السلام عليكم
كيف الحال يالغالين انا ابدخل بالموضوع على طول يالغالين انا عندي ماركيز 2003 وارد امريكا وواجهتني مشكله بالاخير او اني بديت الاحظها بعض الاحيان وانا واقف احس السيارة تنفض لاحظوا قلت بعض الاحيان وليس دائما ومره وانا ماشي بالخط حسيت انها على سرعة 80 تنفض
رحت لورشة صغيرة في طريق الملك عبدالعزيز واخذها العامل فيها ونقز فحصها كمبيوتر عند العضيب وردلي خبر انها فيها كويل رقم سته يقول انه خربان الزبده دقوا علي قالو الكويل خربان وتحتاج تصفيه مع العلم اخر مره سويت لها تصفيه قبل 30 الف كيلو بدون تغير الكويلات يعني اشياء التصفيه العاديه من بواجي الى فلاتر وانتم اخبر قلت له توكل على الله سوي تصفيه وغير الكويل رقم سته الي يقولون انه خربان
يالغالين خلص الموتر وغير وصفا الماكينة واخذت الموتر
لكن حاليا احس لما اشغل الموتر واثناء التحمية فيه لازالت نفضة خفيفه بس ملحوظه حتى واحد من الزملاء ركب معي واول ما شغت الموتر فيه نفضه ياخوان مدري هل وارد امريكا صوت المكائن اعلى لان الوالد عنده فورد مافيه النفضه هذي فيه بس خفيفه ماتلاحظ
رجعت للورشه قالي رح افحص كمبيوتر مجاني ورحت فحصت ثاني مره قالي معندك مشكلة الا حساس الشكمان الباقي كله ميه ميه
الحين انا محتار ولا ابي اخسر فلوس زياده لان الامريكي بصراحه يتعب مع العلم الموتر ما مشى الا 72 الف ميل
وهل تتوقعون لازم اغير كل الكويلات
تتوقعون انه من حساس الشكمان لان اللمبه بادي تطلع وتطفى من حالها وهل الرجه هذي في الامريكي عادي وهل تنصحون بما ان السيارة ما تنفض اذا جيت امشي اخليها بس المشكله انها ملاحظة بشكل زايد شوي:c0038:
سوال اخير هل فصل حساس الهواء والموتر شغال لفحصه هل فيه ضرر على الموتر لاني فصلته ورجعته كنت احسب المشكله منه لكن يوم جيت اشبكه طفى الموتر
ادري طولت عليكم
افيدوني الله يعطيكم العافيه
