اخواني اصحاب الفوردات عندي مشكلة هل هي طبيعية ام توهم

هلا اخوي في كهربائي شاطر روح له حل لي مشكلة الجمس موديله 92

المحل بالنسيم صناعية الامير فواز والمحل اسمه حائل للكهرباء

الله يعينك اخوي عبدالعزيز ويعينني بعد .. انا عندي ماركيز 2003 ونفس المشكله زي ماقلت بالحرف الواحد وفوقها ان لمبات الطبلون تومض بعض الاحيان بشكل غير ملحوظ... وعند الوقوف عند اشاره والمكيف شغال والسياره عال d تحس بزنه تحت ارجولك تروح وتجي (خفيفه بعد) .. مع العلم ان المشكله هاذي لها سنتين معي ..الحين السيارة قامت تقطع عندي على سرعه فوق ال60 .. فانا احط احتمال كبير زي ماقال احد الاخوان انه في كويل ضعيف.. طبعاً البطاريه والدنمو مافيها اي شئ ..

فاللي عندي خلفيه عن المشكله لايبخل علينا بقولها ...

وهو كذلك بروح للبيان يعطيك العافية اخوي

اخوي رح البيان الجديد الي في الصناعيه الفحص عندهم بـ 100 وان شاء الله يحلوها لك
موفق

اخواني جزاكم الله خير ولك من تفاعل معي في هذه المشكلة

طبعا عملت بنصيحة اخوي ونضفت الاصابع جيدا وفكيت اسلاك البدي ونضفتها ورجعتها وشديتها زين ومازالت نفس المشكلة طبعا البطارية عندي قديمة من شريتها وهي في السيارة ولمبة الفحص لونها اصفر او برتقالي مو واضحه لان البطارية قديمة المهم قلت بقطع الشك باليقين وغيرت البطارية ولكن مازالت نفس المشكلة

المشكلة بالضبط وبالتفصيل ان موتري لما يشتغل يكون الانبير حق الكهرب في الوسط تقريبا او اقل شوي طبعا للي معاه فورد يعرف رسمة البطارية اللي تجي في العداد يكون الموشر على اصابع رسمة البطارية بس لما اشغل المكيف ينزل شوي يجي وسط الرسمه حق البطارية لما اشغل النور ينزل يوصل اسفل رسمة البطارية ويصير لون الانوار باهت شوي على اصفرار لما ادوس بنزين يقوى النور ارفع رجلي ينخفض النور لما اكون ماشي زين ماعليها بس المشكلة بالوقفه يضعف الكهرب ويطلع صوت في السيارة وخاصة اذا كنت معشق الموتر ودايس بنزين صوت كذا دررر درررر تقريبا زي كذا

انا شاك الحين في الدينمو رحت ورشات فورد اللي في الصناعية قدام التقوى ماجابو نتيجه كلهم يقولون ماندري السيارة اكثرها حساسات روح افحص كمبيوتر
مع العلم ياخوان موتري ماشي 80000الف ميل موديل 2005

واللي يدل ورشة محترمة في الرياض وعندها مصداقية يدلنا الله يجزاه خير ويسدد خطاه

اسف جدا جدا جدا على الاطالة

تقبلو تحياتي العطرة

اخوكم/عبدالعزيز

شغلتك سهله خذ مني النصيحه الاكيده عندك واحد من الكويلات تعبانه متعبيه زيت ما توصل كهبر صح اذا جيت تهدي يرتفع الزيت للكويلات وتمنع الكهرب من الوصول للسياره ويضعف عندك الكهرب وترجف بعدها السياره ,,

راح تدعي لي افحص الكويلات عند افضل ورشه وراح يطلعون لك واحد من الكويلات الخربانه

هذي بعض الحلول ولكن اخوي انت تقول تجيها زي النفضه ويغض البطاريه وتطلع حاول تشيك

على منظمات الهواء والاهواز حقها لا يكون فيها تهريب او بعضها مو راكب

أخوكـ

السلام عليكم

اخوي عبد العزيز شيك على اصابع البطاريه واغسلهم اذا يحتاجون واربطهم كويس وشيّك على سلك الماص اللي عالبدي وشيّك على سلك الكهرب المربوط على الدينمو والفيش اللي على السلك

اخوك ( فني جير اتوماتيك)

بالنسبه للمكيف اغلب الامريكي كذا لما تكون واقف يخف شوي وتحس انه يرطب وبعض الاحيان تصير كذا لما يفصل الكمبروسر ويرجع يشتغل مره ثانيه وهذي عاديه مره ولاتشيل همها
انخفاض ضغط الامبير عندك يمكن عشانك مشغل المكيف بس اذا كان يلعب وتحس السياره تبي تطفي فهذا يعني انه في مشكله شف لك ورشه متخصصه وهي تبين لك السبب ان شاء الله بس في اشياء في السياره تاكد منها منها البواجي واسلاكها يمكن منها اذا ماقد غيرتها

واللله المطبات لعبت فينا

بديت اشك ان رطوبة المكيف وقت ماهدي بي المطبات بسبب انخفاض كهربة المكينة والا وشرايكم

المكيف بارد ماعلية بس يفصل احيانا يصير رطوبة بعض الاحيان في مدة لا تتجاوز 10 ثواني وليس بشكل مستمر وماحبيت اني اخربط في السيارة رحت فحصت الفريون طلع ناقص شي بسيط وزدناه
وبرضه مشكلة الفصلة والرطوبة مازالت موجودة فقررت اني اخليها مادامها بسيطه ماتاثر

بس طلعتلي مشكلة ثانية وفجاءه السيارة وانت ماشي وجيت بتوقف عند مطب ينخفظ ضغط المكينة ويغض النور شوي وينزل عداد البطارية وتطلع رجفة بسيطه بسبة ضعف المكينة مدة بسيطه وترجع لوضعها الطبيعة واذا وقفت في اشارة يقعد الانمبير يرقص فوق وتحت والاحظ شي بسيط نور الطبلون يزيد ويغظ وديتها الورش قالو اكيد مافيها كلام البطارية رحت عند راعي البطارية فحصها بالجهاز وصار عنده الانبير برضه يروح ويجي قالي كيف السيارة وقت التشغيل قلت له نقره قال اكيد مو من البطارية

الله يستر وعطونا رايكم الله لا يهينكم لاني بديت اشك في الحساسات والله اعلم

مكيف السيارة يفصل ويشبك حتى السيارة ماشية لاتشغل بالك هل فصل او مافصل
المكيف بارد او مش بارد عندك ؟؟
و الفصل و الشبك تقدر تفحص السيارة وهي واقفة و الماكينه دايرة

يعطيك العافيه اخوي