اسعار هوندا .... صفعه على الوجه

.
.
.
مغلق

خخخخ والله يخوي قلت لك لاحد يهرج بدون معلومات لكن مافي فائة كل واحد يجي يهايط شوي

^_^ عزيزي السيارة الاكثر اعتمادية بينهم هي الاكورد

الكامري مر على الورشات وانا اعرف بعضهم وامر واسالهم

يقولي كامري جديدة مالها 6 شهور تسريب زيت خخخخ بالله لاتتفلسف يخوي في شي ماتدري عنه

الكامري مشاكل في القير واصوات مايعلم بيها ربك

انت اركب اكورد نضيفة جديدة وادعس بيها لين تصفي

بعدين اركب الكامري حقتك وشوف الفرق واذا ماحسيت فرق فيخوك خلك على الكامري ابرك لك

ولاتزعجنا في الاكورد والهوندا خليها لأصحابها

أغلى سيارة في هوندا عندنا هنا سعرها 139 ألف

^_^ روح السيارات الباقية وقارن

السيارة المنافسة وايل ماخذه من افضل 10 سيارات في العالم هي اوديسي وسعرها كم ؟؟؟

115 الف فل اوبشن ولاتتكلم عنها اذ ماتعرفها انا عندي موديل قديم 2003 صحيح في بعض المشاكل

لكن مكينته ياخوي 240 حصان والي واصل المكينة 240 حصان

يعني عزم كامل جبار وانزل وجرب مع سيارات 6 سلندر تشوف عجايب ماعاد المكاس طبعا والالتيما الجديدة ( نظام اكسترونيك)

يخي ازعجتونا ماعجبتك السيارة خلها روح لغيرها الناس مو صح أذواق

خلاص انت الله يحفظك خل ذوقك على الكامري والالتيما ^_^

تحية طيبة

يرحم ولدينكم اصلا السيارة الي كلشي مبلعتها مو السيرة الوكالة بكبرها اعندها سيارات
الاكورد على شنو 99 ومافيها مكيف خلفي شدعوه ومافيها تشغيل ذكي بس علشان الديكور حلو ولا مسعاتها عاديه لاوز ولاغيره الله يعز لنيسان والتويوتا بس واذا على يقول روح شوف اسعارهم الكامري الفل ب 85 والالتيما الربعه سلندر الفل ب 86 والستة بدون شاشه ب96 يعني ارخص من الاكورد الاربعه عل شنو تشد مافي حمار كرف مثل لكامري تبي سارة تشد اخذ لك كامري والمكيف ثلوج اخوي معه واحد وهذا اهو يفجر فيه تفجر من الشرقية للرياض من الرياض للشرقية مدل 2009 وياحليله
المهم ما انصحكم فيها صدقوني ال بياخذها ياخ سبشل ويركب له جنوط ومقابض نيكل وتخشيبات وهذا فل ابشن

عزيزي راسم حياك الله غلاء الاسعار في كل شي مو بس هوندا شوف النيسان

وبالنسبة لطقم الطيس الي تقول عليه الجنط الي عليه الطاسة مقاسه 16 ياعزيزي

روح الكامري وشوف كم الجنط روح الازيرا وشوف الجنط كم جنطططط ومقاسه 15 ؟؟؟؟؟؟؟؟

فالله يخليكم قلت للاحد يقدم معلومة قبل مايعرف اي شي عنها ولا بس فلسفة ^_^

ترا الفلسفة زينة بس لمن تكون عندك معلومات صحيحة
والي يقولي فولكس واجن هههه يعمي خذ موتور السيفيك والفوكس

وانزل في موية وتعال قابلني

اولا السيفيك اخف بكثير بعدين الفولكس ارخص من السيفيك هذه الله اعلم انا مادري عن الاسعار

وماراح اخذها من احد الا اروح الشركة بنفسي ^_^

بعدين ياخوي ماحد ضرب احد على ايده وقاله تعال واشتري هوندا

ماعجبتك الهوندا خليها لنا ^_^ ولأهلها

صحيح اقولك الاسعار غالية الان مرتفعة لكن شوف الارتفاع بينهم

مثلا بينها وبين الالتيما وبعدين تعال شوف فرق لمن يكون السيارة مكتوب عليها

Made in Japan ترا ماتحسب اننا فرحانين بهالكلمة لكن لها وزن ولو انه الوكيل

مابيجيب مواصفات اسمه انه السيارة مصنوعة في اليابان هذه بحالها مبلغ وقدره


مثلا سعر الألتيما 6 سلندر فل تقريبا فوق المية الف Made in USA

تعال مثلا الاكورد سعرها وصل 120 ماني متاكد من هالمعلومة

طيب الفرق نقول مثلا 15 الف بينهم كمثال

طيب الالتيما مصنوعة في امريكا والاكورد في اليابان 15 الف الفرق

طيب لو الاكورد مصنوعة في امريكا مثلا راح ينزل سعرها كثيير عن السعر الحالي

فهمت الفلسفة حقت الوكيل ( الله يعيننا عليه) بهالسعر يقدر يجيب السيارة بمواصفات عالية

