(( رابطة عشاق او ملاك برادو ))

أنا من زمان أفكر أركبها

خصوصا ً إن النور العالي مفصول على الواطي ، وهذي ميزة :xyxthumbs:

لكن الخوف من الكهرب واللعب فيه :blue:


بكم حصلت سعرها يالغالي ؟

أنا مسكت عليها خط الشرقية ورحت عليها للزلفي ، والسيارة راسية بنسبة 80% مقارنة بكفرات الوكالة

لكن أكبر عيب وأخطر عيب فيها إذا كانت الأرضية فيها موية وأنت على إنعطاف أو مسرع أو كان وقت مطر ، قل على سيارتك السلام لأنه بيصير حفلة في الشارع من كثر ماسيارتك تتزحلق وتتزلج على الطريق :bigggrin:

السلام عليكم

وش رايكم بالاسطب هذا انا مره عاجبني وابي رايكم فيه

هذي صورته


وهذي صورته وهو على سياره طبعا مو سيارتي وانما اخذتها من موقع ثاني

اهااااااا
يعني لو ما كان في الكفرات عيب مصنعي كان ما غيرتها

يعني معنى كلامك لو اركب انا الكفرات هذي ما عندي اي مشكله فيها (طبعا اذا الله وفقني وما لقيت فيها عيب مصنعي )

السؤال الاخير كيفها على الطرق المعبده راسيه السياره والا لا

بالنسبه للفصل الخامس هذا فصل حائر بين الفصول الاربعه
على قولة الشاعر خالد الفيصل :)

منور بأهله يالغالي

صراحة كان شكلة وحش ، والكفرات كانت مقاس 900 ومالية الموتر ومعطية السيارة هيبة :xyxthumbs:

لكن المشكلة إللي واجهتني هي إن الكفرات نفسها فيها عيب صناعي ، عشان كذا رجعتها وأخذت فلوسي ورجعت لكفرات الوكالة :blue:



منور الحتة يالفصول الخمسة................ (((وشو الفصل الخامس لا مؤاخذة))) :bigggrin:

ما شاء الله تبارك

والله ما توقعته حلو للدرجة هذي
بس اللي سمعته انه ما نفع معاك وتعبك زود

وأنا أفتش في صور قديمة لي ، لقيت صورة لموتري أيام "البوالين"

حبيت تشوفونها وتقولون لي رأيكم في شكله الخارجي ؟

وعليكم السلام


بالعكس ... هذي الصور من مستودع أبو جميل والموقع الإسترالي يقول إنه ماخذها من موقع عربي ، بمعنى إنه نزل عندنا قبل ما ينزل عندهم :xyxthumbs:

هلا وغلا والله أبو فارس

هالقطعة من الإختبارات والحمد لله عديتها على خير وإن شاء الله إني على وشك التخرج :xyxthumbs:

الرابطة عامرة بأهلها يالغالي

بيني وبينك ماودي يصير هذا الجديد عشان مايطيح كرت مواترنا :blue:

مبدأيا ً ما نقدر نخكم عليه من صورة ، أتوقع سعرة بيتعدى الـ 160000 ألف :a1120(82):

السلام عليكم
الصور اللي نزلت بموضوع البرادو الجديد من مستودعات ابوجميل غلط هذي صور من موقع بأستراليا والموقع عندي موجود يعني الصور مو صحيحه ههههههههههههههههه

هلا وغلا بالمنقطع
اكيد الاختبارات وما ادراك ما الاختبارات ، ان شاء الله انك توفقكت في اختباراتك
والله الرابطة تزحف زحف بدونك
البرادو الجديد شفت له صورتين ما ادري ايهم اللي بتكون الشكل الجديد؟؟
لا تقطعنا يا مشاري بطلاتك

صبحكم الله بالخير جمييييييييعا ً



وش رأيكم في البرادو الجديد ؟ :c0214:

والله وانا اخوك استلمت السيارة والمهندسين العرب غير موجودين وانا لغتي اللاتينية ضعيفة

والرجة ما تبين لي لأن عندنا زحمة في الرياض ما يمديك توصل 100 الا والسير واقف قدامك

اخيييراااااااااااااااااااااا عرفت ان سيارتي فيها تراكشن كنترول ام لا ما بغينا

حسبي الله ونعم الوكيل في المصري اللي يعطي معلومات خطأ (شكل الوكاله قايله له ان يسوي كذه محد يدري )

اخخخخخخخ لو انك تأكدت من حركه الرجه هذي هي ترصيص ام لا عشان اذا ترصيص بسويها بالدمام وافتك لكن اذا شغله طويله عريضه معناتها لازم اجي الرياض وادخلها عندهم عشان يسووونها

