السلام عليكم
اخواني لو تشوفون مشاركاتي اكثرها مشاكل عن السيارتين واكثرها عن الماركيز 2003 ..
المهم انا بقولك قصتي كاااملة مع الزفت الماركيز 2003 ...
السيارة شاريها من سنتين تقريبا وكانت زي اللوز وغيرت كل القطع الاستهلاكية والزيوت وقتها عشان تصير على يدي المهم بعد سنة وضبطت المكينة ومشت السيارة الى قبل 4 شهور تقريبا ( بالاجازة الصيفية اللي راحت ) وغيرت طنجرة الجير :emot184: طبعا بعد توضيب المكينة بفترة بسيطة تقريبا شهر ونص تقريبا طلعتلي مشكلة شيبت راسي وجننتني وجابتلي الصمرقع وغثتني واكئبتني والمشكلة ما اقدر ابيع السيارة لين ما اصلحها عشان الذمة ما ودي اغش اللي بياخذها المشكلة وهي :- ان السيارة تطفى بقولكم بالتفصيل تطورات هالمشكلة كنت لمن اشغل السيارة شوي وتطفى اشغلها وتطفى بعدين اشغلها وتشتغل امشي شوي لين ما اوقف عند اشارة او شي على طول تطفى رحت الورشة وغيرولي حساس الريس من بكرة رجعتلي المشكلة رحت الورشة طبعا وانا رايح السيارة ما فيها اي شي سليييمة دخلت الورشة وقلتله اللي صارلي قالي فحص كمبيوتر فحصت ما فيها شي طيب وشلون قالوا نشيك الطرمبة وضغطها للبنزين ركبوا شي زي الساعة حقت ضغط الكفرات بمكان بالكبوت وجابه لين شباك السيارة عشان يمشي بالسيارة مشوار ويراقب هالعداد اللي ركبه برضوا قالي سليمة طيب يا جماااعة وشفيها السيارة ليه تطفى قالوا ما ندري اخيرا اعترفواا انهم ما يدرون المهم طنشت فترة من الزمن والمشكلة هذي تجي وتروح وانا مطنشششش من القهر المهم تطورت المشكلة قبل شهر تقريبا نفس الشي اشغلها وتطفى طبعا بطبيعة الحال انا تعودت على هالمشكلة وصارت عاادي مررة وانواع الاحراجات عند الاشارة بس الزين فيها تشتغل على طول ولحق نفسك وادعس بنزين وتمشي يعني ما ضايقت احد بالاشارة صارت بعدين ان السيارة زي اللي علق الريس حقها بدون ما ادعس بنزين تمشي السيارة جربت ما ادعس بنزين وربي وصلت السرعة 60 بدون ما ادعس بنزين قلت احسن خلها كذا ولا تطفى بعدين نزل الريس وصارت عادية بس من اوقف تطفى بعدين صارت دعسة البنزين مدري وشلون يعني ادوس على الدواسة ما كاني دعست عليها يعني تقدر تقول فصلت الدعسة طبعا طول المشوار كذا شوي الدواسة تشتغل شوي ما تشتغل الا اذا دعستها على الاخييير واذا فكيت الدعسة مراات احس برجفة خفيفة بالسيارة طبعا وانا ماااشي مو بوقف لا يعني بهدي السرعة تجي الرجفة .. !!
والقهر لما ابي اروح الورشة بالطريق السيارة زي العسل وبالورشة كذلك زي العسل وشو هذا تقولون سحر المهم رحت اليوم البيان الجديد وفحصت كمبيوتر قالولي حساس الهواء اللي عند الجربة ما اقنعني كلامهم رحت الدولية قالولي كمبيوتر قلتلهم توني فاحص قالوا احنا غير طبعا كله نصب × نصب بس شسوي مجبور فحصت وطلعلولي التقرير ان لازم اسوي تصفية مكينة ( بواجي - فلتر بنزين - فلتر هواء - كويلات - تنظيف بخاخات - تغيير وجهين ثلاجة << ما فهمتها . لانه يقول فيها تهريب هوااء )
طبعا انا مسوي تصفية لما غيرت طنجرة الجير غيرت ( البواجي وفلتر البنزين وتنظيف بخاخات وزيت الجير )
في مشكلة ثانوية الازرار حقت الباب ماتشتغل قبل فترة لاحظت لما اطلع القى النور حق السيارة واالع اللي داخل ومراات تكون الازرار والعة برضو . !! <<<< يمكن يكون لها سبب مدري خلاااص زهقت
طيب الحين وش السواة انا قلتلكم كل قصتي تقريباً .. ساعدووووني :a120(4):
