح احد يشتري لومينا وكابريس

يعطيكم العافيه

عامـــر @user_20175 · 15-10-2008

ح

حلم

الاخ دايم الشوق

اشكر مرورك وطرحك الهاديء

انا لست هنا بصدد الدفاع عن لومينا ابدا....

طرحي للموضوع محاوله لقياس تجارب الناس مع هذه السياره والوصول لرأي الاغلبيه في استخدامهم لها

اما في ردي عن جودة هولدن في استراليا ....

استراليا قارة كبيره والمناخات متعدده فيها فمدينتي حاره صيفا وشمسها حارقه ( جدا جدا )
ام شتاء فبارده الى معتدله
ولكن نقاشي حول ادائها في السعوديه والخليج

وفي رد على من يقول عمر السياره من 10 سنوات او هذا هو متوسط عمرها

هذا الكلام قديم معظم السيارات الان متوسط عمرها بين 5 و 7 سنوات ويعطيها العافيه

نعم يوجد استثناءات مثل المرسيدس واللكزس والهايلكس والددتسن

++++++++++++++++++++++++++++++++++++++++

نعود لموضوعنا.......

الاخوان اللي مدحوا السياره ....هل كان للوكيل دور ؟؟

يعني هل الصيانه كانت لدى الوكيل؟؟؟؟

البعض يرى ان عيب السياره في الوكيل

نفس السؤال لمن ذم السياره

صيانة السيارة لدى الوكاله

1000

5000

10000

15000

وبعدها نصحني زميل لي في العمل معه لومينا قال لي غير الزيت برى بدل
ماياكلونك الوكاله ... واتبعت كلامه والحمدلله ماشيه الأمور معي زي العسل.

انا مطلع سيارتي من العيسى واعتقد انه لايقارن مع الجميح.

طبعاً الجميح انا ماتعملت معاه ولكن كل السيارات اللي عندنا بالعمل لومينات
وكوابرس , احيان يودونها صيانه ولايغير الجميع شي وترجع كذا سياره لنفس
السبب علشان يسوي صيانه لانه ماسوا , هذا وهم ماخذين منه اكثر من 20 سياره
يسوي كذا وشلون اجل اللي عنده سياره وحده.

حلم @user_20900 صاحب الموضوع · 14-10-2008

طيب ممكن نحول النقاش الى منحى آخر

هل للوكيل دور

هل تختلف المواصفات والسعر من وكيل لاخر؟؟

هل يختلف ضمان الكيلومترات ؟

هل تختلف الصيانه ؟ وكذلك اسعر قطع الغيار؟؟

نسيم الريح @user_113720 · 11-10-2008

تريدون ان تعرفوا عن 2007 فيها مشاكل أو لا" 2000 2001 2002 2003 2004 2005 2006 كل هل مديلات بانت مشاكلها ولحين حاطين أمل على 2007 إصبروا عليه شوي وبشوفوها نفس المديلات السابقه

الكل يدري أن فيه قطع غيار أصليه وقطع غيار تجاريه
الومينه سياره تجاريه والفائده منها في بيع قطع غيارها

لازالت هناك سيارات شفر قديمه من 1975 لازالت تمشي في الشوارع إلى اليوم هناك شيئ أستغنت عنه بعض الشركات
[COLOR=red]وهو الجوده [/COLOR]

وسأقولها صريحا سيارات هونداي أكثر جوده من الومينا
:emot50:

ابو نادر @user_109111 · 11-10-2008

د

دايم الشوق

هلا بالغالي ابونادر 00 يعجبني الحوار معك لانك محاور هادئ ولكن نفسك طويل

اخوي واضح من ردودك ومواضيعك انك وقعت في شراك حب اللومينا فأصبح لديك قناعة تامة بها لدرجة أنها تحول دون رأي المعارضين لها 00 يعني وصلت درجة العشق فلا تسمع فيها ابداً وتحاول تقنع نفسك بها مهما كثر الهرج والمرج فحب اللومينا قد تمكن في قلبك وعشعش 00 فأنت لا تطرب الا مع كلام المؤيدين 00 ولو انك فيك نزعة تردد بسيطة تريد ان تكسرها لتقدم بشدة على شرائها وهذا ما اتضح لي من ردودك

