ادخل واكتب تكلفة صيانة سيارتك الإجمالية من وقت شرائها حتى الآن

مرحبا ياالبحلس :smile:..صرت دافع على سيارتك موديل 98 اللي شاريها من سنتين 20000 :smilie20:..شكل السيارة كانت تحتاج تغيير قطع أساسية كثيرة ..أشوف المبلغ عالي ولوكنت مكانك وكنت معزم آخذ نفس الموديل اللي أنت أخذته كنت آخذ وحده أنظف وخراباته قليلة ..بالتوفيق ياغالي :xyxwave:

اسم السيارة : قراند ماركيز

موديلها : 2004

التكلفة الإجمالية للصيانة من وقت الشراء وحتى اليوم:

لها معي سنه وشهرين والتكلفه 800 ريال ولله الحمد

كامري 2005 من يوم شريتها عام 2005 الى الان كلفتني اكثر من 6000 ريال

أهلين يامهندس 1 :wavey:..ماشاء الله ..باين أنت عندك خبرة في الترهيم ..والله يعوضك خير بدال الفورد 99 ..بس أشوف التكاليف تبع سياراتك والحمدلله معقولة نوعاً ما ..:xyxthumbs: ..الله يحفظك ويبارك لك بسياراتك ومالك :xyxwave:

اكسنت 2004 لها معي سنتين

دفعت فيها لحد الحين 2700

اما انا الله يكفيكم الشر

شاري باترول من ثلاثة اشهر وخسائري الى الان حول 8000 الاف ريال

وباقي يبيلة زيادة

دايو لانوس
2001
منتاريخ الشراء 30/4/2007 الى الآن حوالى 3000 ريال سعودى

السلام عليكم ..

السياره : فورد اكسبلورر
الموديل : 2002
الممشى : 210000

3 مرات توضيب مكينه = 5000 ريال
تغير قير = 3000 ريال
توضيب قير = 2000 ريال
الداخليه كلها انعدمت وتصليحها كلفني حدود = 3000 ريال
الدفرنس = 2000 ريال
حادث بوجهية السياره = سمكره وصبغ = 1500 ريال , اسطبات وشبك = 700 ريال
تغير المقصات الأماميه مرتين والحين واحد خرب = 1100 ريال
تغيير زيوت وفلاتر وسيفون ووو ( صيانه من شرائها الى الأن ) = حدود 2000

غير اللي نسيته .. الإجمالي = 20500

وللحين القير فيه مشكله .. اليوم دق على راعي الورشه وقالي تعال استلم السياره ( توضيب قير )
وان شاء الله يصلح

*_*

سي يو

راح احسب لكم كم كلفت سيارتي من شريتها الي اليوم

مع العلم اني محتفظ بجمع فواتير القطع الغيار

احسبها واعطيكم الرقم بضبط

موضوع صلحلي كثير لان الشروطه موجوده عندي

ترقبو الرقم القياسي لسيارتي

bmw 316i موديل 95 شريتها 2001

تقريبا 20000 ريال تقريبا

بصراحه موضوع رائع ... والغريب اني ماحسبت كم كلفتني السياره من يوم شريتها ولو من باب الفضول ؟؟
السياره اكورد 2004 شريتها وكالة قبل 5 سنوات وكم شهر

بحسبه بسيطه تقريبا كلفتني 10,000 ريال :confused1: .... تشمل جميع القطع الاستهلاكية والزيوت والكفرات
+ صيانة السياره بالوكالة الى 100,000 كيلو

ممشى السياره الى الان 210,000 كيلو ولله الحمد :xyxwave:

تحيآتي

فورد 98 لها سنتين ونصف كلفتني 20000 كفرات توظيب واشياء اخرى

سيارتين
جمس 99 سوبربان له ست سنوات
الخمس الأولى كلفني تقريبا 4500 ريال منها طرمبة بنزين مرتين وبعد ذلك رهمتها الحمدلله
من سنة كلفني ما يقارب ما يقارب 5000 ريال ولم أصل إلى العطل
السيارة مستعملة عند مشتراها ممشاها 82000 ميل والآن 143000

فورد 99 فكتوريا فل كامل ( استخدام امريكي)
من عام 2002 إلى 2008 صيانته بالكامل لم تتعدى 4000 ريال ( قماشات ، هوبات ، بواجي ، فلاتر ، زيت ، كويل واحد فقط )
بعته تشليح لحادث شنيع حصل.
السيارة مستعملة عند مشتراها ممشاها 64000كم وعند بيعها 290000 كم

اشتريت ماركيز 2005 فل كامل ( ( استخدام امريكي)
إلى الآن له سبعة أشهر تقريبا ولله الحمد مشكلة المكيف وانحلت ترهيما 150 ريال
فلتر قير + زيت قير + قماشات
الممشى : ؟؟؟؟؟

مراااااحب يا ( راعي الإلنترا ) :xyxwave: ...تكلفة الصيانة تبع سيارتك كويسة ماشاء الله:xyxthumbs: ..أنصحك تحافظ على السيارة حتى تبتعد عن تكاليف الصيانة الباهضة :a1120(86): ..مشكور ياغالي على المشاركة التي أسعدتنا ..ربي يوفقك ويحفظ لك السيارة ويبعد عنك وعنها كل شر

أهلاً ( رحيل الآهات ) :xyxwave: ..أشوف التكلفة معقولة مقارنة بالموديل والحمدلله كانت الخرابات سطحية:xyxthumbs: ..مشكور ياغالي على المشاركة ..شرفتنا

أهلين ومرحبتين بأمير الصراحة :xyxwave:..الموضوع ممتاز أكيد بمشاركة أمثالك ... بس :mad1: :mad1: تعال هنا مو كأن التكلفة عالية جداً جداً :a120(115): :a120(115): 30 ألف ريال حتة واحدة :confused1: شكلك راعي ذوق رفيع وتحب تزين السيارة وتدللها بجانب صيانتها :xyxthumbs: ..ربي يبارك لك في سيارتك ويحفظك وإياها ويرزقك من حيث لاتحتسب ..ألف شكر لك ياأمير الصراحة أسعدتنا بمشاركتك ربي يسعدك

النترا 2006 و1600 سي سي لها معي تقريبا سنة,,,,
صيانتها كلفتني حتى هذااليوم تقريبا 1500........

هلا speeed1 ...:xyxwave: ...باقي الموتر جديد ماشاء الله وبالنسبه للتكلفة فمعقولة إلى حد ما ..ولو أنه المفروض أقل شويتين :wink: ..شكلك سويت لها صيانة مرة في الوكالة:xyxthumbs: ..مشكور ياغالي على المشاركة