عاجل: ناوي اشتري تاهو 09 LTZ ومحتاج مساعدتكم اخواني الاعزاء

السلام عليكم
حياك الله اخوي راعـ الجمس ـي مشكور الف الف مرة على نصايحك يالغالي :)

الجميح حاليا ماعنده الفئة اللي انا طالبها وقالوا لي انتظر من اسبوعين الى شهر ونص تقريبا هذا بالاضافة ان (فل الفل) غير معتمده عندهم حسب سياستهم ... ضروري ينقصون من المواصفات شغلة او شغلتين علشان تركبها على حسابك اذا بغيت!!
كذلك سعرهم اغلى من الوكيل الاخر ...

اما بخصوص العيسى فللاسف اخوي هذا الوكيل حصريا فقط في المنطقة الوسطى وانا من الشرقية ماعندنا غير وكيلين فقط (الجميح + التوكيلات)

واشكرك مرة ثانية بخصوص نصايحك بخصوص الدبل واللون وان شاء الله انها تكون في الحسبان والله يجزاك عني كل خير اخوي راعـ الجمس ـي :)

تحياتي لك وللجميع

السلام عليكم

حياك الله اخوي mso ومشكور على ابداء رايك

الفرق بينهم التالي:

[COLOR=red]Z71:[/COLOR] مخصص للبر والطرق الوعرة بسبب نظام التعليق الرياضي اللي فيها والتصفيح اللي تحت وطبعا لهذا السبب تحركها بيكون رياضي بحت وغير مريحة 100% وطبعا يجي فيها اغلب مواصفات الدرجة الاولى كالشاشة والاسيات الجلد وخلافه.

LTZ: هي الدرجة الاولى في التاهو ومخصصة للفخامة والرفاهية كشي اساسي ويجي منها دبل وبدون دبل لكنها غير مخصصة للطرق الوعرة مثل الـ Z71.

يعني استخدامك الرئيسي او الاغلب للسيارة هو اللي يحدد نوع اختيارك اخوي :)

اذا كنت صاحب بر وطلعات خفيفة فالافضل (حسب وجهة نظري) تختار الدرجة الاولى لانها مريحة اكثر من الـ Z71 واختارها بالدبل علشان تستفيد منها للطلعات هذي :)

واذا كنت صاحب بر دايما وعندك مناطق وعرة مثل بعض المناطق في الجنوب كعسير والباحة والخميس ووو الخ فأعتقد أفضلك هو الـ Z71

والخبراء في هذا المجال ممكن يصححون معلوماتي اذا فيها شي غلط؟

واتمنى للجميع التوفيق :)
اخوك

وعليكـم السـلآم ،،

آتمنـى مـآيكـون ردي متـأخـر مثـل كـل مـرهـ ،،

عمـومـآ بـ خصـوص الـوكيـل ،،

عنـدكـ خيـآريـن ،،

[COLOR=red]الجميــــع ، [/COLOR]

وهـو الآفضـــل عنـدي بخصـوص الخـدمـه بعـد البيـــع ،، بـس مـآفيـه مـوآصفـآت مثـل العيسـى ،،

[COLOR=red]العيســى ، [/COLOR]

مـآحبـه لآن خـدمتـه جـدآ سيئـــه ولآيقـآرن بـ الجميـح ،،

لآن الجميـح آذآ آكتشـف عيـب بـ السيـآرهـ يصلحـه لكـل النـآس علـى حسـآب الضمـآن ، بعكـس العيسـى ،،

طّبعـآ هـذي تجـربـه شخصيـه ،،

بخصـوص اللـون آنـآ معـي جمـس فضـي ،، لكـن آفضـل الجمـس الجـديـد بـ اللـون العنـآبـي علـى الجنـطّ مقـآس 20 يطّلـع شكلـه جنـآن ،،

وتقـدر تستفيـد آذآ دخلـت المـوقـع الـرسمـي لـ الجمـس ،، شـوف الآلـوآن قبـل تتسـرع ،،

طّبعـآ طّـريقـة آختيـآر اللـون ،،

لآزم تشـوف الكمـآليـآت لـ السيـآرهـ متـوآجـدهـ بنفـس اللـون ع شـآن مـآتتعـب بعـديـن ،،

لآ سمـح اللـه لـو صـآر لـك حـآدث ،، شلـون رآح يطّلـع اللـون .. !!

