اول شئ اشكر اخوي الماردور ع التثبيت لان بصراحه انا خليته لين اشوف الاقبال عليه اذا كان طيب
نثبته للفائده او نخليه بالهامش
بالنبسه لخوي
طيب اخوي محمد تهريب الزيت (تنقيط) ما هي الإحتمالات لمسبب هذه المشكلة ؟ :)
...
صراحه انت مابينت التنقيط زيت ايش
ماكينه - فرامل - قير - باور - الدفرنش << جميع الاجزاء الزيتيه في السياره
فل قلنا
ماكينه طبعا لكبر حجمها فالاحتمالات كبيره وباذن الله نذكرها
صوفه اماميه - صوفه الخلفيه - من الممكن تهريب من نفس اغطية البلوف وابسط شئ
والكثير يغفله سوء العامل ( البنشري - الوكاله - .. الخ ) في اغلاق السره اسفل الماكينه
والعامل الصحيح يشيك يشوف السنن حقت المسمار السره او الكارتير متاكله تحتاج خرط او تغير
السره او فقط تييب ابيض
القير اما من نفس القازقيت تبع كارتير القير او من نفس العيار او من نفس الصوفه الخلفيه للقير
الفرامل قد تكون كثيره ومن اي مكان نختصرها في ابسط صوره
جلد الكيبر او او من نفس البنوز تبع تنسيم الزيت للفرامل او من نفس التوصيلات للفرامل
من علب فرامل باكم ..... الخ
الدفرنش قد يكون من صوف العكوس او نفس غطاء الكارونه يبي له شد المسامير او نفس الغطاء
فيه انعواج ويبي له تعديل والحل انك تفك الغطء وتحط السيلكون وتركبه وتخليه ع الاقل 2ساعتين
حتى ينشف ويمسك لانك لو صبيت زيت ماستفدت شئ والزيت بيخش في اي مسرب في السيلكون
الباور له محلات كثيره طبعا بعض السيارات يوجد فيها مبرد لزيت الباور وغالبا يهرب منه
او بعض الاهواز التابعه له او المجموعه الدريكسون او بما تسمى الدوده واخيرا نفس الطرمبة
وبكره الباور .
نجي لمشكله جديده
ترمشية او تاشير الكهرب في السياره
كثير او اغلب الفورد يشتكون من رمشة او ضعف وتاشير في انوار السياره ككل
طبلون - اماميه - خلفيه - السكنات - المسجل - .. الخ
طبعا السبب من الدينمو نفسه لابد من فكه وفحصه ممكن يحتاج لتغير او لاصلاح
اذا كان الدينمو يشحن طبيعي ولكن بدل مايشحن 13 فولت صارت يشحن بشكل متقطع 14 - 16.5
هذا من نفس كتاوت الدينمو الفورد يجي له كتاوت وفحمات تتغير وتضبط باذن الله مع الحرص على
تشيك وفحص السياره قبل كل من شئ من خلوها من التماس كهربائي
قيمة الدينمو كامل 450 ريال
قيمة الكتاوت 120 ريال
قيمة الاصلاح 40 ريال
هذا ماعندي والله اعلم
أخوكـ