وسعرها بيكون منافس ، الالتيما مصنوعة في امريكا لكن هل شفت التيما هنا عندنا قديمة صنعت في اليابان وعليها شاشة ؟؟

هل شفت ماكسيما موديل قديم وفل اوبشن ومصنوعة في اليابان وفيها شاشة ومواصفات؟

كم بيكون سعرها ، بصراحة انا اتمنى انه تجي الاكورد من امريكا وبسعر رخيص افضل من

انه تجينا من اليابان وبهذا السعر بس مو يعني انه السيارة ماتسوى !!!! ^_^

تحية طيبة

هذا الكلام اللي يجمد على الشارع,,,


يكفي متعه القياده وثبااااااتها وقوتها بالخطوط السريعه

وسلم لي على الهوندا :blue:

وقريبا ان شاءلله يا فلكس واجن :smile:

الادهى والآمر اني ادور سيارة لأخوي الصغير ومريت على موزع بمنطقتي وطلبته اسعار السيفيك والاكورد

والصدمة كانت انه طلع لي فاكس من عبدالله هاشم فيه الاسعار

سيفيك ستاندر بـ 72.000
اكورد ستاندر بـ 86.000

ياليت احد يشرح لي سبب غلاء الاسعار مقابل سيارة تجي بطقم طيس :confused1:
الا اذا كان الموزع يلعب على العالم عاد الله اعلم

هه قالك احنا في الفين وعشرة ؟؟

اول شي ياخوي لو نحنا في 2010 ليه تسب في الناس وتقولهم اغبياء ؟؟

اذا كان غلط الوكيل هل يعني انه السيارة وكل الي يمتلوكها غلطانين ؟؟

والله ياخوي لو كذا ماحد شراء تويوتا ولو يعطوني هيا ومعاها مليون ريال واتكلم من جد

بعدين الفحمات والي قاعد تقول عليها ؟؟؟ ترجع لإستخدامك على كذا الكامري ماتمشي معاك اسبوع ^_^

انا الاوديسي مع كرف مشت معي سنتين الا

وش فيك محتر على الهوندا ؟؟؟

لافيه مواصفات ولا فيه بطيخ

طيب لو النيسان مانزلت الزر الخطيييير والحساسات الي لحسوكم بيها

كان قلتوا شي ؟؟

ياخي كل وكيل وله فكره الخاص وكيلنا الي هنا الله يعيننا عليه

السيارة برا تجيب ب 110 وفيها كل شي يخطر ببالك ماعدا كاميرا خلفية

وبالنسبة للتقنية وانا اخوك اعيد كلامي الف مرة

التقنية تتفوق فيها هوندا في جميع فئاتها في سياراتها المنافسة

الكامري سوناتا التيما اوريون

صفها جنب الاكورد

البدي واتكلم عن الشاصيه مستخدم فيه تقنية متطورة بحيث انه يمتص الصدمات

وسموه الهندسة المتناغمة لأنها تزوع الصدمة وتعطي التاثير كله على السيارة

بحيث انه الراكب يجيه اقل ضرر ممكن

ثبات السيارة ورساوتها أرسى وحدة فيهم

وبما اني مجرب الازيرا والالتيما والاكورد والاوريون والكامري

ومجربهم مو تفحيط !! مجربهم سواقة ولفات الى الحد الي تبدا السيارة بيه تسحب

الازيرا تضرب فرامل وتلف او تحرك الطارة يمين او يسار السيارة تتمايل الشي الي حاصت بسببه

