صيانة سوناتا ((10000))...

الله يعطيكم العافية يا شباب ما قصرتوا

سرعة انجاز وسرعة استقبال وترحيب بدون موعد هذا فرع الخبر

جودة عمل لكن السياره تطول غير كذا يمكن مايقبلها ويقول لك تعال لي بكره او بعد يومين هذا فرع 91

فرع الخبر تاخذ نص يوم

بالنسبه لي افضل فرع الخبر للأسباب التاليه:

- ما يصرفون
- يخلصونها لك بسرعه
- استقبالهم وتعاملهم الراقي واخذ جميع الملاحظات بعين الاعتبار
- يسوون لك خصومات حلوه


الدمام تعاملت مع مهندس مصري في قسم الاستقبال ماسك قسم الازيرا

لكنه يرفع الضغط

- مستحيل يقبل السياره من اول زياره حتى لو ماعنده زحمه << يرفع ضغطك تحس انه نذل
- مستحيل ينزل لك هلله وحده
- لازم ينسى بعض الملاحظات اللي قلتله عنها

بس الله يخلي خالد القوصي ادخل سيارتي بنفس اليوم ومن فوق خشم ذاك المصري

والله يخلي مدير الفرع بالخصم

المهم انصحك بالخبر

وعلى فكره ترى ادارة المجدوعي متعاونين جدا ولأبعد حد
اذا عندكم اي اشكاليه ادخلو على مدير الصيانه وماراح يقصر معكم ابد وراح يشرف بنفسه على سيارتك لو لزم الامر

اخوي انا ساكن بالدمام والسوناتا ادخلها صيانة 91

شفني تشييكات العشرات يعني 10 و20 و30 الف تجلس عند الوكاله من يومين الى 3 ايام

اما الخمسات يعني 5 و15 و25 ... الخ ... لا ما تطول ساعه بالكثير

خذها مني من واقع تجربه وكلام الادارين وانا متاكد من هالمعلومه ميه بالميه اخوي

واذا بتروح فرع 91 اسال عن المهندس فؤاد تراه حبيب ووسيع صدر ولو عندك مشاكل بالسياره قله وراح يتجاوب معك وحتى يطلع يسوقها ويجربها معك من وساعة صدره

اتمنى اكون افدتك اخوي

شوف حبيبي انتا بالشرقية يعني ماراح أفيدك عن الفرع الأفضل وبرضوا اعتقد انتوا تبع المجدوعي هذا اول شىء
ثاني شىء صيانة 10الآف سويتها قبل يومين اعتقد كان تكلف 350 مع تغيير الزيت سيفون لكن احنا اهل الرياض تبع الوعلان وكان عنده عرض كشف على 33 نقطة +تغيير الزيت مع السيفون بـ35ريال فقط
طبعاً الكشف كله كلام فاضي أحسن مافيه كان تغيير االزيت والسيفون فقط
عموماً انتا لايهمك الصيانة لأن كشفهم راح يكون كلام فاضي(طبعاً اذا اكان المجدوعي زي الوعلان)
فعشان كذا لايهمك الفرع والساعة تجلس نص ساعة بالكثيير اذا ماكان فيه زحمة أو دخلت سيارتك مكان تغيير الزيت وبس

بيض الله وجهك .. بس فيه اعضاء لهم تجربة يا ليت يفيدونا

للأسف أخوي اللي أقدر أفيدك فيه هو إنك تكلم كل الفرعين وتفهمهم الوضع
وتشوف كل فرع كم الوقت اللي يحتاجه,,

لأن مهوب شرط الفرع اللي كان فاضي يوم السبت بيصير فاضي يوم الأحد,,

أتمنى إنك فهمت قصدي :)

و هذا كل اللي أقدر أفيدك فيه للأسف

طلبتكم يا رجال تجاوبوني

هذا ثالث موضوع انزله ولا القى تجاوب من اهل الشرقية ما ادري ليش

للرفع .. تكفون عجلوا

يعطيك العافية اخوي

بس نبي اهل الشرقية وينهم؟؟