السلام عليكم
أبيكا أتوماتيك 2005
مشكلتي مع الأبيكا قبل حوالي شهر , السيارة نظيفة ما فيها شي ولا اشتكيت منها في أي شي لها تقريبا سنة معاي . يوم اخذتها وانطفت علي فجأه ,كل شي سليم فيها بس اذا سخنت ووصلت الحرارة الطبيعية السيارة تنطفي ولا تشتغل إلى إذا بردت .
وديتها اول ورشة في الصناعية القديمة طلعلي قائمة من الاشياء اللي لازم اغيرها
ومنها :
طرمبة البنزين –بواجي – اسلاك بواجي – فلتر هوا فلتر زيت وجه بلوف ...
اخر شي سحبتها منه ووديتها ورشة ثانية .
فحصتها قالي انه فيها الكمبيوتر .. مشكله في الكمبيوتر يحتاج تغيير . سحبت السيارة منه ووديتها ورشة جيركو للصيانه وجلست عنه 3 ايام وقالي فيها مشكلة كمبيوتر يحتاج يتغير مع السويتش والكمبيوتر اللي تحت الدركسون .
آخر شي
وصل بي المطاف ووديتها وكالة الجميح . فحصوها وقالولي عندك اسلاك الظفيره ملخبطة وتحتاج تصليح .
قالولي حط دفعة 3000 ريال ويمكن تكون مفتوحة يا تزيد او تنقص على حسب ما تحتاج السيارة !!! .
وش رايكم ياشباب أبي الفزعة وش تنصحوني وهل احد مرت عليه هذي المشكله من قبل
السيارة إذا وصلت الحرارة الطبيعيه تنطفي وماتشتغل إلا بردت شوي .
واحد قالي طرمبة البنزين ؟؟؟
الفزعة ومنتظر ردودكم.
تحياتي
FCB