الالتيما افضل بكثير من الازيرا بكثيير بل افضل من الاوريون والكامري بالطبع

لكن مقارنة بالاكورد تتفوق الاكورد عليها عن تجربة

عموما الاكورد لها مميزاتها وما تحس بيها لين تغير لفئة تكون الاكورد متفوقة عليها

الاكورد الموديل 2004-2007 كان فيها مشاكل وكان سعر القطع غالي

الان انخفض كثييير ،،

السفيك مافي لها مثيل في فئتها ،

الهوندا معروفة بثباتها واهتمامها بالامان والسلامة والكماليات

لكن الوكيل يلعب دور في انه يجيب المواصفات حسب مايرى

نص الشعب مركبين شاشة ولا عمرهم طلو فيها خلينا واقعيين

الشاشة تحتاجها لمن تكون تتنقل بين مدن بكثرة

بس في ناس يحبو يمتلكوها فشخرة ^_^ الله يوفقهم تركبها ب 5000 واحسن من حقت

الشركة وباكاميرا خلفية وشاشة لمس ومواصفات جبارة ^^ ليه ادفع عليهاا 10000 عشان اركبها ؟؟؟ هذا كلام بعض الناس

اما الزر والبصمة والخرابيط هذه

موجودة في سيارات هوندا من 2000 ^^

ارجع ورا بالتاريخ وشوف الالتيما الكامري السوناتا كلها مافيها ABS الا قريب

بينما الهوندا عممته في سياراتها من عام 1990 وانا اخوك تبغا تركب هوندا اركب

ماعجبك جزاك الله خير لاتسب في احد ^_^ خلينا نكون ناس تفكيرنا راقي وكلامنا مؤدب

وأعتذر لو غلط على أحد بكلمة

تحية طيبة

والله يا راعين الهوندا انهم اغبى ناس لانهم يقولون ياباني وطيب وبعدين ؟؟

لاعب عليهم عبد الله هاشم ويقولن ياباني وخير ياطير نازل من السماء ...

احنا في 2010 ولا شفت اي تطور غريب في الهوندا ..

حساسات مافيه - شاشة مافيه - بلوتوث مافيه - ... عد واغلط .. حتى التخشيبه اغبى

من الغبيه .. ابي اشوف تقنيات جديده مالقيت اي شيء .. ليش .؟؟؟

انا ابي ادفع واحط فلوسي على شان شيء يريحني مو كني راكب دتسن ولا هايلكس

ولا الصيانة يقول سوء استخدام اثبت لي انه سوء استخدام .. قطع غيار غاليه والفحمات ما تكمل 6 شهور ..

بيجي واحد مطفي النور ويقول العالم كلها معاها هوندا ومليانه الشوارع ...

العالم تمشي مع السمعه ومع اللي مع الناس ... ولو فيها مليون عيب

يا شيخ لو يقولن بلاش ما اخذتها احط فيها 99 الف .. سلامات

<< مجرب الهوندا مو كلام من راسي.

حبيب قلبي شوف مواصفات السيفيك وبعدين تعال تكلم !!!

السوناتا يوم الخميس رحت المعرض وشفتها

فئة النص ب 75 .. ايرباق واحد و مافيها ABS !!!!!!!!!!!!!!!!!!!!!!!!!!!!!!!!!!!!!


السيفيك ال 2007 فيها 6 ايرباق .. الجديد يقولون 8 ايرباق ياروحي ومواصفات تتعب عليها

صحيح ان السوناتا مكينتها اكبر و اوسع .. لكن تبقى ماتطورت مع احترامي الشديد .. شكل وبس

سـلام

انا ماحب الهوندا بس بصراحة الاسعار معقوله

^_^ مرحبا شباب هدو اللعب الناس أذواق والي مايعرف للصقر يسوي به مطبق

سؤال بس احب اوجهه للي يتكلم بدون مايجرب ويتفلسف وهو ماعنده حق جنط كورولا

لو الالتيما والكامري والكورولا والصني كانت Made in Japan كم بيكون سعرها ؟؟؟

ياريت يأخي تجاوب على هذا السؤال روح لموظف حق الشركة وأسأله وكمان لو القطع كانت من اليابان كم بيكون سعرها ،

والي يقول أزيرا وسوناتا وبطيخ ^_^

انا مجرب الازيرا ومجرب الاكورد والالتيما والكامري والكورولا والسيفيك

وبعض هذه انا مقتنيها او كنت مقتنيها

السيفيك أفضل سيارة في فئتها مقارنة بجميع النواحي

الاكورد منافس قوي وتتفوق على منافسيها في أشياء معينة

الالتميا تتفوق في القوة نعم وبعض المواصفات

الازيرا إلى الآن معايا ومحرك 2.7 ؟؟؟؟ محرك غبي جدا لدرجة انك تتمنى تروح للي صنعه وترميه على راسه

الرساوة جميلة ومجربها إلى آخر درجة ولكن ؟؟؟

حاصت بكل بساطة وفراملها ايضا أسائت سمعتها فماتقارن بفرامل السيفيك وليس الاكورد

إلى هذه اللحظة ولا أقارن الكوري بالياباني ولو فشخو الكوريين شكل المرسيدس وركبوه

على السوناتا مايعني انها مرسيدس ولا مو ^_^

لاحد يقولي اني مشبه السوناتا بالمرسيدس كلامي اقصد بيه انه الشكل مايعني انه السيارة

صارت لايعلى عليها ولا تجي تصف بجنب ياباني !

