معليش كثرت الاسئلة عليك
عندي استفسار هل إذا حملت عليها اغراض تنزل بشكل واضح.......................... والله يجزاك خير
السموحه ما رديت عليك الكهرب انقطع وبطارية الجهاز ما استمرت 5 دقائق على بعض
بالنسبه لاستفسارك
ابدا لا تنزل ولايحزنون واهم ما يميز السياره هي الثبات والرسااوه في المنعطفات والطرق الطويله
مثلا سيارتي القديمه كابرس 96 كنت احس بجهد في السفر حتى تكون راسيه بالرغم من انها مريحه
لكن مع الكرنفال مااحس بالتعب السياره ثابته بالسرعات العاليه ولا تحتاج جهد ولعلمك اكثر من مره اصفي طبلونها وماشاء الله عليها
هناك سلبيات لها اولها العزل تسمع على السرعات العاليه وخصوصا اذا كانت الرياح جانبيه صوت الهواء وكان هناك تسرب ايضا اذا كنت بتشغل الانوار الغازيه على طول بدون مناسبه لاحظت عند غيري انها محترقه لكن عندي ابدا لم تحترق لاني اشغلها وقت الحاجه فقط
غير كذا السياره ممتازه قطعت فيها اكثر من 70 الف كم في اقل من 3 سنوات ولا عمرها اشتكت ولله الحمد
اهم مميزاتها انها اقتصاديه بالبنزين ولا تعبي غير 95 فهو افضل ويقطع مسافه اطول
المكينه قويه وجودة هواندي واضحه عليها وبتلقى علامه هواندي مختومه عليها من الجانب
القير بتقنية التبروتونيك الحديثه تبيه عادي اوتماتيك
السياره واسعه وكل مقعد منفصل عن اللي جنبه و يتسدح للخلف سواء للسائق او حتى راكب المقاعد الاخيره الثالثه وهذه فادتني اثناء السفر لان الاطفال يحبون اذا ناموا بالمسافات الطويله انهم يتسدحون ويصير مشاكل وهواش بينهم لكن ما شاءالله مع الكرنفال هذه المشكله انتهت معي اللي يبي ينام يسدح مقعدته للخلف وينام وخصوصا اذا شغلت المكيف عليهم ما راح تسمع حسهم ساعات تكييف ولا اروع
لاانسى طاولات الطعام بالمقاعد الخلفيه ياهي روعه شنطة السياره ما شاء الله تتحمل عفش بسهوله
فيه الكثير بس ما حبيت اكثر عليك باذن الله تكتشفها بنفسك مع الوقت
ايضا سعرها افضل بكثير من غيرها
طبعا ما فيه شي كامل هناك عيوب اكيد واللي ذكرتها هي اللي وجدتها للان ويمكن مع مرور الوقت تطلع بلاويها والله اعلم
لكن اكثر من 70 الف كم في خلال سنتين و نصف و ماشاءالله ما لقيت منها طلب قطع او خرابات اعتقد السياره جديره بالاقتناء
انت استخر الله قبل كل شي ولا تشيل هم الله ما يخيب من استخاره
السموحه على الاطاله