ولسان حالك يذكرني بالبيت الذي يقول فيه الامام الشافعي

وعين الرضى عن كل عيب كليلة 00 ولكن عين السخط تبدي المساؤا

لذا انصحك نصيحة المحب انت بتلف وتدور وبتسأل وبالاخير بتاخذها 00 وانا اقول لك من الان توكل على الله وخذها وخل عنك كلام الناس لانه في مثل حالتك من العشق الكلام مايقدم ولا يؤخر 00 والله يطرح فيها البركة والتوفيق ومبروك مقدماً ومنك المال ومنها العيال خخخ

تقبل مداخلتي يا الغالي بصدر رحب

دمت بخير

خخخخخخخخ :eh_s1:
والله انك خطير
:e058:
انا مابي اخذ سياره الا بعد مااتاكد منها 100%
وش رايك اني من بدايت الصيفيه وانا محتار وش اخذ :a120(89):
لكن اكثر ماشدني اللومينا
ويمكن بعد كم يوم اشوف لي سياره ثانيه :e058:
لكن مع ذلك ماني ماخذ سياره الا بعد التاكد التام

دايم الشوق @user_18102 · 11-10-2008

هلا بالغالي ابونادر 00 يعجبني الحوار معك لانك محاور هادئ ولكن نفسك طويل

اخوي واضح من ردودك ومواضيعك انك وقعت في شراك حب اللومينا فأصبح لديك قناعة تامة بها لدرجة أنها تحول دون رأي المعارضين لها 00 يعني وصلت درجة العشق فلا تسمع فيها ابداً وتحاول تقنع نفسك بها مهما كثر الهرج والمرج فحب اللومينا قد تمكن في قلبك وعشعش 00 فأنت لا تطرب الا مع كلام المؤيدين 00 ولو انك فيك نزعة تردد بسيطة تريد ان تكسرها لتقدم بشدة على شرائها وهذا ما اتضح لي من ردودك

ولسان حالك يذكرني بالبيت الذي يقول فيه الامام الشافعي

وعين الرضى عن كل عيب كليلة 00 ولكن عين السخط تبدي المساؤا

لذا انصحك نصيحة المحب انت بتلف وتدور وبتسأل وبالاخير بتاخذها 00 وانا اقول لك من الان توكل على الله وخذها وخل عنك كلام الناس لانه في مثل حالتك من العشق الكلام مايقدم ولا يؤخر 00 والله يطرح فيها البركة والتوفيق ومبروك مقدماً ومنك المال ومنها العيال خخخ

تقبل مداخلتي يا الغالي بصدر رحب

دمت بخير

ابو نادر @user_109111 · 10-10-2008

ان شاء راح استاجر لومينا لمده يومين وراح اكرف ابوها
وراح انزل موضوع ^_^

عاشق دايو @user_54073 · 10-10-2008

نحن عندا 3 سيارات من جي أم

أبيكا 2006 الشكل الجديد

كابرس 2006 الشكل القديم

لومينا أس أس2008

كل السيارات ممتازة

للعلم كابرس 2006 قريب 100 ألف كلم

RiYaNcO @user_6186 · 10-10-2008

ا

احمد 999

انا سيارتي ماخذها من التوكيلات والسياره مع زي الحلاووووووه وماشتكيت منها

نفس كلام أخوي أحمد ولله الحمد سيارتي ماخذها من 4 شهور تقريباً وماشية ماشاء الله من أحسن مايكون موديل 2008 :emot154:

حلم @user_20900 صاحب الموضوع · 10-10-2008

abri

اللي اختار لها هالاسم في الخليج الشركه الام

gmc

سهيل الغامدي @user_125309 · 10-10-2008

اللومينا سياره رياضيه ومحركها جبار لكن أتوقع إنها تتناسب مع أجواء أستراليا أكثر من جونا الحار .

ABRI @user_112348 · 10-10-2008

الي قاهرني انهم مسمينها شفرولية كابرس ...ياهولدن شفولكم اسم ثاني

BeTa3_KoLLo @user_37398 · 10-10-2008

السلام عليكم

يعطيكم العافيه شباب ..مابي اطول عليكم

انا سيارتي لومينا اس اس 2007 والسياره روعه بمعنى الكلمه

ما تصرف بنزين

خفيفه بالخط

سياره قويه بالسرعه والثبات

باختصار 2007 وفوووق محد اشتكى منها نهااائيا ..

احمد 999 @user_57330 · 10-10-2008

انا سيارتي ماخذها من التوكيلات والسياره مع زي الحلاووووووه وماشتكيت منها