طيب الحين الرجه راحت من عندك نهائيا والا لسى موجوده

الله يعطيك العافية يا الفصول الخمسة على هذه المعلومات
سألت لك البارح في الصيانة عن التراكشن كنترول كبير المهندسين اسمه حسن
قلت له سيارتي كذا هل فيها تراكشن قال لي لا البرادو ما يجي فيها قلت له طيب في في الطبلون كتابة التراكشن كنترول قال هل تولع مع ما تولع السلف قلت له لا قال: اذا ما في قلت له كيف ان سيارات عبد اللطيف فيها قال ما ادري اذا فيها ام لا
وبالنسبة للهزة على سرعة 100 قلت له بما انها عند الكثير من ملاك البرادو هل هي طبيعية قال لا مهي طبيعية وبلغتهم عليها اثناء التشييك وضبطوها بس ما ادري وش سوو هل هو ترصيص او شي ثاني. وكان التشييك الثاني مجانا شامل الزيت والسيفون

طيب التعبان خالد والي ليش يقولي انه متأكد ان فيها تراكشن كنترول ولاااا لما دقيت عليه قالي صبر اشوي اسئل لك وبعدها رد علي وقالي انا متأكد ان فيها تراكشن كنترول قسم بالله لو انا في الرياض ما يردني الا مدير الفرع اتفاهم معاه على المهزله هذي واعطاء الزبون معلومات غير صحيحه واذكر قريت موضوع لواحد عام 2007 انه صار له نفس الشي وقال انه ما سكت لهم وراح اشتكاهم على المدير قاموا يهدونه وعشان يسكتونه عطوه صيانتين الظاهر انها كانت 20000 واللي بعدها مجانا يعني شغل النصب هذا عندهم من زمان ماشيه سيارتي خمس الاف وعليها اشوي والتكلفه كانت 300 ريال

وبالنسبه لتفعيل الضمان الشي الاساسي اللي هو بعد البازعي عني ويصير شغلي في وكاله وانا مرتاح

واللي اعرفه انه اي وكيل يفترض منه خدمه السياره دام انها على الضمان ولكن انا سويت الشغله هذي عشان اكون مطمئن فقط لا غير

مده التفعيل هذي مدري عنها هل بتكون نفس البازعي 60000 او ثلاث سنوات ام يصير على ابوجميل 100000 وخمس سنوات نسيت اسأل

اذكر ان احنا سوالفنا فيك انا وخالد والي وقلت له انك زعلان بخصوص ان السيارة ما فيها تراكشن كنترول وقال لي فعلا ما فيها بس احس ان معلوماته التفصيلية في هذي الامور قليلة لكن باسأل لك ان شاء الله الليلة.
اخوي الفصول الخمسة هل تنصحني بمحاولة تفعيل الضمان عند ابو جميل ؟وايش فايدته والا هو عشان بعد البازعي عنك؟
وكم مشت سيارتك كيلو الان؟
وكم تكلفة التشييك الثاني في الوكالة؟
وايش هي فائدة تفعيل الضمان ، انا اللي اعرفه ان قيمة الزيت والفلاتر ووو الاحتاج التي تحتاج لتغيير ياخذون قيمتها،وحتى اجرة اليد،ولو صار عطل في السيارة في الفترة المحددة في الضمان المصنعي فإن اي وكيل مجبر على تحمل ذلك العطل ، وكم مدة التفعيل يعني هل تزيد المدة عند تفعيل الضمان في وكالة عبد اللطيف جميل.
ارجو سرعة الرد

بيض الله وجهك والله لا يهينك بنكلف عليك في السؤال بس ياليت تستقعد لهم يعني لا تخلي ردودهم بس كلام لازم يثبت لك

بالنسبه لتفعيل الضمان يوجد حلين
دق على الرقم المجاني حق ابو جميل اللي هو 8002444400 واختار رقم 3 وهو حق المشاكل الظاهر الزبده اذا رد عليك الموظف قوله ابي افعل الضمان عشان ابي اخذ موعد للصيانه عندكم طبعا هو بيقولك هات رقم الشاصي الموجود بالاستماره وبياناتك (انا بعد ما عطيته المعلومات قالي ما طلع عنده شي وبيحاول يكلم لي المشرف عشان يحلونها ) والى اليوم هذا ولا احد حولك
اذا صار وقالوا لقوا بياناتك فالحمد لله واذا قالوا لك ما لقينها يعني مثلي

يصير مالك الا الحل الثاني الا وهو

تروح لوكاله بوجميل ودخلها صيانه على اي شي وهم يفترض انه يفعلونها على طول

( انا فعلته عن طريق معرفه احد الاشخاص العاملين في ابوجميل )

يعني لو رحت على الله وبالله ما اتوقع بيخدموك

والله ييسر امورك

ابشر راح اسأل لك في البازعي في القريب العاجل فقد حان موعد صيانة ال 10 الاف
بس ودي تقل لي كيف انك فعلت الضمان عند عبد اللطيف ممكن تفهمني؟
وبالنسبة للتراكشن فأنا اتوقع انه فعلا ما في لأن اللمبة حقة التراكشن لا تولع ولا ادري اصلا متى تولع