إلى الآن والأكورد تتفوق في عدة أشياء


بما انه نتملك ماكسيما أيضا 2010 ماشاء الله تبارك الله

أوسع سيارة في هذه الفئة هي الاكورد

بين أكورد كامري ماكسيما التيما اوريون ليقاسي إلخ

المحرك الوحيد الذي يعمل بتقنية التحكم بالسلندرات

السيارة الوحيدة التي تصنع في اليابان بلدها الأم >>> ولو خرجت برا اليابان بينزل سعرها وبنشوف ^^

السيارة التي حازت على جائزة الأمان العالي من موقع JDpower المشهور

طبعا لو جينا لبعض الحاجات المضحكة بين الماكس والاكورد

طبعا تتفوق الماكسيما ( احم عندنا وحدة يكفي )

لكن سيارة بهذه الفخامة ومافي زر يقفل المرايات ههههههه

عييب يانيسان ماهقينها منكم ، بعدين المقاعد الخلفية صغيرة جدا واتوقع انه السبب الي

جعلهم يتغاضوا عن صنع موديل كوبيه من الماكس !!

نعم سعر الأكورد مرتفع لكن لايعني إنها سيئة وماتسوى !!

ياأخي أقمشة الازيرا الامامية فقط سعرها 420 ريال ؟؟؟

انا مغير أقمشة الاوديسي امامي وخلفي بـ 420 ريال

فلاحد يتفلسف رجاءا اذا عندك معلومة صحيحة اطرحها اذا انت مجرب اعرض تجربتك

لكن اذا مافي جعبتك غير الكلام الي مايودي ولا يجيب فمانريده

نحن هنا لكي نتبادل الأراء والمعلومات الواقعية الصحيحة

تحية طيبة

تفتقر مواصفات و سعرها غالي ولكن جودة وموتر لك ولزمن والدليل

الانتشاااااااااااااااااااااااااااااااااااااااااااااااااااااااااااااااااااااااااااااااااااااار

أكثر من غيرها ولا تنسى أفخم مقصورة داخلية بفئتها و أفضل أداء بغض النظر عن

السرعة و نظامها نظام الماني و إللي يجربها ماعاد يخليها و قطغ غيارها نزلت 40%

عن موديل 2007 طبعآ كلامي على موديل 2008 وطالع

سيفيك بـــ 83 ألف ...ليه ..؟ على ايش ... الحمد لله والشكر

لا وبعد القطع ...ناااااااار

أخذ لي سوناتا أو أزيرا ...أبرررررررررررررك

تحياتي...

ايييه الله يذكر ايام موديل 98 بالخير حماار كررف
ومكييفها عشر سنين استخدام ولا قد اشتكيت منه ومراتب ولا اريح
وكلها كانت طالعه بـ54 الف ريال قير تماتيك وشبابيك تماتيك ..

صح اسعار خيالية بس الموديل هذا عليه صيانه مجانية لمده ثلاث سنوات او 100.000 طبعا شاملة الضمان المده هذه

يا اخي انا استغرب اللي يقول اخذ مازدا 6 او ليجاسي ياخي لو كل واحد بيفكر زيه كان شفت المازدا والليجاسي اكثر من الاكورد في

الشارع والا هذا كلام بس طيب ليه كل الناس تفضل الاكورد بدون مواصفات على السيارات المذكوره ( الالتيما والكامري والمازدا والليجاسي وبعض الشباب يقول فولكس فاجن ) مين يجاوب كل الناس مايفهمون يتركون المواصفات وياخذون سيارة مشاكلها واجد وجوده قليله وسعرها غالي وفوق هذا قطع غيارها غاليه ؟

لو زين سعر على مواصفات عدله !

السيارة جافة بالمواصفات !!

94 الف بدون حساسات ولا دخول ببصمة ولا تشغيل بضغطة زر !

هذي مسخرة صراحة !

مجنون واسمحو لي الي يشتري اي موديل من هوندا بالاسعار هذي والبدائل موجودة !

لو مكان احد منكم اخذ لي التيما فل او مازدا 6 فل كل شي فيهم !

من جد صفعه

انا مثلك رحت للوكاله وجاني مثل هالشعور وقلت خلوها تصدي

وقارنتها بين الازيرا افضل بكثيييييييير وارخص بكثيييييييييير