نداء لأهل الطعوس وخبراء الرمال والجيوب !!

اكيد ونا اخوك الغراز مالنا عنه طابين فيه الله لايعوق بشر ,,
شكرا لمرورك اخوي Gantool

جعلك سالم وغانم
مشكور اخوي وبيض الله وجهك ياغالي

عزيزي، اذا ماتغرز، ماتتعلم ابد.

انا الحمدلله، غرزت يمكن 3 مرات، ولكن بعدها عرفت كيف التغريز، وعرفت كيف اتصرف اذا شفت السيارة ثقلت،
صدقني تتعلم مع الوقت.

ولكن لازم تغرز كم مرة

اخوي خله على H وبعدين اضغط على X (راح يشبك معك الدفع الرباعي الدائم) طبعا القير بالفاضي

واذا بغيت تحطه بالثقيل بدل الغيار من H الى L وراح يشتغل معك الثقيل

بس لاتنسى تحط القير بالــ N اذا بغيت تغير بين الثقيل والخفيف

واذا ضغطت على الــ X مره ثانيه يفصل الدفع الرباعي الدائم


((ملاحضه: بعض سيارات اللكزس تأتي دفع رباعي دائم (يعني دفع رباعي الكتروني)
على حسب وعورة الطريق ))

انصحك انك تخلي الدبل شغال على الخفيف على شان يكون دفع رباعي عادي (وليس الكتروني)
وتطفي مانع الانزلاق وكل انضمت الثبات على الطريق

واذا طلعت من النفود ترجع تشغلها

جزاك الله خير

السلام عليكم

الشباب ماقصرو وانصحك تمر هذه الموضوع وستجد الكثير من الفائده فهو عصارة تجارب خبراء في هذه المجال

http://www.assayyarat.com/forums/showthread.php?t=68148

حقيقة اخي الكريم إذا كانت السيارة من الموديلات الجديدة فلا انصحك ابدا بالتطعيس
مهما كانت الدوافع ومهما كانت الاغراءات وفي رأيي هذا هو تحكيم العقل
لأن التطعيس بما يحتوية المعنى للتطعيس مهما كانت سياراتك ومهما كانت قوتها وتماسكها إلا انه يؤثر علييها تأثير ما ويختلف على حسب الجودة

لكن لا يمنع هذا من نزولك للمناطق الصحراوية وعلى سفح الطعوس
ويكفيك في غالب الامر تنسيم الكفرات على 20 او حتى 15
وفي بعض الحالات تحتاج إلى الدبل الخفيف وهذا شغله وانت ماشي اذا حسيت السيارة بدت تدخل في ارض لينه


وفقك الله

تحياتي ..

حياك الله اخوي mso :xyxwave:
ماشاالله عليك شكلك موسوعه ,,وياليت توضح متى اشغل الدبل الخفيف والدبل الثقيل وهل صحيح انه يجب ان يكون قير السياره في الN !

ماشاء الله تبارك الله ,,, الشباب ماقصروا ,, وتم الان نقله الى قسم الدفع الرباعي ,, علشان يفيدونك اكثر الشباب من اصحاب الخبرة ,,,

يعطيك العافية

اخوي alhtn البركه الموتر

تكسره بالعافيه


اكيد التنسيم اهم شي

طبعا من المعروف ان ضغط الهواء بــ كفرات الجيوب بالزفلت 45

اذا كنت تبي تطعس خل ضغط الكفرات على 15 واذا بس تبي تدخل النفود خله على 20

اما اذا كانت معك هيلكس او ددسن خله على 5 ودعس كل البنص ولا تبي تغرز خخخخخخخخ


وبالنسبة للدبل حط القير بالفاضي N وحط الدبل على H4 (يعني دفع رباعي مستمر)

وضغط على الزر الي عليه رسمة الدفع الرباعي علشان يشبك معك الدفرنس الامامي

هذا بالــVX-R اعتقد اللكزس نفسه
وتوكل على الله ودخل النفود

بس لاتستخدم الفرامل ابدا ارفع رجلك عن البنزين وراح تاقف السياره لحالها
طبعا الا اذا طلع قدامك رجال او سياره اكيد لازم تستخدم الفرامل

واذا كنت واقف في النفود وتبي تحرك لازم تخلي الكفرات الاماميه مستقيمه
(يعني الطاره على قدام) لانه لو كانت يمين او يسار يمكن راح تغرز

وبالاخير اذا غرزت لاتدعس بنزين
لانك اذا دعست راح تحفر السياراه بمكانها واح تغرز اكثر وتبلشبها

خل دعسك على الخفيف اذا بغيت تطلع السياره واذا حسيت ان الكفرات تدور في
مكانها ارفع رجلك عن البنزين وحاول بالريوس بس انتبه حاول انك ماتخلي الكفرات
تحفر في مكانها (طبعا اذا كنت في رقيه او صعده ارجع ريوس واذا كنت في نزله امش قدام)

والوضعيه L4 الي بالدبل هذي الثقيل وتستخدم اذا كنت تبي تسحب سياره
او اذا غرزت في مكان صعب وعجزت تطلع السياره
طبعا لاتستخدمها للتطعيس ابدا


وانتبه من السيوف وانا اخوك ترك اذا نشبت فيها ماتقدر تطلع الا بسحب

وبما انك مبتدى انصحك انك ماتبعد عن الزفلت لانك 99% راح تغرز
(بس حلات الطلعه التغريز والدف والسحب والمخابي كلها نفود )

وترك اذا غرزت مره مرتين عشر مرات راح تصير عندك خبره


ولاتنسى تصورلنا الرحله مع التغريزه

والله يوفقك