السلام عليكم يا اخوان
جربت قيادة الاكورد كوبيه V6 بوكالة هوندا ، طبعاً السيارة تتميز بجودة سيارات هوندا وبثباتها الفائق وتسارعها الجيد قياساً بسعرها المتناسب مع امكانياتها ، طبعاً تصميم السيارة رائع وعالطبيعة غير ، مقدمتها وخاصة الاضوية بالليل قمة الروعة صراحة ، طبعاً فتحة بالسقف وجلد وجنوط 18" وشاشة معلومات ، من سلبيات السيارة ، عصا وقاعدة القير بسيطة ، العزل الصوتي يحتاج تحسين ، الستيرنج ثقيل ، وفي اشياء سألت عنهم ارجو من الشباب يفيدونا فيهم ، اول شئ لما تشغل الاضوية يخف ضوء الطبلون والشاشة سألت المندوب جاوب انهم مصنعينها بالطريقة هذي ، ثاني شئ سألته ليش ما تشتغل السيارة بزر تشغيل بدل المفتاح خاصة بعد انتشار هذي التقنية جاوبني سيئات هذه التقنية اكثر من ايجابيتها وان الزر مع الزمن يصير فيه تأكسد !!!! رايكم شباب ؟؟؟؟ الصراحة السيارة متعة للنظر وقيادتها شيقة ومريحة وسعرها بعد العصر وصل 110.000 درهم اماراتي اتوقع ينزل اكثر وتصير مغرية اكثر ولا حد عنده راي ثاني ؟؟؟؟؟؟؟؟؟ .
