السلام عليكم
بصراحة أشوف فيه ناس تقول فورد وناس تقول هيونداي وناس هوندا والسواد الأعظم يقول تويوتا
ذا مدحها عشان سمعتها وذا مدحها عشانها حقت قومات وذاك مدحها لسبب والكل بحسب هواه
وكثير شفت واحد يسب سيارة ويقول ماهي قوية والسبب لأنه يقوم فيها ويسابق ويأكل مطبات ثم يقولك مو قوية وتخرب بسرعة
أنا عندي فورد 96 وقررت أعطيه لأخوي بدل التريسل اللي عنده وبأخذ هونداي لأني أبي سيارة هادئة وسعرها حلو لاني حق قومات ولا حق سباقات حق إني أركب وأتمشى وأسافر أنا وأهلي يعني خرابيط الشباب ذي كلها مهيب عندي
<<<<<< والله يا أنت بربور ... عطهم العلم بس
بصراحة إحترت بين الأزيرا - سوناتا سواء 2009 أو 2008 لو كانت في الوكالة
وأنا بأخذها بالإيجار المنتهي بالتمليك
وش أفضل سيارة منهم ترشحونها لي وكم أسعار هالإيجار وإيش أفضل وكيل لها هنا في الدمام وما يشمله من الخبر والظهران
لأني ودي أغير السيارات وعلى المولود الجديد ربي يحفظه نبي نكشخ شوي حتى لو على حساب مبالغ إضافية من عندي غيره حتى أكشخ عشانه
أبي رأيكم يا إخوان وأبي تعليقات في الصميم دون التطرق لأي شيء خارج ما ذكر بالأعلى وهل فيه فرق بين 2008 و 2009 للسيارتين فوق ولو فيه فرق طفيف ولكن فيه فائدة في السعر هل ألقاهم في الوكالة ولا لا
بإنتظاركم على أحر من الجمر