آتمنـى تكـون وصلـت لـك الفكـرهـ ،،

ويـآلغـآلـي آذآ مـآكنـت حـق طّعـوس آو بـر آنصحـك نصيحـه لـ وجـه اللـه ،،

آبعـد عـن الـدفـرنسيـن ( الـدبـل ) ،، خـآصـه بـ الجمـوس ،،

لآن السيـآرهـ آثقـل ولـو مـآستخـدمـت الـدفـرنـس الآمـآمـي لفتـرهـ ممكـن يجيـم معـك ،،

مـآعنـدي آي تعليـق إضـآفـي ،،

لكـن آتمنـى آكـون آفـدتـك ،، وآذآ حصلـت معلـومـآت إضـآفيـــه آبشــر بهـآ ،،

تحيتــي لـك ،،

ومقـدمـآ اللـه يعطّيـك خيـرهـآ ويكفيـك شـرهـآ ،،

توكل على الله اخوي...بس وش الفرق بين التاهو LTZ فل كامل وتاهو Z71 <--الظاهر اها كذا

المهم قصدي الفئه الثانيه وش كم سعرها ووش فرق المواصفات

السلام عليكم

الله يعطيك العافية انت كذلك اخوي LTZ ومشكور على الاضافة الطيبة والمرور الاطيب :)

بالنسبة للاسعار اكيد ماعليها كلام غالية بس محد حووووووولك واذا بتتاخر شوي ان شاء الله ترخص الاسعار على حظك :)

بس صدقني لاتنتظر اختلاف في الاسعار لان الظاهر مافيها حليب علشان تنحلب يارجال

تفضل شوف مشاركتي هذي وبتعرف قصدي
http://www.assayyarat.com/forums/showthread.php?p=1745267#post1745267

واكرر شكري على نصايحك يالغالي :)
وفي انتظار باقي الاراء علشان تنورنا قدر المستطاع :)
اخوكم

يعطيك العافية أبو مشاري على هالمعلومات. الحقيقة كنت محتاجها لأني مثلك ناوي أطلع تاهو فل أبشن لكن أشوف أن الوكلاء مبالغين في الأسعار ومأجل موضوع الشراء كم شهر قدام. ( مقاطع يعني:wink: ).

بالنسبة للــ LTZ هل حجم المحرك يجي نوع واحد بس؟ او فيه نوعين ممكن الاختيار منهم؟
-التاهو ال LTZ 2009 نزل في أمريكا بمحركين ال 5.3 لتر ومحرك اختياري اللي هو 6.2 لتر. المتوفر عندنا الى الآن نوع واحد اللي هو ال 5.3 لتر 355 حصان.

- وين الافضل الجميح أو التوكيلات؟ وليه؟
اذا كان الجميح مواصفات التاهو LTZ عنده مش كاملة فأنا أشوف ان التوكيلات أفضل. ليش ادفع نفس القيمة على مواصفات أقل ؟؟؟؟؟

وبالنسبة للون فهو مسألة اختيار شخصية. اللون اللي يعجبك مايعجب غيرك واللي يعجب غيرك ما يعجبك وهكذا.حاول انك تشوف الالوان كلها على الطبيعة. وشوفها على ال LTZ مش على التاهو العادي لأني أشوف انها تفرق. ونصيحة اللون الأسود متعب في التنظيف وما يصلح في المناطق الحارة مثل الشرقية.

بالنسبة لنظام السنتين أشوف ان فيه مبالغة في الفرق عن سعر الكاش. يعني أدفع 25 ألف زيادة وبيطلع على ب 200 ألف :c0038: .أذا ما قدرت تاخذه كاش عليك بأقلهم في الزيادة اللي هو البنك الأهلي لكن لازم تسأل أول عن الحكم الشرعي لهذي العملية.

في الختام أنصحك ماتستعجل في الشراء حتى توضح الصورة بالنسبة لوضع شركة جنرال موتر وتأثير
وضعهم الحالي على الأسعار. وحتى يكون فيه عروض أفضل من الوكلاء خلال الشهرين القادمة.

