حرارة التاهو 2009 صارت هاجوس ... الفزعة يارجال

الموضوع قدييييييييييييييم

و حتى راعيه من زماااااان ما دخل المنتدى

حل مشكلة الحرارة تركب بلف حرارة رياضي يفتح على 85

هلا اخوي
ان عندي تاهو 2009 شرايه من العيسى قوالي تعال بعد 1000كيلو لان هذا الزيت خفيف و المياكينة جديده واذا مشى 5000كيلو حط زيت ثقيل. بالتوفيق

الله يعطيكم خيرها ويكفيكم شرها

اخوي سمعت ان 2009 فيه عيب مصنعي في المكينه والله اعلم

السياره وضعها طبيعي شوفها بعد الالف بتصيؤ عادي




شغل المكيف من الان عادي



لا تسرع بها اكثر من 100 الا بعد 1000


لا تدخل بها بر ولا شي الا بعد 1000

تحياتي



عندي واحد 2007


وشفت كل هذا الي تقول عنه


لا وبعد شميت ريحة فيوزات كنها محترقها



بس عادي لان السياره جديدة وعادي هالاشياء



الله يبارك لك

السلام عليكم

اخوي اول ششي على البركة السياره الجديده

يعطيك خيرها و يكفيك شرها

و انا بعد توني مطلع تاهو LT دفع رباعي لون عودي ( احمر ) من الجميح

123000 كاش ( الله يخلي بنك الراجحي اخذنا منه قرض )

لها 4 ايام عندي و ما شاء الله تبارك الله

عموما الحراره زي ما قلت انت بالضبط طبعا هذا الكلام الظهر فوق الـ 100 بشعره
بس عادي دامها ما قامت تغلي

بس ما يحتاج كله تمام و اذا فيه مشكله روح للوكالة

الحرارة الطبيعية لأي سيارة هي بين 90 درجة الى 110 درجات وعندما تصل الى هذا الحد تبدأ مروحة التبريد بالعمل
شغلة ان 100 هي درجة الغليان فهذا صحيح ولكن هذه الدرجة ليست ثابته لان الضغط يتحكم بها

فلو نظرت الى درجة غليان الماء في الاماكن المرتفعة لوجدته يختلف عن الاماكن المنخفضة

وهذا ما يفسر خروج الماء من راديتر السيارة اذا تم فتحه والسيارة تعمل
لأن الضغط داخل الراديتر عالي ولا يمكن غليان الماء في الحدود المسموح بها

واذا عندك جهاز كشف او استطعت الوصول الى كمبيوتر السيارة من خلال الشاشة الداخلية سوف ترى ان كلامي صحيح

سيارتي مونديو 2003 وهناك طريقة تجعلك تعمل فحص ذاتي لاغلب اجزاء المحرك بدون العودة الى الوكالة وتعطيك من ضمن الفحص درجة حرارة السلندر الحالية

وسيارتك ما فيها الا العافية الله يبارك لك ويعطيك خيرها ويكفيك شرها

ربنا يعطيك خيره ويكفيك شره ويبارك لنا ولكم ولكل مسلم

تطمن اخى وتوكل على الله...اتوقع فترة التدريب ستحل المشكله ان شاء الله وكمبيوتر السياره الان يسجل كل التغييرات فى الحراره وكل ما يطرأ على الموتر من تغييرات حتى طريقة سواقتك وقد يأخذ هذا وقت طويل ربما الى 5 او الى 10 الاف كيلو ثم يقوم الكمبيوتر باعادة البرمجه من نفسه و ستجد ان الامبيرات بدأت تركد...

وعندما يأتى البرد سيكون هناك تغييرات ربما ستلاحظها وسيقوم الكبيوتر بتسجيلها ووزن البرمجه وهكذا يصبح الكمبيوتر مبرمج على اجوائنا وعلى طريقة سواقتك...

هذه التقنيه الجديده المتطوره جدا والمعقده ولها سلبيات كثيره خصوصا فى اجوائنا لعدم تحمل الاجزاء الكهربائيه الحراره العاليه

ولكن ارجو ان يكون لديك نوع من اليقضه الايجابيه فالعيوب متوقعه فى الامريكى اكثر من اليابانى..
وللعلم ترى صوت المروحه عالى وملفت عندما تعمل باعلى سرعتها وهذه علامه على ان الامور ان شاء الله فى الطريق الصحيح واكرر ما قاله الاخوه الكرام تجنب عبث الوكاله!!

نسأل الله التوفيق للجميع والله اعلى واعلم والسلام عليكم ورحمة الله وبركاته

السلام عليكم

انا عندي تاهو LTZ2009 توني مطلعه الاسبوع الماضي من التوكيلات

شغلت المكيف اول ماستلمته من المخزن وهو ماشي 12 كيلو
وحرارة الموتر عندي تحت النصف بشرطة واحيانا فوق النصف بشرطة واحيانا في النصف

والوضع طبيعي جدا اخوي :)
تحياتي لك

السلام عليكم ورحمة الله

أخوي مبروك سيارتك والله يعطيك خيرها


أنا اشتريت تاهو 2009 lt اللون اسود من التوكيلات العالمية ، وطلعت الاسبوع الماضي

بالنسبة للمكيف شغلته من أول ما طلعت من الوكالة وهو ما مشى إلا 9 كيلو فقط

وبالنسبة للحرارة فهي تزيد عن النص بشئ بسيط ، ثم تشتغل المراوح وترجع الحرارة للنصف .

فاللي في سيارتك عادي جدا


وحاول اخوي تقرا الاذكار ، ولا تكثر من الوسواس والشك ، حتى لا تتعب

واهم شئ الصيانة احرص عليها وحافظ عليها من المطبات .


وفقك الله

السياره مافيها إلا العافيه وخليك على كلى كلام الوكاله

هذا وسواس وانا خوك

سعودي أخوي ..

ونصيحتي لك خل السيارة شد بلدها ولا تخلي الوكالة يلعبون فيها ، لأن ماعندك أي مشكلة ..

الله يعطيك خيره و يكفيك شره

واقول عن الوسواس الزايد و السيارة جديده ومافيها شي ومقارنتك مع 2008 مش مقياس اضافة الى ان عند الارتفاع للحرارة فوق الــ100 تشتغل المراوح وترجع 100 يعني هي بين الاثنين وان كنت تشوفها فوق الــ100 بشرطة مش مشكله

ومبروك عليك السيارة

مبروك الله يعطيك خيره ويكفيك شره ,, ماعندك مشكله ابداً لأن السيارات الحديثه مثبته حرارتها على الــ100 درجه او اقل بقليل ولا يعمل المحرك تمام إلا إذا قاربت الحراره على النصف انا معي يوكن استعمال امريكي 2004 الحراره النصف تماماً المهم ان يكون الأمبير ثابت ولا يزود لأن اللي يتحكم بالحراره هو البلف

ماابي احيرك اخوي متدبس وان شاء الله انها بسيطه

لكن الحرارة الطبيعية لأي سيارة تكون تحت مستوى غليان الماء 100

شيك عى الدبه تسمع صوت الماء يفور (( يغلي ))

اذا تسمعه هذا شي up normal غير طبيعي

وآسف اذا عكرت مزاجك لكن لمصلحتك شييك عليها عدل

وتقبل مروري

والله يحفظك

أخوي سيارتك جديدة ما شاء الله تبارك الله

وشغل المكيف وخذ راحتك ولا يهمونك الوكالة وأهم شيء تمرن السيارة ولا تنسى الصيانة