استفسار عن نقص الزيت..!

يعطيكم العافيه اخواني ماقصرتو وياي

و الله يا شباب انصحكم انكم تدورون حل للمشكله
لان نقص الزيت شي غير طبيعي؟؟؟؟؟؟؟؟؟؟؟؟
و بالنسبه لي انا كان معي غراند ماركيز 93 و كنت كل الفين كيلو ازيد علبه تقريبا الى ان تفاقمت المشكله و خبط الموتر!!!!!!!!!!!!
و غيرنا المكينه كلها بالمره
واناما اغى اخوفكم لكن نصيحه من واحد مجرب
تحيااااااااااتي لكم

عادي شيء طبيعي انه ينقص
مع الجو الحار
ومسكة الخطوط عندنا
والزيوت اشكها انها مظربه والله الي يعلم

اخوي حاكم الحربي انا زيك عندي ماركيز 98 نضيف مخزن مامشى الا 114 الف كيلو

وينقص الزيت عندي مدري ليه؟

والشكمان ماشاء الله تبارك الله يقطر مويه

والسواة سواة ربك كل اسبوعين او ثلاثة مر البنشري زدهـ وانتهى الامر
انا اعبي سوبر جيتي الالماني الثقيل

والله يسر امرك

تقبل مرروري اخوك عبدالله الحربي

الله يعين وياك وكل مسلم

اخوي طبيعي الفورد ينقص لا توسوس ولا تروح لوررش يلحسون مخك ويزرفونك
عندنا ثلاث فرود 96 2002 كلهن بعد 200 الف نقصن وما ينقص الا مع الخطوط بس و2004 بالطريق خخخخخ ناوي والامر طبيعي

سواليفك تعجبني بيض الله وجهك

يعني خل علبتك في الدبه

الله يعين

اشكرك على المرور والرد الجميل

خلني أهون عليك ...

انا الزيت يهرب عندي من تحت المكينه ...ماركيز

حسبتها كل 1300 كيلو تنقص علبتين زيت :emot96:

غيرت قاعده سيفون الزيت لأنه كان واضح التسريب منها , والمشكلة قلت او اختفت لفتره , والآن عاودت مره أخرى وشكلها من نفس المكان من عنده قاعده السيفون

وبالحديث عن الدخان , أول ما أشغل السياره يطلع دخان أبيض لمده ثانيه واحد ويختفي ولا عاد اشوفه بعدها :D

مالي حيل اروح الورش , علبه زيت في الشنطه , كل مانقص زيده :p <<<ماخذها ببساطه :D

بس يقولون لاشفت مصيبه غيرك تهون عليك مصيبتك :emot96:

^^^
خاش يسولف :D

الله يكون بعونك :)

تحياتي,,,

ياسلام عليك يامستشار

كل كلمه ذكرتها صحيحه

بيض الله وجهك وجزاك الله خير ...

لكن الربع انصحوني اغير الزيت من 20\50 ...؟

حاليا استخدم من 10\30 ...؟ << زيت خفيف وغالي

لكن اللي محيرني ان فيه ناس تقول خلك على 10\30 وناس تقول استخدم 20\50 ...؟


حاليا انـــآ محتار

كيف الحال :emot154:

بصراحة شدني تحاوركم الفعال والستجابة على وجود حل للموضوع

أخوي حاكم نقصان الزيت من أشياء كثيرة ::

والزيت الثقيل 20 /50 لا ينفع لسيارات الحديثة والموديلات الجديدة من عام 98م الى الموديلات 2009م والسبب هو تطوير المكاين الجديدة ودخول مادة النرد والنحاس المعالج وتتطورات لا نعلمها وسر المهنة التي يتمسك المصنعون بسريتها ...وأشبه ما تكون بالسياسة ؟؟

وزيت 20/50 أذ تعدى 2000 كيلو يتبخر مع الوقت فهو مادة غير نظامية ولا تخظع للمواصفات العالمية وأن كانت مكتوب على علبهم ونشراتهم .. فهو زيت ثقيل مخلوط مع مواد ليست بجودة علية ؟؟

وهذا الي يسبب نقص الزيت وهو تبخير على المكينة مع الوقت الطويل ... ولا ننسى المادة الثقيلة التي تترسب على السلندر والسبايك وهي سوداء مع مرور الوقت ؟؟

فلا أنصح بالزيوت 20/50 ... وهو نافع لسيارات القديمة الجموس والكابرسات والمرسيدس القديم ؟؟


__ ونقص الزيت من جلد البلوف وهو كثير في الفورد والسبب في النقص هو (( عدم تسخين السيارة والمشي عليها وعية باردة ))

فلابد من التسخين و لمعرفت أن كان جلد بلوف أو لا فالطريقة سهلة :

خلي أحد يدوس على الابنس ( الدعسة ) وأنت خليك عند الشكمان وخلة يدوس على شكل متواصل وكذلك متقطع ثم متواصل ..أذا أنقطع الزيت من الشكمان وكان أخرة الدعس دخان أشهب أم أسود ما فية مشاكل ...هو جلد بلوف ... وأذا ما أنقطع الدخان وأصبح دخان أزرق فاتح فهو شنبر ؟؟

وأحسن وقت للفحص في عز الشمس وفي وضح النهار ؟

ونقصان الزيت من تهريب ... ومن تأخير تغيير الزيت ... ومن شنبر ...ومن جلد بلوف ؟؟

وفي نهاية القول أنصح بتغيير زيت الخفيف وهو غالي الثمن في محلات قط الغيار وأذا تبي رخيص خذ كرتون بالجملة لك او شارك معك أحد الزملاء ..... وراعي البنشر يزيد عليك 10 ريال في العلبة حسبي اللة عليهم ؟؟

وللحديث بقيةمستشار

طيب اخوي تاكد من اسفل السيارة وموقف السيارة
هل تشاهد زيت يتسرب منها

موتري ماشي 200 الف ياجـــــــــذآب

ياحبيبي يالدمعه انت وراك ملزم على الغطاء وتستشهد فيه :a120(37):

الغطاء على حسب الديره اللي انت فيها يعني يمكن تحصل غطاء في السعوديه مكتوب عليه 10/30 :a120(37):

والسلاااااااااااام

عزيزي هل المركبة إستخدام امريكي ام خليجي

لانه الامريكي 2003 يقولون تستخدم 20/50 وعلى غطاء الزيت مكتوب كذلك

فأعتقد انهم ادرى في ما يناسب منتجهم

كم ماشية السيارة؟

اشكر جميع من شاركنا في هذا الموضوع

وياليت اخوي [COLOR=green]الناصح لكم يستعجل بي التاكد من المعلومه [/COLOR]

يعني استخدم 20\50 واتوكل على الله ..

اخواني استخدموا زيت فقط 20/50 اما الخفيف مايسوى ولا قرش هذا حق طرام امبرتا مايصلح ههههههه

اذا هو متعدي ال 300 الف كيلو عادي ينقص شوي او يمكن جلد بلوف


والسلااااااام