اخي ابو اياد .. انت قلت سيارتك ال تى والمكيف يشتغل من بعد .. انا فى سيارتى ما يشتغل .. ياترى هل سيارتى فيها خلل مثلا ؟ على فكرة تشغيل مكيف سيارتى ليس باللمس انما بالفر فهل مكيف سيارتك نفس الشيء ؟ يمكن هنا الفرق لن المواصفات تختلف من وكيل لوكيل
والله من السواليف شف أنا من يوم خبرنا عمارنا ونا جي أم سي وصراحة والله لويقلون ان اليوكون خرباته واجد ومشاكله واجد والله لاشتريه الجمس تراث جدنا ويكفي العلامة والتاهو لونه من الجمس لشتريه ولكن مادامه من الشفر أطقع ماأشوف أهو
والله يخوى انا شفت سيارة ربيعى اليوكن وشفت ان المكيف يشتغل عن بعد وسيارتى لا وعلى طول رحت الوكالة وسالت الموظف وقال التاهو ايضا يشتغل مكيفه عن بعد ويمكن يحتاج برمجه وقعد ساعه يحاول فيه وبعدين يأس وراح لسيارة تاهو واقفه جنب سيارتى وجرب قال يا اخى المكيف مايشتغل فيها المكيف عن بعد ... قلت له لا والله شاطر
بس تصدقون يا اخوان ان التاهو او اليوكن سيارة استثنائية لرجل استثنائي ... كيف يعنى ؟؟؟
يعنى ما يشترى السيارة الامريكية الا الى قلبه حديد ويدوس الجمر حافى اما الى قلبه رهيف فيخاف يشتريها ويقول اعطال وخرابات وبهدله وما ادري شوة ؟؟؟ على الرغم انها تعجبه
فعلشان جذه انا اعتبرها سيارة استثنائية .... اما السيارات اليابانية مع جبروتها فى الارض لكنها فى النهائية تقليدية :wink: وجهة نظر
على فكرة التاهو اذا شغلته عن بعد ما يشتغل المكيف معاه لكن اليوكن يشتغل المكيف مع المحرك على طول بحسب حالة الجو وهذه صفة نموذجية
السلام عليكم من باب تصحيح المعلومة ان كانت تحتاج لتصحيح فعلا ... انا عندي تاهو 2009 والمكيف يشتغل عن بعد مع تشغيل السيارة :) اما التاهو 2008 ماعندي علم عنه الحقيقة :) اخوكم
اخي الكريم
اليوكن والتاهو كلاهما سيارة واحده ولا فرق بينهم
العملية فقط تسويقية
الفروق فقط في بعض الاكسسوارات الخارجية كالمقدمه فقط وبعض التجهيزات الداخلية التى لا تلاحظ بسهولة اما من الناحية الميكانيكية فكلاهما سيارة واحده .
انا رحت الوكاله علشان اخذ يوكن من الكندي للسيارات فى دبي وطلبت لون ابيض فقال ان الابيض غير متوفر وقال انه التاهو متوفر باللون الابيض فخذته على طول .....
حاليا استخدم التاهو ال تى 2008 وماشي عندي 18000 كم والحمد لله رحت فيه مكه المكرمه ورحت فيه البحرين وطبعا من الامارات وماشاء الله عليه
انت شوف مقدمة اى سيارة تعجبك التاهو او اليوكن وتصرف على هالاساس
ان كانت عندك استطاعة عليك بالدينالى
وان استقريت على التاهو فعليك بالزد سفنتى ون لانه اجمل واقوى وارخص من ال تى زد
واذا تبغى راى اخ مخلص لك بالله خذ لاند كروزر ..... نعم ... عندى تاهو وعاجبنى ومش نادم انى خذتو ... بس الا ند كروزر غير ... الاند كروزر مفخرة الارض ... والله لو ماسعرها الغالى لكنت خذتها ... استعملت 82 وبعدين 87 وبعدين 91 وبعدين 2001 وبعدين 2003 حق الوالد وبعدين خذت لى وحده 99 شخصية غزيت فيها الارض ... عبرت فيها الوديان .. قطعت بها الطرق .. لم تخذلنى فى اى مكان لا فى اليمن ولا صلاله ولا السعوديه ولا البحرين ولا والا ولا ...... لكن احرجنى عزيز واشتراها منى وبعدين قعدت اتردد على كل الوكالات حتى استقرت على التاهو وعينى على الكروزر ... والله يوفقك
يا جماعة الظاهر انهم ما بينهم فرق من ناحية المحركات الاساسية والتقنية الفعلية وكلها
اكسسوارات وشكل وبس
ولكن الي عجبني فعلا في موديل 2009 أنه القير 6 تغيرات يعني الموتر يرتاح وما تسمع اي صوت
حنة او ازعاج الماكينة وكذلك القير فيه نظام التماتيك والعادي بوقت واحد وهذي ميزة تستحق الاختيار
بالاضافة الى المقاعد مريحة جدا وبعد المقعد الخلفي الاخير واسع بالمقارنة ببقية السيارات الاخرى المشابه
مثل اللاندكروزر وغير كلها ضيقة مرة
العيوب
اليوكون والتاهو ما فيهم ثلاجة مع انهم سيارات عائلية وتستخدم للسفر والمسافات الطويلة
