Hummer H3 ALPHA

اتمنى السعر ما يكون غالي ولا السياره جيده

ابو خزيم بتشوفه قريب ان شاء بس جب الكاتم وابشر <<<<<< يتمصلح ههههههه

اخوي نصيحتي لك لاتسمع كلام اي واحد يقولك (قالولي او سمعت او او ....) اذا ماشفت بنفسك
لاتصدق........وعندك ابوسعد وناصر مجربين الموتر وعطوك صورة اولية والموتر شكله تمام
بس لو تستاجر افضلك بكثير لانك بتشري سياره مب لعبه :)
اخر طلعه كنت متحمس اشوف الارمادا والH3 بس للاسف ابو سعد جاب المخده وترك الموتر....

توكل على الله


موتر رووووعه صراحه

يابو محمد اسال الشباب وش سوى الخمسة سلندر بالشعيب مقارنة بالهمر التقليد ابو 8 سلندر

أخوي أكيد همر ألفا راح يكون شي خرافي إذا الخمسة سلندر مسوي بلاوي أجل كيف الثمان سلندر

أخوي أنت ركزت على نقطة كيف الموتر بالنفود ؟

الموتر أنا جربته في عدة تضاريس أولها طبعاً في الطعوس والموتر بصراحة لم يخذلني وما تصدق أن مكينته أداءها خمسه سلندر

عزيزي الموتر يمتلك قدرات ممتازة قد تتوفر في منافسية مثل الـ FJ كروزر

وأنا أشهد أنه اختيار موفق جداً

^^^^
ياليت المصدر ... لان مدير علاقات العملاء اكد لي ان ما فيها اي اخبار عنها

شكرا

موجود في امريكا من زمان 8 سلندر

والجميح ينزلة في مننتصف 2009

وراح يكون سعرة 200 الف او 190 الف

الهمر معروف بقوته
واذا سعره مناسب اتكل على الله
مع أني أفضل تنتظر الأسعار
وقبل كل شي الاستخارة

طيب اخوي عشان ترتاح وتطمن هههه استاجر لك واحد ونسم الكفرات لـ 15 وهذا وجهي اذا حن الموتر معك .. ترا مكينته 5 سلندر بس قوته تقريبا 245 حصان ... واذا كنت بتشري جديد عندك نوعين واحد مخصص للطرقات الوعرة Adventure والثاني فخامة Luxury انصحك تاخذ المخصص للطرقات الوعرة.

تقبل مروري وان شاء ان طلعت قريب بابلغك تخاوي وتشوف بنفسك.
اخوك ابو سعد

والله بالفعل هذا اللي شدني له
يكفي المواصفات والامريكي معروف بهالشئ



بصراحه لا والله

بس اذكر كنت اشوف بعضهن يطيح ويدقر بأماكن غريبه
وقبل كل شئ لاتزعل وانا بصراحه معجب بالسياره لكن ودي اضع كل شئ نصب عيني وفعلا انا ما ابي اسابق ولا اجاكر انا ابي بس اقطع فيه النفود وبسلاسه وبدون لا اشد حتى على الموتر

سؤال قبل لا ارد عليك !! انت سقت ابو 5 سلندر على قولك ؟ عشان تحكم عليه بالضعف ؟ اتمنى منك ما تحط توقعات من عندك .. الخمسة سلندر فيه المحرك القديم النايم 3500 والمحرك الجديد المطور ما نزل الا بـ 2007 و2008 ..

ومن ناحية الـ 8 سلندر لا تعليق على الموتر الخمس سلندر مب مقصر و يعطيني اداء ولا اروع بحكم اني رجال احب اتمشى بالنفود ... مب اسابق واقاوم لان هذي السيارات مصنوعه لنا مب لسواقين راليات.

وسلامتك

والله ياخوي انا اشوف الهمر ممتاز من ناحيه الحجم والقدرات الهمر اللي يشتكون من ضعف محركه
هو موديل 2006 لكن 2007 صار اكبر حجم 3.7 والشباب يمدحون عزمه... بالنسبه لل 8 سلندر
توكل على الله اذاكان سعره معقوول
تحيااتي

والله انا سمعت ان تسارعه من 0-60 تقريبا 7 ثواني

وبالنسبه للسعر انا اشوف انه بأمريكا سعره قريب ال5 سلندر لكن هنا مدري هو نزل بالاساس ولا لسى وهذي بتكون عقبه ثانيه

هي سيارة ممتازة في رأيي، لكن بحسب تجارب مجلة ترك ترند وغيرها من المجلات الأمريكية، محرك الثمان سلندر قوته 300 حصان وتسارعه من 0 إلى 60 ميل/س في 8.4 ثواني، وهو يعتبر بذلك بطيء، خصوصاً أن الإف جي كروزر والإكستيرا تسارعهما في حدود الـ 7.6 ثواني بمحركاتهما ذات الست سلندر فقط. وخفتهما في الرمال أفضل بكثير، أيضاً بحسب التقارير المذكورة.

الميزة الوحيدة للمحرك الجديد على المنافسين المذكورين ستكون في القطر، بسبب عزمه الناتج عن ثمان سلندر. لكنه لن يكون بقوتهما في الرمال ولا في التسارع.



إذا انصدمنا في أبو خمس سلندر، كيف ما ننصدم في أبو ثمان سلندر؟ أكيد سعره سيكون فلكي، وربما سيكون في حدود الـ H2.

يعطيك العافيه اخوي راعي النيترو

وبارك الله فيك وبالفعل محرك قوي

بس ودي قبل لا اتهور اشوف اكثر الاراء وان شاء الله تكون بسعر معقول ولاننصدم فيها :emot178: