اقول يابو ليلى
ويش رايك
والا اول اشوف واحد يصيف واياي في ابها
اقول كيف الصيف هناك
والسياحه
حط في راسك ترانا عزاب
انا مره رحت اصيف في الجنوب مع شباب
والله ماجلسنا 24 ساعه
كل ماجينا ندخل منتزه قالوا عوايل
واحنا غشم ماندل في الجنوب
المهم ااننا حتى السكن طردونا منه
وكل شوي يقولون لنا هذا موسم
شقق عوايل
مانسكن عزاب
واللي حصل
جينا كلمنا احد الفنادق
قلنا له فيه غرف
قال لنا عزاب والا عوايل
قلنا عزاب
قال مافيه
قال واحد من اخوياي ليه العزاب مالهم رب
قال ذاك مالهم رب
المهم وصلت مع خوينا
وقال والله ماعاد اقعد هنا دقيقه
وهاتك راجعين
مأساه هالسياحه الداخليه
المشكله
حنا بنصيف بفلوسنا ماقاعدين نشحذ احد
ومع ذلك ماحصلنا لاسكن
ولا منتزه
دلونا على كم منتزه بس اكيد انها
كم شجره طايحه
وكم خشبه وكم خربوطه
حطوها للشباب
المهم
اقول
كفايه فتحت جروحي
الله يخلي لنا الشرقيه وماجاورها
مدينة العاب
العاب بحريه
سكن
سينما
متاحف
مسارح
ويش الواحد يبي بناس يطردونه
لا وبعدين يقولون سياحه داخليه
تصدق
ممكن فيه سياحه في المملكه
لكن ليست للشباب
وسلم لي على ابها