السلام عليكم

اخواني المجربين والخبراء ارجو الاطلاع على التحديثات التالية واعطائي رايكم :)

رحت لزيارة لكل من الجميح والتوكيلات والبنك الاهلي (مندوب الوكالة بالتوكيلات) وجلست مع كل شخص فيهم قرابة النصف ساعة للنقاش في كل تفاصيل العملية الشرائية علشان تكون واضحة بالنسبة لي ... واتضح لي التالي:



تاهو 2009 LTZ 4X4 كامل المواصفات مع انقاص الفتحة او الـ DVD

العرض: نصف السعر مقدم والنصف الاخر بعد سنتين وطلبوا مني التالي:

(دفعة أولى) 10,5000 + (دفعة اخيرة) 99,000 = (الاجمالي بالفوائد) 204,000 - (صافي الفوائد) 29,000 = (قيمة السيارة كاش بدون فوائد) 175,000 الف ريال

يطلع علي الموتر بـ 204,000 (مائتان واربعة الاف) ريال

ملاحظة/ الفائدة الربحية 29,000 موزعه على فائدة السنتين بدون دفع + التأمين الشامل




تاهو 2009 LTZ 4X4 فل الفل (بدون نقصان اي شي)

العرض: نصف السعر مقدم والنصف الاخر بعد سنتين واطلبوا مني التالي:

(دفعة أولى) 10,1052 + (دفعة اخيرة) 10,1052 = (الاجمالي بالفوائد) 202,104 - (صافي الفوائد) 27,704 = (قيمة السيارة كاش بدون فوائد) 174,400 الف ريال

يطلع علي الموتر بـ 202,104 (مائتان والفان ومائة واربعه) ريال

ملاحظة/ الفائدة الربحية 27,704 تشمل فائدة السنتين بدون دفع + التأمين الشامل




تاهو 2009 LTZ 4X4 فل الفل (بدون نقصان اي شي) (استنادا على تسعيرة التوكيلات)

العرض: البنك راح يدفع عني 7667 ريال مجانا فوق الدفعة الاولى اللي راح ادفعها:

(دفعة أولى) 107,067 + (القسط الشهري 1,982) X (مجموع الاقساط 24 شهر) 47,568 + (دفعة اخيرة) 43,600 = (الاجمالي بالفوائد) 198,235 - (عرض البنك المجاني) 7,667 - (صافي الفوائد) 16,168 = (قيمة السيارة كاش بدون فوائد) 174,400 الف ريال

يطلع علي الموتر بـ 190,568 (مائة وتسعون الف وخمسمائة وثمانية وستون) ريال

ملاحظة/ الفائدة الربحية 16,168 تشمل فائدة السنتين بالأقساط + التأمين الشامل


يعني افضل عرض يناسبني حتى الان هو البنك الأهلي الحقيقة :)

عطوني رايكم اخواني يمكن فيه شي انا مانتبهت له؟
والف شكر لكم مقدما والف شكر لكل الشباب اللي ردوا مسبقاً

اخوكم

اخوي القناص مشكور يالغالي على النصيحة والله يعطيك العافية :)



اخوي سفاري الف شكر لك عزيزي على النصيحة وابداء الراي :)




اخوي samisomi مشكور على النصيحة يالغالي :) وبالنسبة حق اللون اللؤلؤي هو حلو صحيح بس للأسف مايعتبر عندي افضل الألوان لاني افضل الوان ثانية احسن منه مثل الاسود على سبيل المثال :)
والله يبارك فيك يالغالي واكرر شكري لك على النصيحة


اخواني الاعزاء ياليت اللي ينصحني بوكيل معين يقولي ليه وش الاسباب؟ علشان افهم بس :)

وعندي ملاحظة بسيطة اكتشفتها بعد ماتكلمت مع الوكيلين (الجميح + التوكيلات)

[COLOR=darkred]الجميح = يعطونك كامل المواصفات بس الـ DVD مايجي مع الفتحة!! يعني تختار واحد منهم بس والثاني تركبه على حسابك اذا تبيه.[/COLOR]
[COLOR=darkred]التوكيلات = فل الفل (يعني كل شي بدون نقصان) والسعر مابين الجميح والتوكيلات متشابه جدا وممكن يكون مطابق[/COLOR]


في انتظار رايكم ونصايحكم ارجوكم :)
اخوكم

مثل ماقال اخوي القناصـ الجميح افضل اما اللون اكيد ملك الالوان الاسود

اخووي انصحك في الجميح واللون هذا اللي فوق الاسود والله بطل

السلام عليكم

اخوي مرهب الاحساس الف شكر لك على نصيحتك بخصوص اللون :) اما الوكيل للاسف مافيه عندنا فرع للعيسى لانه فقط في المنطقة الوسطى

اما الشرقية يوجد فقط الجميح + التوكيلات

الف شكر لك مرة ثانية عزيزي :) وعلى امل النصايح والارشادات من باقي الاخوة والله يبارك في الجميع
اخوكم