صفي موترك بواحد ريال

صقرابيض @user_121697 · 11-08-2009

أخواني أعضاء وزوار المنتدى عندي طريقه مفيده وماهي مكلفه إذا موترك ماهوب صافي فيه تقطيعه أو تفتفه وش تسوي
ماتدري الحل عندي سواء كان بخاخ أو كربريتر بنزين أخضر 91 أو أحمر 95
الطريقه كالآتي
تخلي الموتر إلين يصفر البنزين يبي يطفي يالله يوصلك للمحطه
إذا وصلت المحطه تاخذ لك قاز كروسين بريال واحد ويجي قد علبة المويه أم ريالين
وتصبه في التانكي وأنت واقف عند طرمبة البنزين
والموتر طافي
وبعدها تعبي وراه بنزين سواء أخضر أو أحمر اللي تبي إذا بنزين أخضر مايتعدى 20 ريال وإذا بنزين أحمر بعد ما يتعدى 30 ريال ،،،، بس أهم شي يكون الموتر مصفر
وتسمي بالله وتشغل وشف كيف يبي يتغير موترك على طول من أول تشغيله ويفضل بعدها تمسكه خط 50 كيلو
وبعدها راح تدعيلي
فائدة الكروسين ينظف الليات والتانكي وطرمبة البانزين والبواجي والكربريتر أو البخاخ ولا منه ضرر مجربه كذا مره
منقول ...........ودمتم سالمين

فني سيارات @user_8460 · 14-08-2009

السلام عليكم ورحمة الله و بركاته

يعطيك العافيه عودتنا يا صقر ابيض على كل ماهو مفيد ويارت تستمر لى هذا النهج

اما هذا الموضوع المنقول
فليس فيه اي تفسير علمي صحيح ويغلب عليه الظن ان الكيروسين ينظف بقايا الكربون او اي شي اخر
راجعت الموضوع وردودك حيث اشرت بتجربة ولكن اعتقد انك لم تجرب فقط نقلت عن صاحب الموضوع الرد بتجره

وربما صاحب الموضوع يقصد التجربة في الناس اولا

لان الكيروسين ثقيل ويسبب خلل كبير في البخاخ ولا يصلح بالمرة اثقل من الديزل او اخف بقلسل ثم ان ايجاده في المحطات امر صعب جدا

وان اختلط الكورسين مع البنزين 91 الاكوتين يقل وترتفع نسبة الرصاص في الخزان وقد يصل الى المرحك بنزين 80 اوكتين وهو يضر جدا بالمحرك وترى ذلك واضح بكثرة الدخان الاسود وقد يخرج من الشكمان بصورة دخان اسود وبعد ذلك تصفى الماكينه نتيجة ان الكمية بسيطة وقد يشعر بها من يفعل ذلك ان المحرك قد تحسن ادائه ولكن العكس صحيح

ان تعبث في سيارة وديل السبعينات و الثمانينات قد تنجوا
ولكن من التسعين و ال2000 لا اعتقد ان السيارة سوف تنجوا من هذه التجيربة الى بعد خساير كثيره

لذلك اسمح لي باغلاق الموضوع