طلب مساعده لحل مشكلة قير اكسبلورر 2006

sabb @user_48155 · 17-07-2009

الرجاء المساعده

السلام عليكم
تحيه للجميح

يا أخوان انا عندي مشكله وهي مشكلة صوت الطقه اللي في القير وهذا صوت مقلق جدا اذا حطيت القير في R تمسع صوت طقه احيانا قويه جدا والسياره تفز ( في الصباح ماتظهر المشكله ) واذا مشيت بالسياره تحس ان تغيير القير في الثالث يتأخر

وديت السياره الصناعيه عند ورشه تريستار وطلع ساقها الفني اللبناني وقال لازم توضب القير والتكلفه 6000 ريال

رحت ورشه تشالنجر وقال الفني من دون ان يفحص السياره :
اول شي نغيير قطعه في القير (نسيت اسمها ) تكلف 1500 ريال ونشوف اذا القير ضبط والا نوضب القير بتكلفه 5800

الوكاله قالوا نعطيك موعد يوم الثلاثاء القادم تجيب السياره نفحصها

لكن ................انا محتاج السياره ابسافر جده يوم الاثنين
وانا ياجماعه احترت واحتاج رأيكم

* هل اسافر والسياره بوضعها الحالي وتكون المشكله بسيطه ؟
* هل ترون اي حل سريع للمشكله ؟

ابو احمد

ws1418 @user_123954 · 28-09-2009

وانا عندي نفس المشكلة في الماونتير
لها سنة على نفس الحال وطلع الصوت لما غيرت الفلتر والزيت بالوكالة
ورحت لهم وقالوا بلاي بودي سألت وشهو قالوا حساس وقال لاتغيره الا عند تغير الزيت مرة وحدة وجيتهم بعد 40000 الف قال ما عندنا فني جربوكسات طيب كيف تقولون المشكلة وهو بالاصل مافي فني

mr.nawaf @user_146286 · 23-09-2009

هذا طبيعيه المشكله
طقه ال r
طبيعيه جدا

DSC @user_184327 · 23-09-2009

يالغالي مشيت على الفلتر26000وهذي كفيله انها تتسبب في نقص الزيت او احتراقه
ارفع السياره وخل الميكانيكي يتاكد منه لو يسحب شي بسيط من الزيت ويشوفه
السياره وانا اخوك خابرها احتمال يكون من الفلتر او الزيت بنسبة 50%
ومااتوقع يكون حساس القير لان لو فيه مشكله كان ولعت لمبة الاوفر درايف عندك
النتعه عند التغير من R الى D والسياره واقفه شيك على الصليب وتاكد منه
والاحتمال الاخير كلتشات القير وهذا خله اخر شي
أبدأ بالاسهل عليك علشان ماتخسر وتحل المشكله بأقل تكلفه
علمنا وش يصير معك والله يوفقك

بــاسم2009 @user_185359 · 23-09-2009

مشكور اخوي انا غيرت الفلتر والزيت في الوكاله بعد مامشت السياره 60000 كلم وآلآن ماشيه 86000 كلم وطلعت لي هذي المشكله

DSC @user_184327 · 22-09-2009

اخوي غير فلتر القير والزيت
ولكل حادث حديث

بــاسم2009 @user_185359 · 22-09-2009

السلام عليكم ورحمة الله وبركاته
كل عام وانتم بخير
اخوي هذه المشكله اعاني منها الأن وسيارتي نفس سيارتك
ارجو منك اخوي توضحلي كيف حليت هذي المشكله لأنها مطفشتني بصراحه

SS-Q8 @user_136096 · 20-07-2009

اما حساس القير او تحتاج تبديل زيت القير مع فلتر القير .. الزيت اذا نقص هو الي يخلي التعشيق ثقيل ويطول على مايعشق . ونصيحة خل شغلك وكالة أفضل

أبوحمد @user_16055 · 20-07-2009

طيب ماشيكت على فلتر القير

Dr:cafe @user_8719 VIP · 19-07-2009

نصيح لوجه اخوي كان عنده نفس موترك
وراح ترايستا وقالو له توضيب 6000 ريال وضمان 6 شهور
ثم راح شلنجر ووضب القير عندهم وغيرو له حساسات وكلف تقريبأ6000 ريال واعطوه ضمان 6 شهور او 15000 كيلو
بعد ما طلع الموتر من التوظيب كان ممتاز وتقول وكالة وبعد اسبوعين من الاستخدام صار القير ثقيل والتغيرات غير منتظمه ورجعه لهم وقعد الموتر عندهم 3 ايام وطلعه ونفس الشي
وما ظبط معاه واخر شي باع الموتر والله بخساره

فانت لا توضب الا لما تتأكد من الحساسات
لنك لو وظبت القير فثق تمام الثقه انه ما راح يرجع وكالة أبدأ وراح تخسر على الفاضي وما راح يضبط الا لما تغيره بجديد

sabb @user_48155 صاحب الموضوع · 19-07-2009

سلام عليكم

الشكر الجزيل لجميع الردود :xyxwave:

لقيت حجز طيران وابسافر وارجع الاسبوع القادم اودي السياره للوكاله أتأكد من هالمشكله في القير
قبل يومين رحت لورشه في الصناعيه اسمها ورشة مشعل العتيبي وقال مااصلح اكسبلورر ثم رحت ورشة البيان الجديد قلت خلني اشوف وش رأيهم وقال المشكله داخل القير لازم توضيب وان اكثر الاكسبلورر فيه مشكله القير وانهم دايم يصلحون هالمشكله ومنها موديلات 2008 بعد

عموما تحياتي لكم وارجع لكم بعد اسبوع

bilany2003 @user_19836 · 18-07-2009

انا اشتغلت في فورد قبل كذا

مشكلة الاكسبدشن والاكسبلورر هي في الحساسات اذا قال لك خربانة غيرها

ابو عبدالله400 @user_57687 · 18-07-2009

تأكد من حساس القير اول ولايهمك كلام اللبناني لان حساس القير يخرب في اغلب الفوردات وتصليحه مو غالي واغلب اصحاب الورش ماعندهم ذمه ولاضمير يقولك توضيب قير وهو عارف انه حساس قير عشان يحط قيمة التوظيب في جيبه ويصلح الحساس بأقل من ربع قيمة التوظيب.

ابو سعود 1 @user_145092 · 17-07-2009

اغلب الأكسبلور فية الطقة هذي تبي شوري توكل على الله وسافر واذا جيت دخلة على الوكالة وحط راسك على المخدة ونم قد يكون حساس او بلف داخل القير اكيد الوكالة مر عليهم نفس مشكلتك الف سيارة وعارفين من وين يبدون
اذكر كان عندي مكسما 2001 قير اوتوا كنت فيها طقة تكسر الرقبة
تشلنجر وترايستار وكذا مركز متخصصين كلهم قالوا قير ويكلف 5000 الى 7000 وننصحك بقير جديد
دخلتهاعلى الوكالة بريح بالي وحاجز قيمة قير على جنب بعد مادخلتها عل طول قالوا انتضر شوي وقالوا جرب يوم جربت الموتر طلع وكالة بغيت اشيل مهدس الأستقبال على اكتوفي وطيربة للمطار احج بة
المشكلة حساس القير 400 ريال